គ្រូពេទ្យ​រាប់​សិប​នាក់​ត្រូវ​បាន​ចាប់ខ្លួន ព្រោះ​ទាមទារ​សម្ភារៈ​ការពារ​ខ្លួន​ពី​កូ​វី​ដ​១៩


ប៉ា​គី​ស្ថាន ៖ ប៉ូលិស​នៅ​ឯ​ភាគ​និរតី នៃ​ប្រទេស​ប៉ា​គី​ស្ថាន Quetta បាន​ចាប់ខ្លួន​វេជ្ជបណ្ឌិត​យ៉ាង​ហោច​ណាស់​៥០​នាក់ ដែល​កំពុងធ្វើការ​តវ៉ា​ប្រឆាំង​នឹង​កង្វះ​ឧបករណ៍​ការពារ​ផ្ទាល់ខ្លួន​សម្រាប់​បុគ្គលិក​សុខាភិបាល នៅ​សមរភូមិ​ជួរ​មុខ​នៃ​ការ​ប្រយុទ្ធ​ប្រឆាំង​នឹង​វីរុស​នេះ​។

តំណាង​សមាគម​គ្រូពេទ្យ​វ័យក្មេង (YDA) ដែល​បាន​រៀបចំ​ការ​តវ៉ា​នេះ បាន​និយាយ​ថា យ៉ាង​ហោច​ណាស់​សមាជិក ៦៧​នាក់ ត្រូវ​បាន​ចាប់ខ្លួន​កាលពី​ថ្ងៃ​ច័ន្ទ​។ លោក​វេជ្ជបណ្ឌិត Rahim Khan Babar អ្នកនាំពាក្យ YDA បាន​និយាយ​ថា បទបញ្ជា​ដោះ​លែង​ត្រូវ​បាន​ចេញ​សម្រាប់​អ្នក​ដែល​ត្រូវ​បាន​ឃុំខ្លួន ប៉ុន្តែ​ពួក​គេ​បាន​បដិសេធ​មិន​ចាក​ចេញពី​ស្ថានីយ៍​ប៉ូ​លី​ស​ដែល​ជា​កន្លែង​ពួក​គេ​ត្រូវ​បាន​ឃុំខ្លួន​រហូត​ដល់​ការ​ទាមទារ​របស់​ពួក​គេ​សម្រាប់​ឧបករណ៍​ការពារ​ខ្លួន​ពី​កូ​វី​ដ​១៩ បន្ថែម​ត្រូវ​បាន​ដោះស្រាយ​។

លោក​វេជ្ជបណ្ឌិត​បាន​ប្រាប់​ថា​៖ «​ខ្ញុំ​ត្រូវ​បាន​ចាប់ខ្លួន​កាលពី​ម្សិលមិញ​។ ខ្ញុំ​នៅ​តែ​ស្ថិត​ក្នុង​ស្ថានីយ៍​ប៉ូលិស​នៅឡើយ​។ ពួក​គេ​បាន​ចេញ​បញ្ជា​ឱ្យ​មានការ​ដោះ​លែង​យើង ប៉ុន្តែ​យើង​បាន​បដិសេធ​មិន​ចាកចេញ​ទេ ពីព្រោះ​គ្មាន​ជំហាន​ណាមួយ​ត្រូវ​បាន​ធ្វើ​ឡើង​។ គ្រូពេទ្យ​បាន​ចេញ​មក​រក​ឧបករណ៍​ការពារ ហើយ​អ្នក​បាន​វាយ​ពួក​គេ​ហើយ​បន្ទាប់​មក​បាន​ចាប់​ឃុំ​ពួក​គេ​។ តើ​ច្បាប់​ប្រភេទ​នោះ​ជា​អ្វី?​»​។

ខ្សែ​វី​ដេ​អូ​ដែល​បាន​មក​ពី​ការ​តវ៉ា​កាលពី​ថ្ងៃ​ច័ន្ទ បាន​បង្ហាញ​ពី វេជ្ជបណ្ឌិត​រាប់​សិប​នាក់​បាន​លើក​ពាក្យស្លោក និង​រិះគន់​រដ្ឋាភិបាល​ខេត្ត​។ បន្តិច​ក្រោយមក​ប៉ូ​លី​សបាន​ឈាន​ជើង​ចូល​បញ្ចប់​ការ​តវ៉ា ដោយ​ប៉ះទង្គិច​ជាមួយ​ក្រុម​បាតុករ​ជា​ច្រើន​នាក់ និង​ឃុំខ្លួន​មនុស្ស​រាប់​សិប​នាក់​។

គួរ​បញ្ជាក់​ផង​ដែរ​ថា ចំនួន​នៃ​ករណី​ឆ្លង​វីរុស​នៅ​ក្នុង​ប្រទេស​ប៉ា​គី​ស្ថាន​បាន​កើនឡើង​យ៉ាង​ខ្លាំង​កាលពី​ថ្ងៃ​ច័ន្ទ ដោយ​មាន​៥៨៤​ករណី​បន្ថែម​ទៀត ដែល​នាំ​ឱ្យ​ចំនួន​ករណី​សកម្ម​របស់​ប្រទេស​កើន​ដល់ ៣៣៧៨​នាក់ ដោយ​មាន​អ្នក​ស្លាប់​ចំនួន​៥៤​នាក់ និង​យ៉ាង​ហោច​ណាស់​អ្នកជំងឺ ៤២៩​នាក់ បានជា​សះស្បើយ ចាប់តាំងពី​ការ​ផ្ទុះ​ឡើង​បាន​ចាប់ផ្តើម​កាលពី​ចុងខែ​កុម្ភៈ​៕ ដកស្រង់​ចេញ​ពី​វេ​ប​សាយ ៖ Aljazeera (​កែសម្រួល​ដោយ ៖ បុប្ផា​)

ព័ត៌មាន​អន្តរជាតិ

Sponsored News

ការស្ទង់មតិគេហទំព័រថ្មី




សូម​អរគុណ