រាជធានីភ្នំពេញ៖ ស្ថិតក្នុងការលៈទេសៈសេដ្ឋកិច្ច និងអាជីវកម្មតូច និងធំនៅក្នុងស្រុក ទទួលរងផលប៉ះពាល់ពីជំងឺកូវីដ ១៩ នេះ ប្រមុខរាជរដ្ឋាភិបាលកំពុងពិនិត្យលទ្ធភាព បញ្ចេញទុនបម្រុងរបស់ខ្លួនប្រមាណ ៥០០ ឬ ៦០០លានដុល្លារអាមេរិកដើម្បីផ្តល់ជូនធនា ការឯកទេសខ្ចីសម្រាប់ផ្តល់ជាកម្ចីទៅឱ្យអតិថិជនក្នុងអត្រាការប្រាក់ទាប ពោលក្នុងន័យ ឱ្យម្ចាស់អាជីវកម្មមានឱកាស ឬមានដើមទុនស្តារអាជីវកម្មរបស់ខ្លួនឡើងវិញតាមភាពជាក់ ស្តែងនៅចំពោះមុខ ។
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មានប្រសាសន៍នៅក្នុងសន្និសីទសារព័ត៌មាននៅវិមានរដ្ឋសភាកាលពីថ្ងៃទី ៣០ខែមីនានេះ ថា «យើងកំពុងពិនិត្យលទ្ធភាពបញ្ចេញទុនរបស់រដ្ឋាភិបាលប្រមាណ ៥០០ ឬ ៦០០លាន ដុល្លារអាមេរិកដើម្បីឱ្យធនាគារឯកទេសខ្ចីក្នុងអត្រាការប្រាក់ទាប ហើយធនគារឯកទេស ទាំងនោះនឹងយកទៅឱ្យអ្នកធ្វើអាជីវកម្មមានអត្រាការប្រាក់ទាបដែរ» ។
សម្តេចសង្កត់ធ្ងន់ដូច្នេះថា «យើងកំពុងពិនិត្យលើបញ្ហានេះតែមិនឈានដល់ទេ តែយើង នឹងឈានដល់នូវជុំទីពីរ ឬជុំទីបីអំពីលទ្ធភាពនៃការបញ្ចេញទុនបម្រុងរបស់រដ្ឋ (ប្រាក់សន្សំ របស់រដ្ឋ) ប្រមាណ ៥០០ ឬ ៦០០លានដុល្លារអាមេរិកទៅឱ្យធនាគារឯកជន សហគ្រាស ឯកជន ព្រោះរដ្ឋមិនអាចឱ្យវិស័យឯកជនមកខ្ចីផ្ទាល់ទេ រដ្ឋមានសិទ្ធិត្រឹមតែឱ្យធនាគារ ឯកជនមកខ្ចីដោយអត្រាការប្រាក់ទាប រួចហើយប្រើកម្ចីនេះទៅឱ្យអ្នកខ្ចីដែលមានអត្រាការ ប្រាក់ទាបតគ្នា» ។
សម្តេចអគ្គមហាសេនាបតីតេជោ ហ៊ុន សែន មានប្រសាសន៍ទៀតថា ទាំងនេះគ្រាន់តែជា ការអំពាវនាវដើម្បីជាការបន្ធូរបន្ថយវិស័យឯកជ និងថ្លៃឈ្នួលនានា ព្រោះតែឥឡូវរកតែ លុយបង់ថ្លៃបុគ្គលិកមិនបានផង ។ ភោជណីយដ្ឋានមួយធ្លាប់មានមនុស្សចូលហូប ហើយ តម្លៃអគារនៅថ្លៃ ៣ពាន់ដុល្លារអាមេរិកដដែលក្នុងមួយខែ ក្នុងពេលដែលគ្នារកចំណូលបាន ២ពាន់ដុល្លារអាមេរិកមិនគ្រប់ បូកនិងថ្លៃទឹក ភ្លើងដូច្នេះគ្នាជួបការលំបាកសូមឱ្យមានការ យោគយល់គ្នាក្នុងការលៈទេសៈដ៏លំបាកនេះ ។
ទន្ទឹមនឹងប្រមុខរាជរដ្ឋាភិបាលត្រៀមបញ្ចេញទុនបម្រុង ៥០០ ឬ ៦០០លានដុល្លារអាមេរិក ទៅដល់ធនាគារឯកទេសនៅគ្រាខាងមុខ សម្តេចតេជោ ហ៊ុន សែន ក៏បានអំពាវនាវទៅ ដល់គ្រឹះស្ថានធនាគារ និងហិរញ្ញវត្ថុមានការយោគយល់ចំពោះការពន្យាពេលសងត្រឡប់ របស់ប្រជាពលរដ្ឋ ឬអតិថិជននៅក្នុងគ្រាលំបាកនេះបន្ទាប់ពីធនាគារជាតិនៃកម្ពុជា ទម្លាក់ ទុនបម្រុងកាតព្វកិច្ចពី ១២% មកនៅត្រឹម ៧% ។
