មនុស្សមានជម្រើសច្រើនណាស់សម្រាប់ការទុកដាក់លុយ ។ ជាទូទៅ អ្នកធ្វើការទុកលុយក្នុងគណនីចរន្ត តែលុយក្នុងគណនីនេះមិនជួយរកលុយឲ្យអ្នកបានច្រើនទេ ។ អ្នកជំនាញផ្នែកហិរញ្ញវត្ថុផ្តល់យោបល់ថា អ្នកមិនគួរទុកលុយក្នុងគណនីចរន្តច្រើនជាងការចាយវាយពីរខែរបស់អ្នកឡើយ ។ ជាក់ស្តែង…
មនុស្សមានជម្រើសច្រើនណាស់សម្រាប់ការទុកដាក់លុយ ។ ជាទូទៅ អ្នកធ្វើការទុកលុយក្នុងគណនីចរន្ត តែលុយក្នុងគណនីនេះមិនជួយរកលុយឲ្យអ្នកបានច្រើនទេ ។ អ្នកជំនាញផ្នែកហិរញ្ញវត្ថុផ្តល់យោបល់ថា អ្នកមិនគួរទុកលុយក្នុងគណនីចរន្តច្រើនជាងការចាយវាយពីរខែរបស់អ្នកឡើយ ។
ជាក់ស្តែង កន្លែងដែលត្រឹមត្រូវសម្រាប់ការទុកដាក់លុយអាចនឹងខុសគ្នាពីមនុស្សម្នាក់ទៅមនុស្សម្នាក់ទៀត ប៉ុន្តែអ្នកត្រូវតែឧស្សាហ៍វាយតម្លៃឡើងវិញថាតើអ្នកកំពុងតែទុកលុយនៅកន្លែងខុសដែរឬទេ? ខាងក្រោមនេះជាមុខសញ្ញាដែលបង្ហាញថាអ្នកគួរតែប្តូរកន្លែងទុកលុយ៖
១. អ្នកមិនមានប្រាក់គ្រប់គ្រាន់សម្រាប់ពេលអាសន្ន
ការផ្ទុះនៃជម្ងឺកូវីដ ១៩ បានផ្តល់នូវមេរៀនសំខាន់មួយសម្រាប់មនុស្សជុំវិញពិភពលោក គឺ អ្នកត្រូវតែត្រៀមខ្លួនសម្រាប់អ្វីដែលអ្នកមិនអាចមើលឃើញ ឬរំពឹងទុកមុន ។ ដើម្បីត្រៀមខ្លួនបាន អ្នកត្រូវតែធានាថា ប្រាក់បម្រុងទុកគ្រាមានអាសន្នរបស់អ្នកអាចដកបានដោយងាយ និងលឿន ។ ប្រសិនបើអ្នកមិនទុកថវិកាបម្រុងសម្រាប់អ្នកក្នុងគណនីដាច់ដោយឡែកមួយទៀតទេនោះ អ្នកកំពុងតែទុកលុយនៅកន្លែងខុសហើយ ។ប្រសិនបើអ្នកមានថវិកានៅសល់លើសពីអ្វីដែលអ្នកត្រូវការសម្រាប់គ្រាអាសន្ន អ្នកក៏គួរតែផ្តោតស្មារតីលើការវិនិយោគដែលអាចទាញអត្ថប្រយោជន៍ក្នុងរយៈពេលវែងដែរ ។
២. អ្នកមិនមានគោលដៅច្បាស់លាស់
តើអ្នកមានគោលដៅសន្សំ ឬរកលុយទេ? ប្រសិនបើអ្នកមិនមានទេនោះ អ្នកប្រហែលជាមិនគ្រប់គ្រងលុយបានល្អនៅឡើយទេព្រោះការមានគោលដៅច្បាស់លាស់ជួយដល់អ្នកក្នុងការសម្រេចចិត្តលើកន្លែងទុកដាក់លុយ ។ ឧទាហរណ៍ដូចជា ប្រសិនបើអ្នកចង់ទិញផ្ទះក្នុងកំឡុងពេល ៥ឆ្នាំខាងមុខ នោះអ្នកអាចសម្រេចចិត្តថាអ្នកគួរតែទុកលុយសន្សំក្នុងធានគារ ឬវិនិយោគលើអ្វីដែលអាចរកប្រាក់ចំណេញដល់អ្នកវិញមុនពេល ៥ឆ្នាំជាដើម ។
៣. អ្នកមានបញ្ហាពិនិត្យគណនីរបស់អ្នក
ប្រសិនបើអ្នកមិនដឹងពីវិធីពិនិត្យគណនី ឬមានបញ្ហាក្នុងការពិនិត្យថវិកាដែលមានក្នុងគណនីនោះ វាជាសញ្ញាបង្ហាញថាអ្នកគួរតែប្តូរធនាគារហើយ ។ អ្នកមិនអាចព្យាយាមសម្រេចគោលដៅរបស់អ្នកបានទេប្រសិនបើអ្ននកមិនដឹងច្បាស់ពីថវិកាដែលអ្នកមានក្នុងគណនីច្បាស់លាស់ ។
៤. លុយរបស់អ្នកមិនជួយរកលុយឲ្យអ្នកដោយស្វ័យប្រវត្តិ
មនុស្សជ្រើសរើសការវិនិយោគព្រោះពួកគេចង់បង្កើនទ្រព្យសម្បត្តិរបស់ខ្លួនក្នុងរយៈពេលណាមួយមិនថាខ្លីឬវែងទេ ។ ជាក់ស្តែង មិនមែនមនុស្សគ្រប់គ្នាទេដែលមានសមត្ថភាពក្នុងការវិនិយោគ ប៉ុន្តែវាជាជម្រើសល្អជាងគេប្រសិនបើអ្នកចង់ក្លាយជាអ្នកមាន ។ សូម្បីតែការដាក់លុយក្នុងធនាគារក៏អាចរកការប្រាក់ឲ្យអ្នកវិញដែរ តែប្រសិនបើអ្នកចង់មើលឃើញលុយកើនឡើងលឿន អ្នកគួរតែពិចារណាលើជម្រើសដទៃទៀត ៕
ចែករំលែកព័តមាននេះ