វិធីសម្របខ្លួនទៅនឹងស្ថានការថ្មីពេលផ្ទុះកូវីដ-១៩
កាលពីសប្តាហ៍មុន លោកមហាសេដ្ឋី ប៊ីល ហ្គេតស៍ (Bill Gates) ដែលជាសហស្ថាបនិករបស់ក្រុមហ៊ុន Microsoft បាននិយាយថា វីរុសកូវីដ…
កាលពីសប្តាហ៍មុន លោកមហាសេដ្ឋី ប៊ីល ហ្គេតស៍ (Bill Gates) ដែលជាសហស្ថាបនិករបស់ក្រុមហ៊ុន Microsoft បាននិយាយថា វីរុសកូវីដ…
កាលពីសប្តាហ៍មុន លោកមហាសេដ្ឋី ប៊ីល ហ្គេតស៍ (Bill Gates) ដែលជាសហស្ថាបនិករបស់ក្រុមហ៊ុន Microsoft បាននិយាយថា វីរុសកូវីដ ១៩ នឹងផ្លាស់ប្តូរការរស់នៅប្រចាំថ្ងៃរបស់មនុស្សជាច្រើនជុំវិញពិភពលោក ។
ជាពិសេស គឺក្នុងវិស័យទេសចរណ៍ និងការប្រកបអាជីវកម្មមួយចំនួនដែលអាចនឹងបន្តទទួលរងការប៉ះពាល់យូរជាងគេទោះជាការផ្ទុះត្រូវបានទប់ទល់ពិតមែនក្តី ។ ដោយហេតុដូចនេះ ក្នុងនាមជាអាជីវករដែលទទួលរងការប៉ះពាល់ពីកូវីដ ១៩ អ្នកត្រូវតែចេះសម្របខ្លួនទៅនឹងស្ថានការថ្មី ។
ឧទាហរណ៍ដូចជាភោជនីយដ្ឋានជាដើម ។ ក្នុងកំឡុងពេលនេះមិនមានមនុស្សច្រើនទេដែលមានចំណាប់អារម្មណ៍អង្គុយទទួលទានអាហារនៅក្នុងភោជនីយដ្ឋានរបស់អ្នក ដូច្នេះអ្នកគួរតែធានាថាអ្នកមានផ្តល់នូវសេវាដឹកជញ្ជូនល្អនិងលឿន ។ អ្នកត្រូវគិតថាអ្នកមិនមានជម្រើសច្រើនទៀតទេដូច្នេះវាប្រហែលជាដល់ពេលហើយដែលអ្នកត្រូវធ្វើការផ្លាស់ប្តូរក្នុងអាជីវកម្មរបស់អ្នក ។
ជាក់ស្តែង គ្រាន់តែផ្តល់នូវសេវាកម្មថ្មីនេះក៏មិនធានាថាអតិថិជនរបស់អ្នកនឹងកុម្ម៉ង់ទិញពីអ្នកភ្លាមដែរ ។ ដោយហេតុដូចនេះ អ្នកត្រូវមានវិធីប្រាប់ដល់អតិថិជនពីសេវាកម្មថ្មីដើម្បីឲ្យពួកគេមានជម្រើសទទួលទានអាហាររបស់អ្នកទោះជាពួកគេមិនចង់ចេញក្រៅផ្ទះពិតមែនក្តី ។ សម្រាប់ភោជនីយដ្ឋានដែលមានវត្តមានលើប្រព័ន្ធសង្គមស្រាប់ វាមិនជាបញ្ហាសម្រាប់អ្នកក្នុងការទាក់ទងទៅប្រាប់អតិថិជនទេ តែសម្រាប់កន្លែងលក់អាហារផ្សេងៗ អ្នកត្រូវគិតពីវិធីងាយៗក្នុងការប្រាប់ជូនដល់អតិថិជនអ្នក ។
ក្រៅពីនេះហើយ អ្នកគួរតែធានាប្រាប់ដល់អតិថិជនរបស់អ្នកពីអនាម័យ និងការប្រុងប្រយ័ត្នក្នុងការចម្អិនអាហារ ឬធ្វើភេសជ្ជៈជូនភ្ញៀវដែរ ។ ប្រសិនបើអ្នកមានសមត្ថភាព អ្នកអាចបង្កើតជាវីឌីអូមួយនបង្ហាញពីការចម្អិនអាហារដោយប្រុងប្រយ័ត្នបាន ។
សម្រាប់ក្រុមហ៊ុន ឬអាជីវកម្មដែលទាក់ទិនទៅនឹងកម្មវិធីដូចជាសិក្ខាសាលាវិញ អ្នកមានជម្រើសក្នុងការធ្វើវាអនឡាញបាន ។ ក្នុងសម័យកាលបច្ចេកវិទ្យានេះ អ្នកអាចនឹងមានភាពងាយស្រួលក្នុងការរកឧបករណ៍ដើម្បីថត និងធ្វើការផ្សាយលើប្រព័ន្ធសង្គមដើម្បីជំនួសសិក្ខាសាលាទាំងមូល ។
សូម្បីតែមនុស្សធ្វើការក្នុងវិស័យទេសចរណ៍ក៏អាចសម្របខ្លួនបានដែរ ។ ព្រោះតែមនុស្សចៀសវាងការធ្វើដំណើរទៅក្រៅប្រទេសទាំងស្រុង វាអាចបង្កការប៉ះពាល់ធ្ងន់ធ្ងរណាស់ដល់វិស័យទេសចរណ៍ ។ ប៉ុន្តែអង្គការជាតិទេសចរណ៍របស់ប្រទេសក្រិចបានសហការជាមួយនឹង Google ក្នុងការបង្កើតកម្មវិធីធ្វើដំណើរទេសចរណ៍អនឡាញដែលមានឈ្មោះថា Greece From Home ។ វេបសាយនេះមានជាវីឌីអូនៃរមណីយដ្ឋានទេសចរណ៍ល្បីៗជុំវិញប្រទេសក្រិចដែលអតិថិជនអាចទស្សនាពីផ្ទះបានដោយមានសុវត្ថិភាព ។
សម្រាប់អាជីវកម្មដទៃដែលមិនស្ថិតក្នុងចំណោមឧទាហរណ៍ខាងលើ តែនៅតែទទួលរងការប៉ះពាល់ពីកូដី ១៩ អ្នកអាចយកឧទាហរណ៍ខាងលើធ្វើជាគន្លឹះសម្រាប់បំផុសគំនិតថ្មីៗបានដើម្បីសម្របខ្លួនទៅនឹងស្ថានការថ្មីនិងជៀសវាងការបិទទ្វារអាជីវកម្មទាំងស្រុង ៕
ចែករំលែកព័តមាននេះ