មនុស្សជាច្រើនចំណាយពេលគិតពីការប្រើប្រាស់ពេលវេលាខ្លួនឲ្យកាន់តែមានប្រសិទ្ធិភាព និងប្រាថ្នាចង់មានពេលវេលាច្រើនជាងនេះក្នុងមួយថ្ងៃ ។ មនុស្សម្នាក់ៗមានពេលវេលាស្មើៗគ្នាទេ ប៉ុន្តែមានទម្លាប់មួយចំនួនដែលអាចជួយឲ្យអ្នកប្រើពេលវេលាដើម្បីសម្រេចបានកិច្ចការច្រើនជាងអ្នកដទៃ ។
១. ធ្វើការសម្រេចចិត្តឲ្យបានលឿន
ប្រសិនបើអ្នកជាអាជីវករ អ្នកប្រហែលជាជួបនឹងឧបសគ្គនៃការធ្វើការសម្រេចចិត្តជាច្រើនក្នុងមួយថ្ងៃ ។ ហើយអ្នកដឹកនាំដែលល្អជាមនុស្សដែលអាចធ្វើការសម្រេចចិត្តត្រឹមត្រូវក្នុងរយៈពេលខ្លី ។
លោក ជេហ្វ បេសូស (Jeff Bezos) ដែលជាស្ថាបនិក និងនាយកប្រតិបត្តិរបស់ក្រុមហ៊ុន Amazon និងជាបុរសដែលមានទ្រព្យសម្បត្តិច្រើនជាងគេលើលោកយល់ស្របនិងបានបកស្រាយថា ការសម្រេចចិត្តភាគច្រើនគួរតែអាស្រ័យលើ ៧០% នៃព័ត៌មានដែលអ្នកចង់បាន ព្រោះប្រសិនបើអ្នករងចាំរហូតដល់អ្នកមាន ៩០% នៃព័ត៌មានទាំងនោះ អ្នកប្រហែលជាយឺតពេលហើយ ។
២. រៀបចំខ្លួនសម្រាប់ស្ថានការមិនល្អ
ជីវិតរបស់អ្នកពោរពេញទៅដោយបញ្ហាដែលអ្នកជួបប្រទះជារៀងរាល់ថ្ងៃ ហើយស្ថានការនេះអាចធ្វើឲ្យអ្នកធ្វើការសម្រេចចិត្តដោយមិនល្អ ។ ប៉ុន្តែប្រសិនបើអ្នកត្រៀមខ្លួនរួចជាស្រេចសម្រាប់ស្ថានការអាក្រក់ៗទាំងនេះនោះ អ្នកអាចមានឱកាសខ្ពស់ជាងមុនក្នុងការសម្រេចចិត្តបានដោយល្អ ។
៣. រៀបចំពេលវេលាសម្រាប់ការងារសំខាន់ៗ
ក្នុងនាមជាអាជីវករ អ្នកត្រូវមានសមត្ថភាពក្នុងការមើលឲ្យបានវែងឆ្ងាយ ប៉ុន្តែជីវិតជាអាជីវករ គឺមិនអនុញ្ញាតឲ្យអ្នកមានពេលវេលាដើម្បីអង្គុយចុះនិងគិតពីគម្រោងការរយៈពេលវែងរបស់អ្នកជារៀងរាល់ពេលបានឡើយ ។
ដោយហេតុដូចនេះ អ្នកត្រូវតែរៀបចំពេលវេលាសម្រាប់កិច្ចការទាំងនេះដើម្បីរៀបចំផែនការសម្រាប់អ្វីដែលអ្នកចង់សម្រេចក្នុងអាជីវកម្មរបស់អ្នកនៅរយៈពេលវែង ៕
ចែករំលែកព័តមាននេះ