លោកមហាសេដ្ឋី វ៉ារេន បាហ្វេត (Warren Buffett) បានអះអាងថាលោកនៅតែជឿជាក់ថាមិនមានអ្វីដែលអាចបញ្ឈប់សហរដ្ឋអាមេរិកទេ ហើយសហរដ្ឋអាមេរិកនឹងក្រោកឈរពីការផ្ទុះជំងឺកូវីដ ១៩ នេះ ដូចដែលពួកគេបានឆ្លងកាត់មកក្នុងកំឡុងពេលមួយសតវត្សកន្លងមក…
លោកមហាសេដ្ឋី វ៉ារេន បាហ្វេត (Warren Buffett) បានអះអាងថាលោកនៅតែជឿជាក់ថាមិនមានអ្វីដែលអាចបញ្ឈប់សហរដ្ឋអាមេរិកទេ ហើយសហរដ្ឋអាមេរិកនឹងក្រោកឈរពីការផ្ទុះជំងឺកូវីដ ១៩ នេះ ដូចដែលពួកគេបានឆ្លងកាត់មកក្នុងកំឡុងពេលមួយសតវត្សកន្លងមក ។
ប៉ុន្តែនាយកប្រតិបត្តិរបស់ក្រុមហ៊ុន Berkshire Hathaway មា្នក់នេះបានប្រកាសកាលពីថ្មីៗកន្លងមកថា ក្រុមហ៊ុនលោកបានលក់ភាគហ៊ុនរបស់ក្រុមហ៊ុនអាកាសចរណ៍ចំនួន ៤ ទាំងអស់ និងបាននិយាយថាវាជាកំហុសឆ្គងដែលក្រុមហ៊ុនវិនិយោគលើវិស័យនេះព្រោះការធ្វើដំណើរតាមអាកាសមិនអាចត្រលប់មកដូចដើមវិញលឿនទេព្រោះតែកូវីដ ១៩ ។
យ៉ាងណាក្តី លោកបានលើកឡើងក្នុងកិច្ចប្រជុំរវាងម្ចាស់ភាគហ៊ុនក្រុមហ៊ុនពីឧបសគ្គជាច្រើនដែលលោកបានឆ្លងកាត់ដែលរួមមានវិបត្តិកាំជ្រួចមីស៊ីលគុយបា សង្គ្រាមត្រជាក់ ការវាយប្រហារភេរវកម្ម និងវិបត្តិសេដ្ឋកិច្ចឆ្នំឫ ២០០៨ ផងដែរ ។ លោកបានបន្ថែមថា សហរដ្ឋអាមេរិកបានឆ្លងកាត់ពេលដ៏លំបាកទាំងនេះបានគ្រប់ពេល ។
លោកបានទទួលស្គាល់ថាការផ្ទុះជំងឺកូវីដ ១៩ មានលក្ខណៈខុសគ្នាពីឧបសគ្គដែលមានកន្លងមកពិតមែន តែលោកនៅតែសុទិដ្ឋិនិយមលើសេដ្ឋកិច្ចអាមេរិកដដែល ។
លោក បាហ្វេត មិនបានចែករំលែកពីពេលវេលាដែលលោកគិតថាសហរដ្ឋអាមេរិកអាចនឹងក្រោកឈរវិញបានទេ ប៉ុន្តែលោកជឿជាក់ថាសហរដ្ឋអាមេរិកនៅតែអាចឆ្លងផុតរួចនៅថ្ងៃអនាគត ខណៈដែលលោកជំរុញដល់អ្នកវិនិយោគឲ្យរក្សាភាពប្រុងប្រយ័ត្ន ។
ក្នុងកំឡុងពេលត្រីមាសដំបូង ក្រុមហ៊ុន Berkshire Hathaway បានខាតបង់ប្រមាណ ៥០ ប៊ីលានដុល្លារដែលជាការខាតបង់ច្រើនជាងគេក្នុងប្រវត្តិសាស្ត្រក្រុមហ៊ុន ។ ការខាតបង់នេះគឺបង្កឡើងព្រោះតែការធ្លាក់ចុះនៃតម្លៃការវិនិយោគធំៗរបស់ក្រុមហ៊ុនដូចជាក្រុមហ៊ុន Kraft Heinz, Bank of America, Apple និង Coca-Cola ជាដើម ។
លើសពីនេះទៅទៀត អាជីវកម្មដទៃទៀតក្រោមការគ្រប់គ្រងរបស់ Berkshire Hathaway ដូចជា Dairy Queen ,Fruit of the Loom, Duracell និង Benjamin Moore ទទួលរងការប៉ះពាល់យ៉ាងខ្លាំងពីកូវីដ ១៩ ៕
ចែករំលែកព័តមាននេះ