ខេត្តកំពង់ចាម ៖ ក្រោមបញ្ជារបស់លោកឧត្តមសេនីយ៍ត្រី បែន រ័ត្ន ស្នងការនគរបាលខេត្តបានចាត់ឲ្យកម្លាំងក្រោមឱវាទចុះប្រតិបត្តិការបង្រ្កាបគ្រឿងញៀន ដោយបានធ្វើឡើងនៅ វេលាម៉ោង៧យប់ថ្ងៃទី២៧ តុលា ២០១៤ ។ នៅត្រង់ចំណុចភូមិអំពិលលើ ឃុំអំពិល ស្រុកកំពង់សៀម ចាប់ជនសង្ស័យចំនួន២នាក់ដកហូត
ខេត្តកំពង់ចាម ៖ ក្រោមបញ្ជារបស់លោកឧត្តមសេនីយ៍ត្រី បែន រ័ត្ន ស្នងការនគរបាលខេត្តបានចាត់ឲ្យកម្លាំងក្រោមឱវាទចុះប្រតិបត្តិការបង្រ្កាបគ្រឿងញៀន ដោយបានធ្វើឡើងនៅ វេលាម៉ោង៧យប់ថ្ងៃទី២៧ តុលា ២០១៤ ។ នៅត្រង់ចំណុចភូមិអំពិលលើ ឃុំអំពិល ស្រុកកំពង់សៀម ចាប់ជនសង្ស័យចំនួន២នាក់ដកហូតបានថ្នាំញៀនជាច្រើន ប្រភេទក្រាមពណ៌ស មេតំហ្វេតាមីន បានចំនួន៩កញ្ចប់ស្មើជិតកន្លះគីឡូក្រាម លុយចំនួន៦លានរៀល និងប្រាក់ដុល្លារចំនួន១.៣២០ ដុល្លារ ចំណែកមេក្លោងវិញបានផ្លោះរបងរត់គេចខ្លួនបាត់ចូលទៅក្នុងព្រៃ ។
សមត្ថកិច្ចនគរបាលក្រុងកំពង់ចាម ប្រាប់ឲ្យដឹងថា ដោយសារតែមានការចង្អុលបង្ហាញពីលោកស្នងការនគរបាលខេត្តនោះ នៅវេលាម៉ោង៣រសៀល ថ្ងៃទី២៧ តុលា កម្លាំងអធិការដ្ឋាននគរបាលក្រុងកំពង់ចាម បានចុះល្បាតពង្រឹងសន្តិសុខនៅភូមិតាណេង សង្កាត់សំបួរមាស ក្រុងកំពង់ចាម ក៏បានប្រទះឃើញជនសង្ស័យម្នាក់ជិះម៉ូតូ១គ្រឿងគួរឲ្យសង្ស័យ ហើយហៅឲ្យឈប់ដើម្បីត្រួតពិនិត្យតែជននោះបានជិះម៉ូតូរត់គេចខ្លួន លោតចូលក្នុងទឹកបឹង ក៏បណ្តែតថ្នាំញៀនចំនួន២កញ្ចប់តូច ។
សមត្ថកិច្ចនគរបាលក្រុងកំពង់ចាម បានប្រាប់បន្តថា ជននោះក្រោយពីបានបញ្ជូនមកកាន់អធិការដ្ឋាននគរបាលក្រុងកំពង់ចាម ក៏បានឆ្លើយសារភាពថាថ្នាំញៀននេះរូបគេបានទិញពីផ្ទះមួយកន្លែងស្ថិតនៅភូមិអំពិលលើ ឃុំអំពិល ស្រុកកំពង់សៀម ។បន្ទាប់មកលោកវរសេនីយ៏ទោ សំ ហេង អធិការស្តីទីក្រុងកំពង់ចាម និងលោកវរសេនីយ៍ទោ សោម រស់ នាយការិយាល័យប្រឆាំងគ្រឿងញៀនខេត្ត បានសុំគោលការណ៍ពីលោកវរសេនីយ៍ឯក ឯម កុសល ស្នងការរងនគរបាលខេត្តបើកប្រតិបត្តិការចុះទៅបង្រ្កាបទីតាំងផ្ទះលក់គ្រឿងញៀននោះជាបន្ទាន់ ក្រោមកិច្ចសហការជាមួយ នឹងនគរបាលស្រុកកំពង់សៀមដោយចាប់ជនសង្ស័យបានចំនួន២នាក់ក្នុងនោះមានៈ ១-ឈ្មោះ សន រចនា ហៅពៅ ភេទប្រុស អាយុ៣៥ឆ្នាំ ២-ឈ្មោះ សុ វណ្ណៈ ភេទប្រុស អាយុ២៥ឆ្នាំ ទាំង២នាក់នៅភូមិអំពិលលើ ឃុំអំពិល ស្រុកកំពង់សៀម ។ ជាមួយនោះក្រៅពីវត្ថុតាងខាងលើ ដកហូតបានជញ្ជីងអេឡិចត្រូនិច១គ្រឿងផងដែរ ។
មន្រ្តីនគរបាលស្រុកកំពង់សៀមវិញ បញ្ជាក់ថាជនសង្ស័យទាំងនេះអាចគ្រាន់តែ ជាកូនចៅគេចំណែកមេក្លោងវិញរត់គេចខ្លួនបាត់ តែទោះជាបែបណាក្តីជននោះ ត្រូវបានសមត្ថកិច្ចស្គាល់អត្តសញ្ញាណនិងកំពុងតាមស្វែងរកចាប់ខ្លួន មកផ្តន្ទាទោសផងដែរ។
ចែករំលែកព័តមាននេះ