ដោយសារកូវីដ-១៩ ! សូម្បីក្រុមហ៊ុន Tesla ក៏គ្មានលុយបង់ថ្លៃជួលដីដែរ
យោងទៅតាមសារព័ត៌មាន The Wall Street Journal បានឲ្យដឹងថា កាលពីដើមសប្តាហ៍ថ្មីនេះ ក្រុមហ៊ុនផលិតរថយន្ត Tesla របស់លោកមហាសេដ្ឋី…
យោងទៅតាមសារព័ត៌មាន The Wall Street Journal បានឲ្យដឹងថា កាលពីដើមសប្តាហ៍ថ្មីនេះ ក្រុមហ៊ុនផលិតរថយន្ត Tesla របស់លោកមហាសេដ្ឋី…
យោងទៅតាមសារព័ត៌មាន The Wall Street Journal បានឲ្យដឹងថា កាលពីដើមសប្តាហ៍ថ្មីនេះ ក្រុមហ៊ុនផលិតរថយន្ត Tesla របស់លោកមហាសេដ្ឋី អ៊ីឡុន ម៉ាស (Elon Musk) បានផ្ញើសំបុត្រមួយទៅកាន់ម្ចាស់ដីដែលក្រុមហ៊ុនជួលថា ពួកគេមិនមានសមត្ថភាពក្នុងការបង់ថ្លៃជួលក្នុងពេលបច្ចុប្បន្ននេះទេ និងបានស្នើទៅខាងម្ចាស់ដីឲ្យបញ្ចុះថ្លៃមួយរយៈសិន ។
ពួកគេបានបកស្រាយក្នុងសំបុត្រថា «ការរាតត្បាតនៃវីរុសជុំវិញពិភពលោកយ៉ាងលឿនដែលកំពុងតែប៉ះពាល់ដល់ប្រទេសរបស់ពួកយើងបានធ្វើឲ្យ Tesla សម្រេចចិត្តជ្រើស រើសយកភាពជោគជ័យ និងការលូតលាស់រយៈពេលវែងរបស់ក្រុមហ៊ុន ។ ព្រោះតែមានការរឹតបន្តឹងកាន់តែខ្លាំងឡើងលើសមត្ថភាពរបស់ពួកយើងក្នុងការប្រកបអាជីវកម្ម ពួកយើងចង់ប្រាប់ដល់អ្នកថាពួកយើងនឹងកាត់បន្ថយការបង់ថ្លៃជួលប្រចាំខែភ្លាមៗ» ។
សំបុត្រពីក្រុមហ៊ុន Tesla ខាងលើបង្ហាញមកថា ក្រុមហ៊ុនរថយន្តដ៏ធំរបស់មហាសេដ្ឋីនេះក៏កំពុងតែជួបនឹងបញ្ហាដូចអាជីវកម្មដទៃជុំវិញពិភពលោកដែរ ។ កាលពីសប្តាហ៍មុន Tesla បានកាត់បន្ថយចំនួនបុគ្គលិក និងកាត់បន្ថយប្រាក់បៀវត្សរបស់បុគ្គលិកមួយចំនួនដើម្បីជួយឲ្យក្រុមហ៊ុនឆ្លងកាត់ព្យុះភ្លៀងនេះដែរ ។ ប៉ុន្តែការសម្រេចលើការបញ្ចុះថ្លៃជួល គឺនៅមិនទាន់មានភាពច្បាស់លាស់នៅឡើយទេព្រោះ Tesla ជាអ្នកប្រកាសតែម្ខាង ។
យោងតាមសំបុត្រខាងលើបានឲ្យដឹងទៀតថា Tesla នឹងមានការចាជាមួយនឹងម្ចាស់ដីដើម្បីពិភាក្សាថាពួកគេអាចបន្តសហការគ្នាដើម្បីធានាដល់ទំនាក់ទំនងដែលផ្តល់អត្ថប្រយោជន៍ដល់ភាគីទាំងពីរដែរ ឬទេ ។
Tesla ចង់ឲ្យមានការបញ្ចុះថ្លៃជួល ហើយម្ចាស់ដីក៏អាចមានចិត្តចង់ចរចាដែរព្រោះដើម្បីចៀសវាងបាត់បង់អ្នកជួលដែលធ្វើឲ្យពួកគេខាតបង់ទៅវិញ ។
ការសម្រេចចិត្តខាងលើក៏បង្ហាញមកថា Tesla កំពុងតែព្យាករណ៍ថាពួកគេអាចជួបនឹងបញ្ហានាពេលអនាគត ប៉ុន្តែការឆ្លងផុតឧបសគ្គធំនេះបាន ឬមិនបានគឺនៅមិនទាន់មានភាពច្បាស់លាស់នៅឡើយទេ ៕
ចែករំលែកព័តមាននេះ