មូលនិធិសប្បុរសធម៌ Bill & Melinda Gates Foundation មានសម្បទានច្រើនជាងគេលើលោកដែលស្មើច្រើនជាង ៤០ប៊ីលានដុល្លារទៅទៀតសម្រាប់ដោះស្រាយបញ្ហហាភាពក្រៅក្រ និងសុខភាពសាធារណៈជុំវិញពិភពលោក ។…
មូលនិធិសប្បុរសធម៌ Bill & Melinda Gates Foundation មានសម្បទានច្រើនជាងគេលើលោកដែលស្មើច្រើនជាង ៤០ប៊ីលានដុល្លារទៅទៀតសម្រាប់ដោះស្រាយបញ្ហហាភាពក្រៅក្រ និងសុខភាពសាធារណៈជុំវិញពិភពលោក ។ ប៉ុន្តែក្នុងពេលបច្ចុប្បន្ននេះ មូលនិធិខាងលើនឹងផ្តោតស្មារតីទាំងស្រុងទៅលើកូវីដ ១៩ ។
លោកមហាសេដ្ឋី ប៊ីល ហ្គេតស៍ (Bill Gates) ដែលជាប្រធានមូលនិធិខាងលើបានប្រកាសពីការសម្រេចចិត្តខាងលើក្នុងបទសម្ភាសន៍មួយជាមួយ Financial Times ។
មូលហេតុដែលធ្វើឲ្យមូលនិធិខាងលើធ្វើការសម្រេចចិត្តដូច្នេះ គឺមកពីផលប៉ះពាល់ផ្នែកសុខភាពសាធារណៈ និងផលប៉ះពាល់ផ្នែកសេដ្ឋកិច្ចផងដែរ ។ លោក ហ្គេតស៍ បានប្រាប់ដល់ Financial Times ថា លោកភ័យព្រួយថាការផ្ទុះជំងឺនេះនឹងបង្កឲ្យសេដ្ឋកិច្ចពិភពលោកខាតបង់រាប់សិបទ្រីលានដុល្លារក្នុងរយៈពេលប៉ុន្មានឆ្នាំខាងមុខ ។
ដើម្បីជចៀសវាងការខាតបង់ផ្នែកសេដ្ឋកិច្ចធ្ងន់ធ្ងរដូចលោកគិត ពិភពលោកត្រូវតែព្យាយាមទប់ស្កាត់ការរីករាលដាលនៃជំងឺនេះ ឬព្យាយាមរកវ៉ាក់សាំងក្នុងពេលឆាប់ៗ ។ ប៉ុន្តែការសម្រេចចិត្តក្នុងការងាកទៅដោះស្រាយបញ្ហាកូវីដ ១៩ នេះបង្កឲ្យមូលនិធិខាងលើកាត់បន្ថយការខិតខំក្នុងផ្នែកផ្សេងៗវិញជាពិសេសលើការរកថ្នាំព្យាបាលជំងឺអេដស៍ជាដើម ។
ជាមួយនឹងបទពិសោធន៍ក្នុងការទប់ទល់នឹងការគម្រាមកំហែងដល់សុខភាពសាធារណៈអស់រយៈពេល ២០ឆ្នាំមកនេះ លោក ហ្គេតស៍ ប្រៀបបានជាបុគ្គលក្រៅរដ្ឋាភិបាលម្នាក់ដែលចេញមុខមាត់ច្រើនជាងគេក្នុងការចែករំលែកចំណេះដឹងទាក់ទិននឹងគ្រោះមួយនេះ ។ លើសពីនេះទៅទៀត លោកថែមទាំងធ្លាប់បានព្រមានពិភពលោកជាច្រើនឆ្នាំមុនពីគ្រោះកាចសាហាវស្រដៀងនេះដែរ ។
យ៉ាងណាក្តី ចំណាប់អារម្មណ៍របស់លោកលើកូវីដ ១៩ បានបង្កឲ្យក្រុមមនុស្សមួយចំនួនចង្អុលទៅលោកថាជាជនពីក្រោយការផ្ទុះនៃជម្ងឺកូវីដ ១៩ ទៅវិញ ។ ប៉ុន្តែលោកបានប្រាប់ដល់ Financial Times ថាលោកមិនបានភ្ញាក់ផ្អើលទេពេលឮពីរឿងនេះ ។
មូលនិធិខាងលើបានចេញសេចក្តីប្រកាសមួយដែរថាពួកគេនឹងបន្តប្តេជ្ញាធ្វើការក្នុងផ្នែកកាត់បន្ថយជម្ងឺឆ្លង លុបបំបាត់ភាពក្រីក្រ និងបង្កើនគុណភាពវិស័យអប់រំសាធារណៈក្នុងសហរដ្ឋអាមេរិក ។ ការផ្ទុះនៃជំងឺកូវីដ ១៩ កំពុងតែប៉ះពាល់ដល់ការខិតខំគ្រប់ផ្នែករបស់មូលនិធិ ហើយវានឹងបង្កផលប៉ះពាល់នៅប៉ុន្មានឆ្នាំក្រោយដែរ ៕
ចែករំលែកព័តមាននេះ