ខេត្តបន្ទាយមានជ័យ ៖ យុវជនឈាមរាវម្នាក់បានបាត់បង់ជីវិតភ្លាមៗក្នុងថ្លុកឈាម ព្រោះតែជិះម៉ូតូបង្ហោះនៅលើផ្លូវសាធារណៈហើយទៅប៉ះនឹងម៉ូតូ១គ្រឿងទៀតដែលឈប់ចាក់សាំងក្បែរផ្លូវបណ្តាលឱ្យដួល ។ ហេតុការណ៍គួរឲ្យរន្ធត់នេះ កើតឡើងកាលពីវេលាម៉ោងប្រមាណ៥និង៤០នាទីល្ងាចថ្ងៃទី២ ខែមេសាកន្លងទៅ នៅលើកំណាត់ផ្លូវជាតិលេខ៥៦Aក្នុងភូមិស្ទឹង ឃុំរលួស…
ខេត្តបន្ទាយមានជ័យ ៖ យុវជនឈាមរាវម្នាក់បានបាត់បង់ជីវិតភ្លាមៗក្នុងថ្លុកឈាម ព្រោះតែជិះម៉ូតូបង្ហោះនៅលើផ្លូវសាធារណៈហើយទៅប៉ះនឹងម៉ូតូ១គ្រឿងទៀតដែលឈប់ចាក់សាំងក្បែរផ្លូវបណ្តាលឱ្យដួល ។ ហេតុការណ៍គួរឲ្យរន្ធត់នេះ កើតឡើងកាលពីវេលាម៉ោងប្រមាណ៥និង៤០នាទីល្ងាចថ្ងៃទី២ ខែមេសាកន្លងទៅ នៅលើកំណាត់ផ្លូវជាតិលេខ៥៦Aក្នុងភូមិស្ទឹង ឃុំរលួស ស្រុកស្វាយចេក ។
លោកវរសេនីយ៍ឯក ជា ស្លូញ អធិការនគរបាលស្រុកស្វាយចេក បានឲ្យដឹងថា យុវជនដែលស្លាប់នេះឈ្មោះ មុន ទី ភេទប្រុស អាយុ២១ឆ្នាំ មានទីលំនៅក្នុងភូមិតាបែន ឃុំតាបែនស្រុកស្វាយចេក ។ បើតាមអ្នកឃើញផ្ទាល់ភ្នែកនិយាយថា យុវជនរូបនេះបើកម៉ូតូហុងដាឌ្រីម សេ១២៥ ពណ៌ខ្មៅ ស៊េរីឆ្នាំ២០១៤ ពាក់ផ្លាកលេខ ប.មានជ័យ១I-៩៧៧១ តែម្នាក់ឯង និងបានបង្ហោះកង់មុខប្រហែលជាចម្ងាយ៣០មែ៉ត្រ ។
ពេលទៅដល់ចុងភូមិស្ទឹង ឃុំរលួស ក៏រេចង្កូតទៅបុកជាមួយម៉ូតូ១គ្រឿងម៉ាកហុងដាឌ្រីម សេ៊រីចាស់ ពណ៌ក្រហម ជារបស់ឈ្មោះ សូត្រ ទ្រី ភេទប្រុស អាយុ៤២ឆ្នាំ មានទីលំនៅក្នុងភូមិសែសិន ក្រុងសិរីសោភ័ណ ដែលកំពុងឈប់ចាក់សាំង និងនៅលើម៉ូតូមានទូកញ្ចក់ដាក់កណ្តូបនិងចង្រិតលីងសម្រាប់លក់ ។ នៅពេលបុកម៉ូតូកំពុងចាក់សាំងនោះ ឈ្មោះមុន ទី បានទៅប៉ះនឹងទូកញ្ចក់បែកមុតត្រង់ដើមក និងដួលប្រកាច់ស្លាប់ភ្លាមៗក្នុងថ្លុកឈាម ។
នេះក៏ដោយសារតែជនរងគ្រោះស្ថិតក្នុងស្ថានភាពស្រវឹងហើយបង្ហោះម៉ូតូ ។ ចំណែកម្ចាស់ម៉ូតូដឹកកណ្តូបនិងចង្រិតលីង ក្រោយពីចាក់សាំងរួចក៏ដើរទៅគិតលុយថ្លៃសាំងទើបរួចផុតពីគ្រោះថ្នាក់ បើសិននៅឈរក្បែរម៉ូតូក៏អាចមានគ្រោះថ្នាក់ដែរ ។ក្រោយកើតហេតុ សពជនរងគ្រោះត្រូវបានប្រគល់ជូនក្រុមគ្រួសារយកទៅរៀបចំធ្វើបុណ្យតាមប្រពៃណី ។
អ្នករស់នៅក្បែរកន្លែងកើតហេតុនិយាយថា បើតាមម្តាយរបស់យុវជនរងគ្រោះ គឺគាត់តែងប្រដៅណែនាំកូនដែរ កុំឲ្យដើរលេងនិងបើកម៉ូតូលឿនៗពេកក្រែងមានគ្រោះថ្នាក់ ។តាមស្ត្រីជាម្តាយថា កូននេះទើបមកពីថៃហើយគាត់គិតថានឹងរកប្រពន្ធឲ្យនៅឆ្នាំក្រោយ តែពេលនេះបែរជាស្លាប់ទៅវិញ ៕
ចែករំលែកព័តមាននេះ