រាជធានីភ្នំពេញ ៖ ការទទួលទានវីតាមីន D បានគ្រប់គ្រាន់មានសារសំខាន់ក្នុងការថែរក្សាកំហាប់ឆ្អឹង តែទោះជាយ៉ាងណាក៏ដោយ ការទទួលទានវីតាមីន D តែមួយមុខក៏មិនអាចការពារឆ្អឹងឱ្យរឹងមាំបានយូរអង្វែងដែរ ដូច្នេះវាទាមទារការព្យាបាលពីប្រភពផ្សេងទៀត រួមបញ្ចូលគ្នា ទើបធ្វើឱ្យឆ្អឹងល្អប្រសើរ ។ លោកសាស្ត្រាចារ្យវេជ្ជបណ្ឌិត ស៊ិក ធីរៈ ឯកទេសជំងឺសន្លាក់និងវះកាត់ឆ្អឹងបាក់បែក
រាជធានីភ្នំពេញ ៖ ការទទួលទានវីតាមីន D បានគ្រប់គ្រាន់មានសារសំខាន់ក្នុងការថែរក្សាកំហាប់ឆ្អឹង តែទោះជាយ៉ាងណាក៏ដោយ ការទទួលទានវីតាមីន D តែមួយមុខក៏មិនអាចការពារឆ្អឹងឱ្យរឹងមាំបានយូរអង្វែងដែរ ដូច្នេះវាទាមទារការព្យាបាលពីប្រភពផ្សេងទៀត រួមបញ្ចូលគ្នា ទើបធ្វើឱ្យឆ្អឹងល្អប្រសើរ ។ លោកសាស្ត្រាចារ្យវេជ្ជបណ្ឌិត ស៊ិក ធីរៈ ឯកទេសជំងឺសន្លាក់និងវះកាត់ឆ្អឹងបាក់បែក នៃគ្លីនិកឯកទេសឆ្អឹងសំណង់១២ បានថ្លែងថា សារប្រយោជន៍របស់វីតាមីន D មាន៖
-ជួយសម្រួលដល់ការស្រូបយកជាតិកាល់ស្យូម ដែលបានមកពីចំណីអាហារពីក្នុងពោះវៀន
-កង្វះជាតិវីតាមីន D អាចបណ្តាលឱ្យឆ្អឹងខ្សោយ និងបង្កើនហានិភ័យនៃការបាក់ឆ្អឹង
-ការសិក្សាជាច្រើនបានបង្ហាញថា ការទទួលទានវីតាមីន D និងជាតិកាល់ស្យូមបានគ្រប់គ្រាន់អាចបង្កើនកំហាប់របស់ឆ្អឹងឱ្យរឹងមាំ និងកាត់បន្ថយការបាក់ឆ្អឹងចំពោះស្ត្រីអស់រដូវ ។
ប្រភពនៃវីតាមីន D បានមកពីចំណីអាហារ និងស្បែក ។ ការផលិតវីតាមីន D ដោយស្បែកពឹងផ្អែកទៅលើការស្រូបយកកាំរស្មីពីព្រះអាទិត្យ ។ មនុស្សរស់នៅតំបន់មានកម្តៅខ្លាំងពីព្រះអាទិត្យ (ប្រទេសក្នុងតំបន់អេក្វាទ័រ) អាចបញ្ចេញវីតាមីន D តាមរយៈស្បែកបានយ៉ាងបរិបូណ៌ ។ ផ្ទុយទៅវិញ ការទទួលកម្តៅព្រះអាទិត្យមិនបានគ្រប់គ្រាន់ បណ្តាលឱ្យកើតមានជំងឺកង្វះជាតិវីតាមីនD ។ ដូច្នេះ ការទទួលទានអាហារដែលសម្បូរវីតាមីន D មានសារសំខាន់ខ្លាំងណាស់សម្រាប់ពួកគេ ។ គួរឱ្យសោកស្តាយដែរ សម្រាប់ប្រជាជនអាមេរិក តាមការសិក្សាបានបង្ហាញថា អ្នកជំងឺប្រហែលជា៥៧% ទទួលទានវីតាមីន D មិនបានគ្រប់គ្រាន់ជាហេតុប្រឈមនឹងហានិភ័យសព្វបែបយ៉ាង ។
បរិមាណជាតិវីតាមីន D ដែលអ្នកត្រូវការប្រចាំថ្ងៃ៖
-សម្រាប់ស្ត្រីដែលមានអាយុចាប់ពី៧១ឆ្នាំទ្បើងទៅ ត្រូវការវីតាមីន D ក្នុងបរិមាណ៨០០ LU/d
-សម្រាប់ក្មេងទូទៅ ត្រូវការវីតាមីន D ក្នុងបរិមាណ៦០០ LU/d
-កូនក្មេងអាយុក្រោម១២ខែ ត្រូវការវីតាមីន D ក្នុងបរិមាណ៤០០ LU/d ។
ប៉ុន្តែ សម្រាប់អ្នកដែលមានជំងឺពុកឆ្អឹង គេណែនាំឱ្យទទួលទានវីតាមីន D ក្នុងបរិមាណ៤០០ LU/d ពីរដងក្នុងមួយថ្ងៃ ដែលភាគច្រើនប្រើប្រាស់អាហារបំប៉ន ឬគ្រាប់ថ្នាំបំប៉នតាមវេជ្ជបញ្ជារបស់គ្រូពេទ្យ ។
ការទទួលទានជាតិវីតាមីន D និងកាល់ស្យូមបានគ្រប់គ្រាន់មានផលប្រយោជន៍ល្អចំពោះសុខភាព ជាពិសេសសម្រាប់អ្នកប្រើប្រាស់ថ្នាំ ព្យាបាលជំងឺពុកឆ្អឹង ។ ប៉ុន្តែការទទួលទានវីតាមីន D ច្រើនលើសលុបពេកបង្កើនកម្រិតជាតិកាល់ស្យូមនៅក្នុងឈាម និងទឹកនោម ដែលជាមូលហេតុនៃជំងឺក្រួសក្នុងតម្រងនាម (kidney stones) ៕
ចែករំលែកព័តមាននេះ