រាជធានីភ្នំពេញ ៖ ក្នុងឱកាសនៃពិធីប្រារព្ធខួប១០ឆ្នាំ នៃការគ្រងរាជសម្បត្តិរបស់ព្រះករុណា ព្រះមហាក្សត្រ ព្រះបាទ សម្តេចព្រះបរមនាថ នរោត្តម សីហមុនី (២៩ តុលា ២០០៤-២៩ តុលា ២០១៤) ដែលនឹងប្រព្រឹត្តិទៅនៅថ្ងៃទី២៨ និងថ្ងៃទី២៩ តុលា ខាងមុខនេះ កម្លាំងសណ្តាប់ធ្នាប់ខណ្ឌដូនពេញដឹកនាំដោយលោកគឹម វុត្ថា ប្រធានសណ្តាប់ធ្នាប់
រាជធានីភ្នំពេញ ៖ ក្នុងឱកាសនៃពិធីប្រារព្ធខួប១០ឆ្នាំ នៃការគ្រងរាជសម្បត្តិរបស់ព្រះករុណា ព្រះមហាក្សត្រ ព្រះបាទ សម្តេចព្រះបរមនាថ នរោត្តម សីហមុនី (២៩ តុលា ២០០៤-២៩ តុលា ២០១៤) ដែលនឹងប្រព្រឹត្តិទៅនៅថ្ងៃទី២៨ និងថ្ងៃទី២៩ តុលា ខាងមុខនេះ កម្លាំងសណ្តាប់ធ្នាប់ខណ្ឌដូនពេញដឹកនាំដោយលោកគឹម វុត្ថា ប្រធានសណ្តាប់ធ្នាប់ និងតាមការចង្អុលបង្ហាញពីលោកអភិបាលខណ្ឌដូនពេញបានធ្វើការបាញ់ទឹកលាងសំអាតតាមច្រាំងទន្លេនិងការ៉ូឡាចាប់ពីមុខព្រះបរមរាជវាំងដល់ផ្សាររាត្រីកាលពីព្រឹកថ្ងៃទី២១ តុលា ឆ្នាំ២០១៤ ។
លោកគឹម វុត្ថា ប្រធានសណ្តាប់ធ្នាប់ខណ្ឌដូនពេញបានឲ្យដឹងថា នៅសល់តែរយៈពេល៨ថ្ងៃទៀតប៉ុណ្ណោះ នៅមុខព្រះរបមរាជវាំងបានរៀបចំព្រះរាជពិធីរាជាភិសេក ព្រះករុណា សម្តេចព្រះបរមនាថ នរោត្តម សីហមុនី ខួប១០ឆ្នាំ នាថ្ងៃទី២៩ តុលា ឆ្នាំ២០១៤ រាជរដ្ឋាភិបាលនឹងរៀបចំពិធីបុណ្យខុសពីឆ្នាំមុនៗ ដោយនៅព្រឹកថ្ងៃទី២៩ តុលា នឹងមានមិទ្ទិញមហាជន មានអ្នកចូលរួមប្រមាណជាង២ម៉ឺននាក់ មានមហាជនពីគ្រប់ខណ្ឌ កងកម្លាំងប្រដាប់អាវុធទាំង៣ កងនគរបាល កងរាជអាវុធហត្ថ យុវជនកាកបាទក្រហម កាយឫទ្ធិ និងឥស្សរជនថ្នាក់ដឹកនាំរដ្ឋ ក្រសួង ស្ថាប័ន មន្ទីរ អង្គភាព និងតំណាងរាជធានី ខេត្តទាំង ២៥ ។
ដើម្បីរក្សាអនាម័យ បរិស្ថាន និងយោងតាមការចង្អុលបង្ហាញពីលោកអភិបាលខណ្ឌក៏ដូចជាការចូលរួមអបអរសាទរក្នុងឱកាសនៃពិធីប្រារព្ធខួប១០ឆ្នាំ នៃការគ្រងរាជសម្បត្តិ របស់ព្រះករុណាព្រះមហាក្សត្រ ព្រះបាទ សម្តេចព្រះបរមនាថ នរោត្តម សីហមុនី ( ២៩ តុលា ២០០៤ – ២៩ តុលា ២០១៤) កម្លាំងសណ្តាប់ធ្នាប់ខណ្ឌដូនពេញបានធ្វើការបាញ់ទឹកលាងសំអាតច្រាំងទន្លេ និងការ៉ូឡាចាប់ពីមុខព្រះបរមរាជវាំងរហូតដល់ផ្សាររាត្រីហើយនេះក៏មិនមែនជាលើកទី១ទេដែលសាលាខណ្ឌដូនពេញបាញ់ទឹកលាងច្រាំងទន្លេនោះ ៕
ចែករំលែកព័តមាននេះ