អតីតសណ្ឋាគារអង្គរជ័យ អាយុកាល៧០ឆ្នាំ ត្រូវវាយកម្ទេចចោលថ្ងៃទី១៨ ខែតុលា ឆ្នាំ២០២៥
រាជធានីភ្នំពេញ ៖ អគារ អង្គរជ័យ មានកម្ពស់ ៦ជាន់ ស្ថិតនៅ កាច់ជ្រុងមហាវិថីកម្ពុជាក្រោម និងមហាវិថីព្រះមុនីវង្ស ដែលមាន…
រាជធានីភ្នំពេញ ៖ អគារ អង្គរជ័យ មានកម្ពស់ ៦ជាន់ ស្ថិតនៅ កាច់ជ្រុងមហាវិថីកម្ពុជាក្រោម និងមហាវិថីព្រះមុនីវង្ស ដែលមាន អាយុកាលជាង ៧០ឆ្នាំ នឹងបាត់វត្តមានពីរាជធានីភ្នំពេញ ក្រោយមន្ត្រីជំនាញសិក្សាចប់ នឹងត្រូវវាយកម្ទេចចោល ។
ជាក់ស្តែងនៅព្រឹកថ្ងៃទី១៣ ខែតុលា ឆ្នាំ២០២៥នេះ ក្រសួងរៀបចំដែនដី នគរូបនីយកម្ម និងសំណង់ និងអាជ្ញាធរ បានចាប់ផ្តើមដាក់គ្រឿងចក្រចូល ដើម្បីធើ្វការវាយកម្ទេចអតីត «សណ្ឋាគារអង្គរមានជ័យ» ដែលមានទីតាំង ស្ថិតនៅកែងមហាវិថីព្រះមុនីវង្ស និងមហាវិថីកម្ពុជាក្រោម ភូមិ១ សង្កាត់មនោរម្យ ខណ្ឌ៧មករា រាជធានីភ្នំពេញ ។
បើតាមការបញ្ជាក់ពីមន្ត្រីជំនាញ បានអោយដឹងថា អាគារនេះនឹងត្រូវវាយកម្ទេចនៅថ្ងៃទី១៨ ខែតុលា ឆ្នាំ២០២៥ ដោយមុននឹងវាយកម្ទេច ត្រូវធ្វើការសម្អាតកាសំណល់សំរាមតាមកាំជណ្ដើរនៅតាមបន្ទប់នីមួយៗ អោយរួចរាល់សិន ហើយធ្វើពិធីក្រុងពាលី តាមបែបសាសនាមុននឹងធ្វើការវាយកម្ទេចតែម្ដង ។
សូមបញ្ជាក់ថា អគារសហកម្មសិទ្ធិ (អតីតសណ្ឋាគារអង្គរមានជ័យ) មានក្រឡាផ្ទៃបាតទំហំ សរុប៥៩០ម៉ែត្រការ៉េ មានកម្ពស់៦ជាន់ ស្មើនឹង១០៧បន្ទប់ ត្រូវបានសាងសង់ឡើង តាំងពីអំឡុងឆ្នាំ១៩៥០ គិតមកដល់បច្ចុប្បន្នសំណង់អគារនេះមានអាយុ៧០ឆ្នាំជាងទៅហើយ ៕
ចែករំលែកព័តមាននេះ