ADផ្ទាំងផ្សព្វផ្សាយពាណិជ្ជកម្ម

Picture

កំពុងភ្ជួរដីភ្ញាក់ព្រើត ប្រទះគ្រាប់មិន​ទាន់​ផ្ទុះ​ច្រើនសន្ធឹកកប់​​ពេញ​ដី​​​

1 ឆ្នាំ មុន
  • Battambang

ខេត្តបាត់ដំបង ​៖ យោង​តាម​ព័ត៌មាន​បឋម​ដែល​រាយ​ការ​ណ៍​ដោយ​សមត្ថកិច្ចបានឱ្យ​ដឹង​ថា ប្រជាពលរដ្ឋ​ភ្ជួរដីចំការបាន​ប្រទះ​ឃើញ​គ្រាប់​យុទ្ធ​ភ​ណ្ឌ​មិន​ទាន់​ផ្ទុះ​យ៉ាងច្រើន​សន្ធឹកសន្ធាប់​ចំនួន​២​កន្លែង​ផ្សេង​គ្នា ជា​បន្តបន្ទាប់ ​នៅ​ព្រឹក​ថ្ងៃ​ទី​២២​ មេ​សា​ នេះ នៅ​ក្នុងស្រុក​កំ​រៀង និងស្រុក​ភ្នំព្រឹក…

ខេត្តបាត់ដំបង ​៖ យោង​តាម​ព័ត៌មាន​បឋម​ដែល​រាយ​ការ​ណ៍​ដោយ​សមត្ថកិច្ចបានឱ្យ​ដឹង​ថា ប្រជាពលរដ្ឋ​ភ្ជួរដីចំការបាន​ប្រទះ​ឃើញ​គ្រាប់​យុទ្ធ​ភ​ណ្ឌ​មិន​ទាន់​ផ្ទុះ​យ៉ាងច្រើន​សន្ធឹកសន្ធាប់​ចំនួន​២​កន្លែង​ផ្សេង​គ្នា ជា​បន្តបន្ទាប់ ​នៅ​ព្រឹក​ថ្ងៃ​ទី​២២​ មេ​សា​ នេះ នៅ​ក្នុងស្រុក​កំ​រៀង និងស្រុក​ភ្នំព្រឹក ដែល​ភាគច្រើន​ជា​ប្រភេទ​ក្បាល​គ្រាប់កាំភ្លើង​ត្បាល់​ ។

Picture

សេចក្ដី​រាយ​ការ​ណ៍បានឱ្យ​ដឹង​ថា ដំបូង​ប្រជាពលរដ្ឋ​ម្នាក់ ឈ្មោះ ឈុត ហឿ​ប ភេទប្រុស​ អាយុ​៦៥​ឆ្នាំ បាន​ប្រទះ​ឃើញ​ក្បាល​គ្រាប់កាំភ្លើង​ត្បាល់​ធុន​១០៥​ម​.​ម ជា​ច្រើន​គ្រាប់​ នៅ​ក្នុង​ដីចំការ​របស់​គាត់ ពេល​ដែល​គាត់​កំពុង​ភ្ជួរ​ដី នៅ​វេលា​ម៉ោង៧​និង​៣០​នាទី​ព្រឹក​ថ្ងៃ​ទី២២ មេ​សា នេះ​ នៅ​ចំណុច​ភូមិ​លំ​ផាត់ ឃុំ​អូ​ដា ស្រុក​កំ​រៀង​ ។ សមត្ថកិច្ច​បានឱ្យ​ដឹង​ទៀត​ថា ពេល​ដែល​គាត់​ប្រទះ​ឃើញ​ក្បាល​គ្រាប់​ទាំងនោះ​ផុស​ឡើងជា​បន្តបន្ទាប់​ធ្វើ​ឱ្យ​គាត់​ភ័យរន្ធត់​យ៉ាង​ខ្លាំង ហើយ​គាត់​ក៏​បាន​រាយ​ការ​ណ៍​ប្រាប់​អាជ្ញាធរ​ភ្លាម​ៗ​ដែរ ដើម្បី​ជ្រាប់​អំពី​បញ្ហា​នេះ​។

Picture

ជាមួយ​គ្នា​នោះ មន្ត្រី​មូលដ្ឋានក៏​បាន​រាយ​ការ​ណ៍​បន្ត​ទៅ​កាន់​អង្គភាព​កំចាត់​មីនស៊ី​ម៉ាក់ ដើម្បី​សុំ​ជួយ​អន្តរា​
គម​ន៍ចុះ​ពិនិត្យ​ទីតាំង​កើតហេតុ​ ។ បើ​តាម​សមត្ថកិច្ច​បាន​ប្រាប់​ថា ក្រោយ​ពី​ទ​ទូល​បាន​ព័ត៌មាន​នេះ មន្ត្រី​ស៊ី​ម៉ាក់​បានចុះ​ពិនិត្យ ​និង​ធ្វើការ​រុករក​រហូត​ប្រទះ​ឃើញ​កាក​សំណល់​សង្គ្រាម​នេះ​ដល់​ទៅ​ចំនូ​ន​៥៨​គ្រាប់ ដែល​សុទ្ធតែ​ជា​ក្បាល​គ្រាប់កាំភ្លើង​ត្បាល់​ធុន១០៥​ម​.​ម ដែល​មាន​សភាព​ច្រេះ​ចាប់​ទៅ​ហើយ តែ​មន្ត្រី​ជំនាញ​អះអាង​ថា នៅ​តែ​អាច​បង្ក​គ្រោះថ្នាក់​នៅឡើយ​។

