រាជធានីភ្នំពេញ ៖ បន្ទាប់ពីកម្ពុជារងផលប៉ះពាល់ពីជំងឺកូវីដ ១៩ ក្នុងរយៈពីរបីខែចុងក្រោយ នេះគេសង្កេតឃើញអង្គការលីកាដូបានចេញសេចក្តីថ្លែងការណ៍រួមមួយស្តីពី «បំណុលមីក្រូ ហិរញ្ញវត្ថុគួរត្រូវបានព្យួរ និងប្រគល់បណ្ណកម្មសិទ្ធិដីធ្លីជូនម្ចាស់ទ្រព្យវិញកំឡុងពេលរីករាល ដាលនៃជំងឺកូវីដ…
រាជធានីភ្នំពេញ ៖ បន្ទាប់ពីកម្ពុជារងផលប៉ះពាល់ពីជំងឺកូវីដ ១៩ ក្នុងរយៈពីរបីខែចុងក្រោយ នេះគេសង្កេតឃើញអង្គការលីកាដូបានចេញសេចក្តីថ្លែងការណ៍រួមមួយស្តីពី «បំណុលមីក្រូ ហិរញ្ញវត្ថុគួរត្រូវបានព្យួរ និងប្រគល់បណ្ណកម្មសិទ្ធិដីធ្លីជូនម្ចាស់ទ្រព្យវិញកំឡុងពេលរីករាល ដាលនៃជំងឺកូវីដ ១៩» ។
តែសេចក្តីថ្លែងការណ៍នេះត្រូវបានគ្រឹះស្ថានធនាគារ និងហិរញ្ញ វត្ថុនៅកម្ពុជាឆ្លើយតបថាសេចក្តីថ្លែងការណ៍របស់សង្គមស៊ីវិលនេះមិនបានឆ្លុះបញ្ចាំងអំពីស្ថានភាពជាក់ស្តែងបណ្តាលឲ្យមានផលប៉ះពាល់ដល់វិស័យ ធនាគារ និងហិរញ្ញវត្ថុ ដែល ជាឆ្អឹងខ្នងនៃសេដ្ឋកិច្ចជាតិទាំងមូល ។ លើសពីនេះអ្នកសេដ្ឋកិច្ចយល់ថា ការស្នើរសុំរបស់ សង្គមស៊ីវិលនេះមិនមានលក្ខណៈវិជ្ជាជីវៈនោះទេ ហើយអាចបង្កហានិភ័យដល់វិស័យ ហិរញ្ញវត្ថុទាំងមូល ។
យោងតាមសេចក្តីថ្លែងការណ៍របស់អង្គការលីកាដូកាលពីថ្ងៃទី ២៧ខែមេសា ឆ្នាំ ២០២០ បានឱ្យដឹងថា «កន្លងមករាជរដ្ឋាភិបាលមានវិធានការមួយចំនួនរួចមកហើយ ។ យើងខ្ញុំ សូមសំណូមពរបន្ថែមដល់រាជរដ្ឋាភិបាលក្នុងការពិចារណា ដើម្បីធានាថា គ្រឹះស្ថានមីក្រូហិ រញ្ញវត្ថុ ឆាប់ផ្អាកការសងប្រាក់កម្ចី និងការប្រាក់ទាំងអស់យ៉ាងតិចណាស់ចំនួន ៣ខែ និង ប្រគល់ជូនម្ចាស់ទ្រព្យវិញនូវបណ្ណកម្មសិទ្ធិដីធ្លីរាប់លានប្លង់ពាក់ព័ន្ធនឹងកម្ចីខ្នាតតូច ដែល បច្ចុប្បន្នត្រូវបានដាក់ជាទ្រព្យធានា (បញ្ចាំ) ដោយគ្រឹះស្ថានមីក្រូហិរញ្ញវត្ថុ» ។
សេចក្តីថ្លែងការណ៍ដដែលលើកឡើងថា វិធានការទាំងនេះ គឺមានភាពចាំបាច់ដើម្បីធានា ថាប្រជាពលរដ្ឋអាចបន្តរស់នៅក្នុងពេលមានវបត្តិនេះ ដោយគ្មានហានិភ័យចំពោះសុខ ភាព ឬលំនៅឋានរបស់អ្នកទាំងនោះ និងអាចបញ្ចៀសពីកម្ចីឥណទានមានហានិភ័យ ដែលអាចនាំឱ្យកើតមានករណីធ្វើការដោះបំណុល ការជួញដូរមនុស្ស និងការរំលោភសិទ្ធិមនុស្សដទៃទៀត ។
បន្ទាប់ពីលីកាដូចេញសេចក្តីថ្លែងការណ៍បានមួយថ្ងៃ ពោលនៅថ្ងៃទី ២៧ខែមេសានេះគេ ឃើញសមាគមធនាគារនៅកម្ពុជា និងគ្រឹះស្ថានមីក្រូហិរញ្ញវត្ថុកម្ពុជាក៏បានចេញសេចក្តី ថ្លែងការណ៍ជាសាធារណៈមួយក្នុងន័យឆ្លើយតបទៅអង្គការលីកាដូកាលពីថ្ងៃទី ២៨ខែ មេសា ឆ្នាំ ២០២០ ។
