សម្រាប់ពុទ្ធសាសនិកជន ព្រះសង្ឃគឺជាបុគ្គលដែលគោរពប្រតិបត្តិព្រះពុទ្ធសាសនាបានប្រសើរ និងថ្លៃថ្លាជាងគ្រហស្ថឆ្ងាយណាស់ ។ ព្រះសង្ឃគឺជាស្រែបុណ្យសម្រាប់មនុស្សទូទៅ ។ ចំពោះធម៌វិន័យព្រះពុទ្ធសាសនា ព្រះសង្ឃត្រូវតែប្រកាន់ខ្ជាប់ឲ្យបានតឹងរ៉ឹងបំផុត ។ ប៉ុន្តែមានមតិខ្លះបានលើកឡើងថា…
សម្រាប់ពុទ្ធសាសនិកជន ព្រះសង្ឃគឺជាបុគ្គលដែលគោរពប្រតិបត្តិព្រះពុទ្ធសាសនាបានប្រសើរ និងថ្លៃថ្លាជាងគ្រហស្ថឆ្ងាយណាស់ ។ ព្រះសង្ឃគឺជាស្រែបុណ្យសម្រាប់មនុស្សទូទៅ ។ ចំពោះធម៌វិន័យព្រះពុទ្ធសាសនា ព្រះសង្ឃត្រូវតែប្រកាន់ខ្ជាប់ឲ្យបានតឹងរ៉ឹងបំផុត ។
ប៉ុន្តែមានមតិខ្លះបានលើកឡើងថា ការប្រព្រឹត្តខុសធម៌វិន័យរបស់ព្រះសង្ឃមួយចំនួន មិនមែនជារឿងប្លែកអ្វីទេនៅកម្ពុជាកន្លងមក ។ ការប្រព្រឹត្តខុសធម៌វិន័យរបស់ព្រះសង្ឃទាំងនោះក៏កំពុងធ្វើឲ្យជំនឿលើព្រះពុទ្ធសាសនាហាក់ដូចជាថយចុះបន្តិច ។
នៅតាមវត្តមួយចំនួន ព្រះសង្ឃអង្គខ្លះកំពុងតែប្រព្រឹត្តប្រាសចាកធម៌វិន័យរបស់ព្រះពុទ្ធសាសនា និងមិនបានប្រតិបត្តិខ្លួនឲ្យបានជាទីគោរពសក្ការៈរបស់បរិស័ទទូទៅឡើយ និងអ្នកបួសមួយចំនួនតូចទៀតកំពុងផ្សារខ្លួនភ្ជាប់ទៅនឹងបច្ចេកវិទ្យាដ៏ទំនើបដូចបច្ចុប្បន្ននេះ សកម្មភាពខ្លះក៏មានប្រយោជន៍ តែសកម្មភាពខ្លះក៏មិនទំនងដែរ អាចនឹងនាំឱ្យរង្កៀសចិត្តដល់អ្នកផ្ញើទាន ។
ជាការពិតណាស់ ការប្រព្រឹត្តខុសធម៌វិន័យរបស់ព្រះសង្ឃមួយចំនួនតូចជាលក្ខណៈបុគ្គលតែប៉ុណ្ណោះទេ ប៉ុន្តែបញ្ហានេះវាកំពុងបង្កឱ្យមានការព្រួយបារម្ភអំពីការធ្លាក់ចុះនៃការគោរព និងជឿជាក់ទៅលើវិស័យព្រះពុទ្ធសាសនាទាំងមូល ។
អ្នកតាមដានការវិវឌ្ឍរបស់សង្គមកម្ពុជាមួយចំនួនបាននិយាយថា ទោះជាយ៉ាងណា មួយរយៈចុងក្រោយនេះ ពោលគឺចាប់តាំងពីមេរោគកូរ៉ូណា ឬកូវីដ១៩ចូលមកបំផ្លាញសេចក្តីសុខរបស់មនុស្សជាតិក្នុងពិភពលោកមក វិបត្តិនៅក្នុងព្រះពុទ្ធសាសនាហាក់ដូចជាស្ងប់ស្ងាត់បន្តិច បើព្រះសង្ឃប្រព្រឹត្តប្រតិបត្តិធម៌វិន័យឱ្យបានម៉ឺងម៉ាត់ ច្បាស់លាស់ដូចបច្ចុប្បន្ន នោះវិស័យព្រះពុទ្ធសាសនានឹងកាន់តែរីកចម្រើនទ្វេដង ឯទាយកទាយិកាអ្នកផ្ញើទានក៏អស់មន្ទិល ។ សាន សារិន
ចែករំលែកព័តមាននេះ