Picture

ពាក់ព័ន្ធ​នឹង​ការ​ប្រទះ​ឃើញ​កាក​សំណល់​សង្គ្រាម​នេះ​ដែរ ខណ​:​ដែល​អាជ្ញាធរ​និង​សមត្ថកិច្ច​កំពុង​ត្រួតពិនិត្យ​កំណប់​យុទ្ធ​ភ​ណ្ឌ​ដែល​គេ​ប្រទះ​ឃើញ នៅ​ស្រុក​កំ​រៀង ស្រាប់តែ​អ្នក​ភូមិ​បាន​ផ្ដល់​ព័ត៌មាន​ទៅ​សមត្ថកិច្ច​ថា អ្នក​បើក​ត្រាក់ទ័រ​ភ្ជួរដីចំការ​បាន​ប្រទះ​ឃើញ​គ្រាប់កាំភ្លើង​ធុន​ធ្ងន់​ចំនួន​០២​គ្រាប់ នៅ​ម៉ោង​៨​ព្រឹក​ថ្ងៃ​ដដែល​នេះ នៅ​លើ​ដីចំការ​របស់​ពលរដ្ឋ​ម្នាក់​ឈ្មោះ ហ្វៃ អាង ប្រុស​អាយុ​៥៦​ឆ្នាំ នៅ​ចំណុច​ភូមិ​អន្លង់​ក្រូច ឃុំ​ប៊ួ​រ ស្រុក​ភ្នំព្រឹក ​។

Picture

សមត្ថកិច្ច​ដែល​បាន​ចុះ​ទៅ​ពិនិត្យ​គ្រាប់​យុទ្ធ​ភ័​ណ្ធ​នៅ​ចំណុច​ខាងលើ​នេះ ​បាន​ប្រាប់​ថា វា​ជា​ប្រភេទ​គ្រាប់ B.41 និង គ្រាប់កាំភ្លើង​ឡង់​។ គ្រាប់​ទាំង​០២​នោះ អាច​នៅ​មានគុណ​ភាព តែ​គេ​បាន​រាយ​ការ​ណ៏​ទៅ​កាន់​អង្គភាព​កំចាត់​មីន ស៊ី​ម៉ាក់ ដើម្បី​សុំ​ជួយ​អន្តរា​គម​ន៏​ភ្លាម​ៗ​ដែរ​។ បើ​តាម​សេចក្ដី​រាយ​ការ​ណ៏​ពី​អាជ្ញាធរ​បានឱ្យ​ដឹង​ថា កម្លាំង​ស៊ី​ម៉ាក់ បាន​ចុះ​ទៅ​កាន់​ទីតាំង​ដែល​ពលរដ្ឋ​ប្រទះ​ឃើញ​គ្រាប់​ទាំងនោះ ហើយ​បាន​ធ្វើការ​រុករក​បន្ត​ទៀត​ភ្លាម​ៗ​ដែរ​។ យោង​តាម​របាយ​ការ​ណ៏​បឋម​ដែល​សមត្ថកិច្ច​ទ​ទូល​បាន គឺ​គ្រាប់​យុទ្ធ​ភ័​ណ្ឌ​ទាំងនោះ ជា​កាក​សំណល់​ដែល​សេសសល់​ពី​សម័យ​សង្គ្រាម​។

Picture

គ្រាប់​ទាំងនោះ ​ត្រូវ​គេ​កប់​ក្នុង​ដី តែ​វា​បាន​របើក​ឡើង​នៅ​ពេល​ត្រាក់ទ័រ​ភ្ជួរ​ប៉ះ​វា តែ​សំណាងល្អ​មិន​ផ្ទុះ​បង្ក​ឱ្យ​មាន​គ្រោះថ្នាក់​ឡើយ​។ ទោះ​យ៉ាងណា ពេល​នេះ​មន្ត្រី​ស៊ី​ម៉ាក់​កំពុង​បន្ត​ការ​រុករក និង ប្រមូល​ក្បាល​គ្រាប់​ទាំង​២​ទីតាំង​នោះ ដើម្បី​យក​ទៅ​កំទេច​ចោល​ហើយ​។ ប៉ុន្តែ​ពលរដ្ឋ​គួរតែ​មានការ​ប្រយ័ត្ន​ចំពោះ​កាក​សំណល់​សង្គ្រាម​ដែល​សេសសល់​កប់​នៅ​ក្នុង​ដី ព្រោះ​គេ​ជឿ​ថា ដោយសារ​នៅ​តាម​តំបន់​នោះ​ជាទី​តាំង​អតិ​ត​សមរ​ភូមិ​សង្គ្រាម​ក្ដៅ ដូច្នេះ​អាច​នៅ​មាន​សេសសល់​ទៀត​ជា​មិន​ខាន​៕

Picture
Picture
Picture