ខេត្តព្រះសីហនុ ៖ គិតត្រឹមម៉ោង០៨និង៣០នាីទព្រឹកថ្ងៃទី១០ មេសា នេះ ប្រភពពីសមត្ថកិច្ចបញ្ជាក់ថា នៅមានពលរដ្ឋមួយចំនួន គឺលោកនៅតែបន្តធ្វើចរាចរណ៍ឆ្លងកាត់តាមម៉ូតូ ជាពិសេស តាមរថយន្តឈ្នួល នៅចំណុច២គោលដៅធំៗ ទី១-តាមបណ្តោយផ្លូវជាតិលេខ៣ និងផ្លូវជាតិលេខ៤ ។ តែយ៉ាងណានោះ សមត្ថកិច្ចមិនត្រូវបានអនុញ្ញាតឱ្យបងប្អូនឆ្លងកាត់ឡើយ សម្រាប់អ្នកឆ្លងស្រុកខេត្ត ឆ្ងាយ ។ ហើយជាមួយគ្នានោះ ក៏សូមឱ្យបងប្អូនចូលរួមរក្សាជំហរឹងមាំ ដោយសុំផ្អាកការធ្វើដំណើរ កុំបន្តជួលរថយន្តឈ្នួលទៀតឡើយ នាំឱ្យខាតបង់ថវិកានិងពេលវេលានោះឡើយ ។
មន្ត្រីរដ្ឋបាលខេត្តព្រះសីហនុ បានឱ្យកោះសន្តិភាពដឹងនៅព្រឹកថ្ងៃ១០ មេសា នេះថា នៅតាមផ្លូវជាតិនិងគោលដៅសំខាន់ៗចេញ-ចូលខេត្ត កម្លាំងចម្រុះរបស់គណៈបញ្ជាការឯកភាពរដ្ឋបាល តាមបណ្តាស្រុក និងក្នុងទីរួមខេត្តព្រះសីហនុ បានដាក់ការត្រួតពិនិត្យចរាចរណ៍ចេញ-ចូល ។ ជាពិសេស អនុវត្តតាមបទបញ្ជារបស់រាជរដ្ឋាភិបាល ក្នុងការដាក់កំហិត លើការធ្វើដំណើរចលត័ទីពីខេត្តមួយទៅខេត្តមួយ និងពីស្រុកមួយទៅស្រុកមួយ ដើម្បីបង្ការទប់ស្កាត់មិនអោយមានឆ្លងជំងឺកូវីដ១៩ ។
ចំពោះការធ្វើដំណើរក្នុងមូលដ្ឋានផ្ទាល់ មិនមានហាមឃាត់ទេ ក្នុងនោះ មានការលើកលែងទៅលើមធ្យោបាយដឹកជញ្ជូនទំនិញ, កម្មករទៅធ្វើការរោងចក្រ ,រថយន្តសង្គ្រោះ, ការធ្វើដំណើរទៅមន្ទីរពេទ្យ ឬមណ្ឌលសុខភាពដែលនៅជិត, រថយន្តដឹកសំរាមកាកសំណល់ផ្សេងៗ និងមធ្យោបាយធ្វើការរបស់រដ្ឋ ឬកងកម្លាំងមានសមត្ថកិច្ច ។
ចែករំលែកព័តមាននេះ