សហរដ្ឋអាមេរិក ៖ តាមប្រភពព័ត៌មាន CNN បានឱ្យដឹងថា ក្នុងរយៈពេលមិនដល់៣ខែផង មានជនជាតិអាមេរិកជាច្រើនបានស្លាប់ដោយសារជម្ងឺកូវីដ១៩ច្រើនជាងចំនួនអ្នកស្លាប់ក្នុងសង្គ្រាមវៀតណាម។ នេះបើយោងតាមតួលេខដែលបានធ្វើបច្ចុប្បន្នភាពពីសាកលវិទ្យាល័យ Johns Hopkins…
សហរដ្ឋអាមេរិក ៖ តាមប្រភពព័ត៌មាន CNN បានឱ្យដឹងថា ក្នុងរយៈពេលមិនដល់៣ខែផង មានជនជាតិអាមេរិកជាច្រើនបានស្លាប់ដោយសារជម្ងឺកូវីដ១៩ច្រើនជាងចំនួនអ្នកស្លាប់ក្នុងសង្គ្រាមវៀតណាម។ នេះបើយោងតាមតួលេខដែលបានធ្វើបច្ចុប្បន្នភាពពីសាកលវិទ្យាល័យ Johns Hopkins នៅរសៀលថ្ងៃអង្គារនេះ។
ចំនួនអ្នកស្លាប់របស់អាមេរិកនៅក្នុងសង្គ្រាមវៀតណាមមានចំនួន ៥៨,២២០នាក់ដោយការប្រយុទ្ធបានអូសបន្លាយអស់រយៈពេលជាង១០ឆ្នាំ។
យោងតាមរបាយការណ៍សរុបនៃករណីអ្នកស្លាប់ដោយសារកូវីដ១៩នៅអាមេរិក បានឱ្យដឹងថា ករណីស្លាប់សរុបត្រឹមតែ៨២ថ្ងៃ គឺមានចំនួន ៥៨,៣៦៥នាក់។ នេះគឺគ្រាន់តែ៨២ថ្ងៃប៉ុណ្ណោះ គឺលើសចំនួនដែលស្លាប់ដោយសង្គ្រាម១០ឆ្នាំបាត់ទៅហើយ។
គួរបញ្ជាក់ផងដែរថា អាមេរិកមានស្លាប់ដោយសារកូវីដ១៩ដំបូងគេនៅថ្ងៃទី៦ ខែកុម្ភៈ ហើយមកដល់ពេលនេះមានករណីឆ្លងសរុប ១,០៣៥,៤៥៤ករណី ករណីឆ្លងថ្មី ២៥,០៩៨ករណី ករណីស្លាប់សរុប ៥៩,២៥២ករណី ករណីស្លាប់ថ្មី ២,៤៥៦ករណី និងករណីជាសះស្បើយសរុប១៤២,១៦២ករណី៕ (យោងតាមប្រភពពី edition.cnn.com)
ចែករំលែកព័តមាននេះ