លោក Jean-Pierre Caillot ប្រធានក្លិប Reims បាននិយាយថា វីរុសរាតត្បាតឆ្លង Covid-19 ដែលរាលដាលទូទាំងពិភពលោកបានធ្វើឱ្យប៉ះពាល់ដល់បេះដូងរបស់ក្លិប បន្ទាប់ពីមរណភាពរបស់វេជ្ជបណ្ឌិតរបស់ក្លិបគឺលោក Bernard Gonzalez ដែលកាសែតបារាំង Le Parisien បានរាយការណ៍ថា បានបញ្ចប់ជីវិតខ្លួនឯង បន្ទាប់ពីឆ្លងវីរុស Covid-19 ។
ក្លិប Reims ដែលនៅក្នុងក្របខ័ណ្ឌកំពូលបារាំង Ligue 1 បានបង្ហោះសារលិខិតរំលែកទុក្ខដល់វេជ្ជបណ្ឌិតវ័យ៦០ឆ្នាំកាលពីថ្ងៃអាទិត្យ ដោយរៀបរាប់អំពីលោក Gonzalez ដែលត្រូវបានឱ្យដឹងថា ដែលកំពុងដាក់ឱ្យនៅដាច់ដោយឡែកពីគេ បន្ទាប់ពីធ្វើតេស្តឃើញមានសញ្ញាវិជ្ជមានចំពោះវីរុស Covid-19 ។
អភិបាលក្រុង Reims លោក Arnaud Robinet បានហៅ Gonzalez ថា «ជាជនរងគ្រោះដោយសារ Covid-19» ហើយបានស្នើក្លិបមួយនេះ ត្រូវតែចាត់ទុកជាប្រវត្តិសាស្ត្រ សម្រាប់គ្រូពេទ្យជំនាញដែលបានបម្រើការអស់រយៈពេល២៣ឆ្នាំរូបនេះជាមួយក្លិប ។
លោក Arnaud Robinet បាននិយាយថា «Gonzalez គឺជាអ្នកជំនាញដ៏អស្ចារ្យ ដែលត្រូវបានទទួលស្គាល់ និងកោតសរសើរដោយមនុស្សគ្រប់គ្នា ។ ខ្ញុំសូមចូលរួមរំលែកទុក្ខជាមួយឪពុកម្តាយ ភរិយា និងក្រុមគ្រួសាររបស់គាត់» ៕ (ដកស្រង់ចេញពី Goal.com)
ចែករំលែកព័តមាននេះ