ប្រធាន​ក្លិប​បាល់ទាត់ Tottenham Hotspur លោក Daniel Levy បាន​ប្រកាស​ថា បុគ្គលិក​ទាំងអស់ ដែល​មិនមែន​ជា​កីឡាករ​ចំនួន ៥៥០​នាក់​នឹង​ត្រូវ​កាត់​បន្ថយ​ប្រាក់ខែ​ចំនួន ២០% អំឡុង​ពេល​នៃ​ការ​ផ្អាក​ការ​ប្រកួត ដោយសារ​តែ​ការ​រាតត្បាត​វីរុស Covid-19 ។

លោក Daniel Levy បាន​ថ្លែង​ថា ដោយ​បានឃើញ​ក្លិប​ធំ​ៗ​មួយ​ចំនួន​នៅ​លើ​ពិភពលោក​ដូច​ជា Barcelona, Bayern Munich និង Juventus ចាត់វិធានការ​ដើម្បី​កាត់​បន្ថយ​ប្រាក់​កីឡាករ និង​បុគ្គលិក ។ កាលពី​ម្សិលមិញ​ការ​សម្រេចចិត្ត​ដ៏​លំបាក​នេះ គឺ​ដើម្បី​ការពារ​ការ​បាត់បង់​ការងារ​របស់​បុគ្គលិក​ក្លិប ដោយ​ស្ថិត​ក្នុង​ចំណោម​នាយក និង​បុគ្គលិក​ដែល​មិនមែន​ជា​កីឡាករ​ចំនួន​៥៥០​នាក់​នៅ​ក្នុង​ក្លិប ដែល​នឹង​ត្រូវ​កាត់​បន្ថយ​ប្រាក់ខែ​ដំបូង​សម្រាប់​ត្រឹម​ខែមេសា និង​ឧសភា​ចំនួន ២០% ស្របច្បាប់​របស់​រដ្ឋាភិ​បាល​។

ក្នុង​នោះ​ក្លិប Tottenham Hotspur សង្ឃឹមថា​ការ​ពិភាក្សា​នា​ពេល​បច្ចុប្បន្ន​រវាង​ក្របខ័ណ្ឌ Premier League, PFA និង LMA នឹង​ធ្វើ​ឱ្យ​កីឡាករ និង​គ្រូបង្វឹក​ចូលរួម​ថវិកា​របស់​ពួក​គេ សម្រាប់​ប្រព័ន្ធ​អេកូ​បាល់ទាត់ ៕ (ប្រភព​ពី tottenhamhotspur)