លោក Bill Gates ៖ កូវីដ-១៩ នឹងផ្លាស់ប្តូរជីវិតមនុស្សជារៀងរហូត
កាលពីសប្តាហ៍មុន លោកមហាសេដ្ឋី ប៊ីល ហ្គេតស៍ (Bill Gates) ដែលជាសហស្ថាបនិករបស់ក្រុមហ៊ុន Microsoft បានចែករំលែកលើ LinkedIn…
កាលពីសប្តាហ៍មុន លោកមហាសេដ្ឋី ប៊ីល ហ្គេតស៍ (Bill Gates) ដែលជាសហស្ថាបនិករបស់ក្រុមហ៊ុន Microsoft បានចែករំលែកលើ LinkedIn…
កាលពីសប្តាហ៍មុន លោកមហាសេដ្ឋី ប៊ីល ហ្គេតស៍ (Bill Gates) ដែលជាសហស្ថាបនិករបស់ក្រុមហ៊ុន Microsoft បានចែករំលែកលើ LinkedIn របស់លោកដើម្បីឆ្លើយសំណួរទាក់ទិននឹងកូវីដ ១៩ ជាពិសេសសំណួរពីជីវិតរបស់មនុស្សក្នុងរយៈពេលប៉ុន្មានខែ និងឆ្នាំខាងមុខនេះ ។
លោកបានចែករំលែកមកថា ពិភពលោកត្រូវការពេលយូរមុននឹងអ្វីៗអាចក្លាយទៅជាធម្មតាវិញ ហើយការរស់នៅប្រចាំថ្ងៃរបស់មនុស្សប្រហែលជាអាចនឹងផ្លាស់ប្តូរជារៀងរហូត ។លោកបានបកស្រាយថា «ខ្ញុំគិតថាការបើកដំណើរការរោងចក្រ ការសាងសង់ ការទៅសាលារៀនអាចនឹងកើតមានឡើងវិញ» ។ ប៉ុន្តែសម្រាប់វិស័យដទៃដូចជាបដិសណ្ឋារកិច្ច កម្មវិធីកីឡា និងអចលនទ្រព្យអាចនឹងត្រូវការពេលយូរជាងនេះទៅទៀតដើម្បីត្រលប់មកស្ថានការដូចដើមវិញ ។
«តើមនុស្សនៅតែចង់ធ្វើដំណើរទេ?តើពួកគេចង់ទៅទទួលទាននៅភោជនីយដ្ឋានទេ? តើពួកគេគិតពីការទិញផ្ទះថ្មីទេ? ទោះជារដ្ឋាភិបាលនិយាយថាសកម្មភាពទាំងនេះមិនមានបញ្ហាពិតមែនក្តី ពួកយើងមិនអាចរំពឹងទុកថាតម្រូវការនឹងកើនឡើងភ្លាមក្នុងរយៈពេលមួយយប់ទេ» ។
លោកគិតថាពិភលោកនឹងត្រូវការវ៉ាក់សាំងដែលត្រូវបានទទួលស្គាល់ និងចែកចាយជុំវិញពិភពលោកជាមុនសិនមុននឹងការផ្លាស់ប្តូរទាំងនេះអាចកើតមានឡើងបាន ហើយលោកគិតថាវ៉ាក់សាំងនេះប្រហែលជាត្រូវការរយៈពេល ១៨ខែទៀតទើបអាចផលិត ទទួលបានការអនុញ្ញាត និងត្រូវបានចែកចាយជុំវិញពិភពលោក ។
ក្រៅពីបញ្ហាខាងលើហើយ លោកមហាសេដ្ឋី ប៊ីល ហ្គេតស៍ គិតថាកូវីដ ១៩ នឹងបន្តបង្ខំឲ្យមនុស្សងាកទៅប្រើប្រាស់បច្ចេកវិទ្យាឌីជីថលថែមទៀត ។ លោកបានបន្តថា «សកម្មភាពមួយចំនួនដូចជាការហោះទៅហោះមកដើម្បីការងារអាចនឹងមិនត្រលប់មកដូចដើមវិញទេ ។ ប្រាកដណាស់វានៅតែមានការធ្វើដំណើរដូច្នេះ តែវាអាចកើតមានឡើងតិចជាងមុន» ។
ប៉ុន្តែមានសកម្មភាពមួយដែលលោកគិតថាប្រហែលជាអាចផ្លាស់ប្តូរទាំងស្រុង ។ ឧទាហរណ៍ដូចជាក្រុមហ៊ុន Microsoft របស់លោកដែលចាប់ផ្តើមធ្វើការប្រជុំអនឡាញទាំងពីមុនពេលផ្ទុះវីរុសនេះទៅទៀត ។
លោកបានបន្ថែមទៀតថា មានការបង្កើតកម្មវិធី Software ថ្មីៗជាច្រើនដែលនឹងផ្លាស់ប្តូរការរបស់នៅរបស់មនុស្សដែលធ្វើឲ្យការប្រកបការងារ និងអាជីវកម្មកាន់តែមានប្រសិទ្ធិភាពជាងមុនឆ្ងាយ ៕
ចែករំលែកព័តមាននេះ