បើយោងតាមសេចក្តីថ្លែងការណ៍រួមគ្នារបស់សមាគមធនគារនៅកម្ពុជា និងសមាគមគ្រឹះ ស្ថានមីក្រូហិរញ្ញវត្ថុកម្ពុជាបានឱ្យដឹងថានាពេលថ្មីៗនេះ មានការចេញផ្សាយនូវរបាយការ ណ៍អំពីផលប៉ះពាល់ដែលបណ្តាលមកពីការរីករាលដាលនៃវីរុសកូវីដ ១៩ របស់ស្ថាប័ន សង្គមស៊ីវិលមួយ ដោយមិនបានឆ្លុះបញ្ចាំងអំពីស្ថានភាពជាក់ស្តែង បណ្តាលឲ្យមានផល ប៉ះពាល់ដល់វិស័យ ធនាគារ និងហិរញ្ញវត្ថុ ដែលជាឆ្អឹងខ្នងនៃសេដ្ឋកិច្ចជាតិទាំងមូល ។
ឆ្លើយតបនឹងរបាយការណ៍របស់អង្គការសង្គមស៊ីវិល ដែលគ្មានស្មារតីទទួលខុសត្រូវនោះ សមាគមធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជា សូមធ្វើការបញ្ជាក់ថា គ្រឹះ ស្ថានធនាគារ និងហិរញ្ញវត្ថុ បាននិងកំពុងអនុវត្តយ៉ាងពេញលេញ នូវគោលនយោបាយ តាមអនុសាសន៍ដ៏ខ្ពង់ខ្ពស់របស់រាជរដ្ឋាភិបាល ក្រសួងសាម៉ីពាក់ព័ន្ធ ក៏ដូចជាការណែនាំ របស់ធនាគារជាតិនៃកម្ពុជា ដែលជាអាណាព្យាបាល ដើម្បីធានា និងការពារបានគ្រប់ភាគី ពាក់ព័ន្ធ រួមទាំងវិស័យទាំងមូល ដោយគ្មានភាពចាំបាច់ ក្នុងការអនុវត្តតាមការស្នើសុំដោយ ខ្វះការសិក្សាត្រឹមត្រូវតាមនិយាមបច្ចេកទេសរបស់ស្ថាប័នដែលមិនពាក់ព័ន្ធ ឬជំរុញឲ្យមាន ផលប៉ះពាល់ធ្ងន់ធ្ងរដល់សេដ្ឋកិច្ចជាតិ ។
សេចក្តីថ្លែងការណ៍រួមពីសមាគមទាំងពីរខាងលើសង្កត់ធ្ងន់ថា «ការលើកឡើងរបស់ស្ថាប័ន សង្គមស៊ីវិល ពាក់ព័ន្ធនឹងទ្រព្យធានាកាតព្វកិច្ចបំណុលដែលជាការអនុវត្តទូទៅលើសកល លោក និងជាការទទួលខុសត្រូវដោយផ្ទាល់របស់ស្ថាប័នធនាគារ និងហិរញ្ញវត្ថុ គឺកំពុងតែ ជំរុញឲ្យមានផលប៉ះពាល់ដល់ស្ថេរភាពសេដ្ឋកិច្ចជាតិ ។ ម្យ៉ាងវិញទៀត អនុសាសន៍របស់ អង្គការសង្គមស៊ីវិលមួយចំនួន កំពុងតែជំរុញឲ្យសេដ្ឋកិច្ចជាតិរងនូវផលប៉ះពាល់បន្ថែម ទៀត ដោយបង្កឲ្យបាត់បង់នូវជំនឿទុកចិត្តពីសំណាក់អ្នកដាក់ប្រាក់បញ្ញើ មានទាំងមូល និធិរបស់ស្ថាប័នសាធារណៈ ឯកជន និងរបស់អង្គការសង្គមស៊ីវិលខ្លួនឯងផងដែរ ។ លើស ពីនេះទៀត ស្ថាប័នសង្គមស៊ីវិលទាំងនោះ គួរតែស្វែងយល់ឲ្យបានច្បាស់លាស់ថា ទ្រព្យធា នាមិនមែនជាកម្មវត្ថុក្នុងការអនុវត្តផ្ទុយពីច្បាប់របស់គ្រឹះស្ថានធនាគារ និងហិរញ្ញវត្ថុនោះ ទេ» ។