សម្តេចអគ្គមហាសេនាបតីតេជោ ហ៊ុន សែន មានប្រសាសន៍ថា រដ្ឋអំពាវនាវដល់វិស័យឯក ជនផ្តល់នៅការយោគយល់គ្នារាប់ទាំងវិស័យធនាគារយោគយល់ចំពោះការពន្យាពេលសងឱ្យគ្នាដល់ដំណាក់កាលសងបញ្ចប់ ។ គ្នាមានការលំបាកដូច្នេះមិនគួរប្រើប្រាស់ពេលវេលា នេះរឹបអូសយកផ្ទះគ្នាទេ ។ សម្តេចបន្តថា «ការពន្យារ ឬបន្ថយការប្រាក់ ព្រោះរដ្ឋតាមរយៈធនាគារជាតិមានវិធានការ ច្រើនហើយចំពោះធនាគារ និងមីក្រូហិរញ្ញវត្ថុដូចជាទុនបម្រុងកាតព្វកិច្ច ដោយមុននេះទុន នេះទាំងប្រាក់រៀល និងប្រាក់ដុល្លារអាមេរិក ទុនកាតព្វកិច្ចមានជាង ១២% ឥឡូវនេះទុន បម្រុងកាតព្វកិច្ចធ្លាប់មកនូវត្រឹម ៧% ដែលអនុញ្ញាតឱ្យធនាគារ និងមីក្រូហិរញ្ញវត្ថុទាំង អស់មានទុនប្រមានជាង ១០០លានដុល្លារអាមេរិកដើម្បីដោះស្រាយជាមួយនិងកូន បំណុល បន្ធូរបន្ថយជាមួយនឹងកូនបំណុល» ។
យោងតាមធនាគារជាតិនៃកម្ពុជាថ្មីៗបង្ហាញថា ធនាគារជាតិនៃកម្ពុជាបានដាក់ចេញនូវ វិធានការគាំទ្រចំនួន ៥ ដើម្បីផ្តល់សន្ទនីយភាពបន្ថែមដល់គ្រឹះស្ថានធនាគារ និងហិរញ្ញវត្ថុ សំដៅរួមចំណែកកាត់បន្ថយផលប៉ះពាល់ពីជំងឺកូវីដ ១៩ មកលើសេដ្ឋកិច្ចស្របតាមគោល នយោបាយរបស់រាជរដ្ឋាភិបាល ។
ធនាគារជាតិបញ្ជាក់ថាវិធានការទាំង ៥ មាន៖ ១- ពន្យារពេលឱ្យគ្រឹះស្ថានធនាគារ និង
ហិរញ្ញវត្ថុរក្សាកម្រិតទ្រនាប់ដើមទុនខនស៊ីវេសិនត្រឹម៥ ០% ។ ២-កាត់បន្ថយអត្រាការ ប្រាក់អប្បបរមានៃប្រតិបត្តិការផ្តល់សន្ទនីយភាពដោយមានការធានាចំនួន ០,៥% ចំពោះ គ្រប់ឥណទានប្រតិទាន ។ ៣-កាត់បន្ថយអត្រាការប្រាក់លើមូលបត្រអាចជួញដូរបានចារឹក ជារៀល និងជាដុល្លារអាមេរិកក្នុងកម្រិតសមរម្យ ។ ៤- កាត់បន្ថយអត្រាប្រាក់បម្រុងកាតព្វ កិច្ចពី ៨% ចំពោះប្រាក់រៀលនិង ១២,៥% ចំពោះរូបិយប័ណ្ណមកត្រឹម ៧% ទាំងចំពោះប្រាក់ រៀល និងរូបិយប័ណ្ណក្នុងរយៈពេល ៦ខែចាប់ពីខែមេសា ឆ្នាំ ២០២០ និង ៥-កាត់បន្ថយ កម្រិតអនុបាតក្របខ័ណ្ឌសន្ទនីយភាពក្នុង «កម្រិតសមស្របតាមការចាំបាច់ ។
បើតាមធនាគារជាតិនៃកម្ពុជា នឹងបន្តតាមដានយ៉ាងប្រុងប្រយ័ត្នលើស្ថានភាពវឌ្ឍនភាព វិស័យធនាគារបញ្ហាប្រឈម និងហានិភ័យនានាដែលអាចកើតឡើងជាយថាហេតុក្នុង គោលដៅរក្សានិរន្តរភាព និងស្ថិរភាពនៃវិស័យធនាគារ និងហិរញ្ញវត្ថុ និងរួមចំណែកគាំ ទ្រកំណើនសេដ្ឋកិច្ចប្រកបដោយចីរភាព ៕
ចែករំលែកព័តមាននេះ