ហេតុអ្វីបានជាព្រះសារីបុត្រសម្រេចបារមីញាណយឺតយូរ ?

ថ្ងៃទី ៣០ ខែ មីនា ឆ្នាំ ២០២០

ម៉ោង ១៧:០១

កាលបានបួសហើយឈ្មោះដើមនៃព្រាហ្មណ៍ទាំងពីរត្រូវប្តូរជាព្រះសារីបុត្រ និងមហាមោគ្គល្លាន ហើយឈ្មោះដើមរបស់លោកទាំងពីរក៏រលុបបាត់ទៅ ដោយមិនមាននរណាហៅទៀតឡើយ។ រាប់ពីថ្ងៃបួសហើយ៧ថ្ងៃ ព្រះមហាមោគ្គល្លានបានសម្រេចអរហត្តផល ចំណែកព្រះសារីបុត្របួសហើយកន្លង១៥ថ្ងៃ ទើបបានសម្រេចព្រះអរហត្តផល នៅនាល្អាងភ្នំគិជ្ឈកូដ ជិតក្រុងរាជគ្រឹះ ។

ក្នុងគម្ពីរធម្មបទមានសម្តែងថា តើព្រះសារីបុត្រជាអ្នកមានបញ្ញាច្រើនពិតមែនឬ ហេតុអ្វីទើបដល់សាវកបារមីញាណយឺតយូរជាងព្រះមហាមោគ្គល្លាន ?

មានចម្លើយថា ព្រោះជាអ្នកច្រើនដោយបរិកម្ម គឺការពិចារណា ប្រៀបបាននឹងមនុស្សទុគ៌ត ត្រូវការទៅណាមកណាអាចទៅបានភ្លាម ចំណែកព្រះរាជា ត្រូវការយាងទៅណា លុះត្រាតែមានក្បួនហែហម គឺមានការរៀប ចំយូរត្រូវត្រៀមរាជពលសព្វបែបយ៉ាង ទើបអាចយាងទៅបាន យ៉ាងណាមិញ ព្រះសារីបុត្រក៏ដូច្នោះដែរ ។ សាន សារិន