ពាក់ព័ន្ធនិងការលើកឡើងក៏ដូចជាសេចក្តីថ្លែងការណ៍របស់សង្គមស៊ីវិលនេះ បើតាមលោក ង៉ែតជូ អ្នកជំនាញខាងសេដ្ឋកិច្ចបានសរសេរផុសនៅលើហ្វេសប៊ុកផ្លូវការរបស់លោកថា ថ្មីៗនេះ អង្គការសង្គមស៊ីវិលសុំឱ្យគ្រឹះស្ថានធនាគារ និងស្ថាប័នហិរញ្ញវត្ថុពន្យារការសង ប្រាក់កម្ចីរយៈពេល ៣ខែ និងប្រគល់ទ្រព្យធានា (ប្លង់អចលនទ្រព្យបញ្ចាំ) ជូនអតិថិជន វិញ។ ក្នុងនាមខ្ញុំជាបុគ្គលឯករាជ្យ (មិនមានផលប្រយោជន៏ ឬធ្វើជំនួញក្នុងវិស័យនេះ) ខ្ញុំ យល់ថាការស្នើរសុំនេះមិនមានលក្ខណៈវិជ្ជាជីវៈនោះទេ ហើយអាចបង្កហានិភ័យដល់ វិស័យហិរញ្ញវត្ថុទាំងមូល ។
មូលហេតុ៖ ទី ១ ត្បិតមិនមែនគ្រប់អតិថិជនទាំងអស់សុទ្ធតែទទួលរងផលប៉ះពាល់អវិជ្ជ មានរហូតបាត់បង់លទ្ធភាពសងប្រាក់ទាំងស្រុងនោះទេ ។ អតិថិជនខ្លះនៅមានលទ្ធភាព សងឥណទានទាំងប្រាក់ដើម និងការប្រាក់ ខ្លះមានលទ្ធភាពបង់តែការប្រាក់ ខ្លះបាត់បង់ ចំណូលទាំងស្រុង។ល។ ខ្ញុំផ្ទាល់ក៏ជាអតិថិជនរបស់ធនាគារ ហើយខ្ញុំនៅតែមានលទ្ធភាព បង់ប្រាក់ជាធម្មតា ហើយក៏គ្មានចេតនាសុំផ្អាកការបង់ប្រាក់នោះដែរដរាបណានៅមាន លទ្ធភាពបង់ ។ នេះជាវិន័យហិរញ្ញវត្ថុដែលយើងទាំងអស់គ្នាត្រូវប្រកាន់ខ្ជាប់ក្នុងបរិបទ សេដ្ឋកិច្ចបែបហិរញ្ញវត្ថុ ។
ទី ២ តើអតិថិជនចង់បានទ្រព្យធានាមកវិញទៅធ្វើអ្វី? ភាពយុត្តិធម៌ គឺយើងខ្ចីប្រាក់យកមក ប្រើយើងត្រូវតម្កល់ទ្រព្យធានា ។ ប្រសិនបើហ៊ានបណ្តោយអោយដកទ្រព្យធានា គឺអាចនឹង មានបាតុភាពអនាធិបតេយ្យដែលជាបច្ច័យឈានដល់ការដួលរលំនៃវិស័យហិរញ្ញវត្ថុទាំងមូល ។ ម្យ៉ាងទោះជាទ្រព្យធានា (ប្លង់) នៅជាប់បញ្ចាំនៅគ្រឹះស្ថានធនាគារ និងហិរញ្ញវត្ថុម្ចាស់ អចលនទ្រព្យនៅតែអាចប្រើអចលនទ្រព្យជាធម្មតា ។ ចុះហេតុអ្វីបានជាត្រូវការដកប្លង់ដែលជាទ្រព្យធានានោះ? ជារួមបើទោះជាដើរដល់ស្ថាន ភាពត្រូវផ្អាកការបង់ប្រាក់ទាំងស្រុងរយៈពេល ៣ខែសម្រាប់អតិថិជនទាំងអស់ ក៏មិនមាន ហេតុផលណាត្រូវដកទ្រព្យធានាមកវិញនោះដែរ ។ ហើយបើដកប្លង់ទាំងអស់គ្នា នៅពេល ស្ថានភាពត្រលប់មកប្រសើរឡើង តើអតិថិជននឹងបន្តបង់ប្រាក់ឡើងវិញទេ? ចម្លើយ គឺទេ ! ត្រង់នេះហើយដែលជាការច្រានអោយវិស័យនេះដួលរលំ ។
លោក ង៉ែតជូ សង្កត់ធ្ងន់ថា «ខ្ញុំគាំទ្រជំហររបស់តំណាងគ្រឹះស្ថានធនាគារ និងហិរញ្ញវត្ថុ ក្នុងការដោះស្រាយបញ្ហាទៅតាមករណីជាក់ស្តែងរបស់អតិថិជននីមួយៗ និងសុំអោយ តំណាងអង្គការសង្គមស៊ីវិលពិគ្រោះយោបល់ជាមួយអ្នកជំនាញអោយបានច្បាស់លាស់ចៀសវាងបង្កបរិយាកាសមិនយល់គ្នារវាងអង្គការសង្គមស៊ីវិល និងគ្រឹះស្ថានធនាគារ និងហិ រញ្ញវត្ថុ ។ តោងយល់ថាគ្រឹះស្ថានទាំងអស់នោះជាគ្រឹះស្ថានឯកជនស្វែងរកប្រាក់ចំណេញ មិនមែនអាចឈជើងដោយសារប្រាក់ជំនួយនោះទេ ។ ហើយបើគ្រឹះស្ថានទាំងនោះជួប វិបត្តិវិស័យសេដ្ឋកិច្ចទាំងមូលក៏ជួបវិបត្តិដែរ» ៕
ចែករំលែកព័តមាននេះ