អ្នកដឹកនាំអាជីវកម្មកំពុងតែស្ថិតក្រោមសម្ពាធកាន់តែខ្លាំង ។ ដើម្បីដឹកនាំមនុស្ស និងអាជីវកម្មខ្លួនដោយជោគជ័យ អ្នកដឹកនាំអាជីវកម្មត្រូវតែមានសមត្ថភាពក្នុងការបែងចែកការងារសំខាន់ៗ ខណៈដែលនាំផ្លូវបុគ្គលិកឲ្យកាន់តែជោគជ័យក្នុងអាជីវកម្មផងដែរ ។ ខាងក្រោមនេះជាយុទ្ធសាស្ត្រមួយចំនួនក្នុងការសម្រេចបានគោលដៅនេះ ៖ ១….
អ្នកដឹកនាំអាជីវកម្មកំពុងតែស្ថិតក្រោមសម្ពាធកាន់តែខ្លាំង ។ ដើម្បីដឹកនាំមនុស្ស និងអាជីវកម្មខ្លួនដោយជោគជ័យ អ្នកដឹកនាំអាជីវកម្មត្រូវតែមានសមត្ថភាពក្នុងការបែងចែកការងារសំខាន់ៗ ខណៈដែលនាំផ្លូវបុគ្គលិកឲ្យកាន់តែជោគជ័យក្នុងអាជីវកម្មផងដែរ ។ ខាងក្រោមនេះជាយុទ្ធសាស្ត្រមួយចំនួនក្នុងការសម្រេចបានគោលដៅនេះ ៖
១. ជំរុញទឹកចិត្ត និងទាក់ទាញបុគ្គលិកដែលមានសមត្ថភាព
ការជំរុញទឹកចិត្តបុគ្គលិក គឺពិតជាសំខាន់ណាស់ក្នុងការទាក់ទាញបុគ្គលិក និងលើកទឹកចិត្តពួកគេ ។ មនុស្សជាច្រើនបានចាកចេញពីក្រុមហ៊ុនធំៗដូចជា Google និង Facebook ដោយសប្បាយចិត្តព្រោះក្រុមហ៊ុនតូចៗមានសមត្ថភាពក្នុងការជំរុញទឹកចិត្តពួកគេច្រើនជាង ។ ហើយវាមិនចាំបាច់ជាប្រាក់បៀវត្សខ្ពស់ទេ ។ ពេលខ្លះ គោលដៅរបស់ក្រុមហ៊ុនក៏អាចជំរុញទឹកចិត្តបុគ្គលិកបានដែរ ។
២. បកស្រាយពីគោលដៅរយៈពេលខ្លី
បន្ទាប់មកទៀត គឺអ្នកត្រូវតែពន្យល់បកស្រាយពីគោលដៅរយៈពេលខ្លីដែលក្រុមហ៊ុន ឬអាជីវកម្មរបស់អ្នកត្រូវតែសម្រេចដើម្បីឆ្លងផុតការផ្ទុះជម្ងឺកូវីដ ១៩ នេះ ។ គោលដៅទាំងនោះត្រូវតែច្បាស់ លាស់ អាចវាស់វែងបាន និងអាចសម្រេចបានក្នុងពេលណាមួយកំណត់ ។
៣. ជំរុញឲ្យបុគ្គលិកចែករំលែកពីយុទ្ធសាស្ត្រ ដើម្បីសម្រេចគោលដៅទាំងនោះ
ការបកស្រាយពីគោលដៅខាងលើអាចជំរុញដល់បុគ្គលិកឲ្យគិតពីអ្វីដែលពួកគេអាចធ្វើបានដើម្បីជួយដល់ក្រុមហ៊ុនឲ្យសម្រេចគោលដៅទាំងនោះ ។ ប្រសិនបើក្រុមហ៊ុនឬអាជីវកម្មរបស់អ្នកមានបែងចែកតាមផ្នែកហើយនោះ អ្នកដឹកនាំតាមអ្នកគួរតែជំរុញឲ្យបុគ្គលិករកវិធីសម្រេចគោលដៅតាមផ្នែកដែរ ។
៤. វិភាគការងារ និងលើកទឹកចិត្តដល់អ្នកដែលរៀនបានច្រើនជាងគេ
អ្នកគួរតែរក្សាទំនាក់ទំនងល្អជាមួយម្ចាស់គំនិតដែលអ្នកជ្រើសរើស និងសួរពីអ្វីដែលពួកគេបានសម្រេច ការងារដែលកំពុងតែបំពេញ ឧបសគ្គដែលកំពុងតែជួបប្រទះ និងវិធីដើម្បីឆ្លងកាត់ឧបសគ្គទាំងនោះជាដើម ។
ជាមួយគ្នានេះដែរ អ្នកគួរតែផ្តល់ការលើកទឹកចិត្តដល់អ្នកដែលអ្នកគិតថារៀនសូត្របានច្រើនជាងគេ និងអ្នកដែលត្រៀមខ្លួនរួចក្នុងការបំពេញការងារកាន់តែធំៗ ។ ការធ្វើដូច្នេះនឹងជួយឲ្យអ្នករកបានមនុស្សដែលអ្នកអាចទុកចិត្តបាន និងមានសមត្ថភាពក្នុងការបំពេញការងារឲ្យអ្នក ៕
ចែករំលែកព័តមាននេះ