ប្រទេសកូរ៉េខាងជើង ៖ ក្រុងព្យុងយ៉ាងនាថៃ្ងទី២៩ ខែមីនា បានបាញ់សាកជាលើកទី៤ ក្នុងខែមីនា នូវមីស៊ីលបាលីស្ទិកពេលដែលសហគមន៍អន្តរជាតិទាំងមូល កំពុងតែផ្ដោតលើការតស៊ូប្រឆាំងវីរុសCOVID-19។
ការបាញ់មីស៊ីលនាថ្ងៃទី២៩មីនាត្រូវបានធ្វើ ក្នុងតំបន់ទីក្រុងកំពង់ផែវ៉ុនសាន នៅជាប់ឆ្នេរសមុទ្រខាងកើត សំដៅទៅសមុទ្រជប៉ុនហៅសមុទ្រខាងកើត។ សកម្មភាពយោធាបែបនោះរបស់កូរ៉េខាងជើង ពិតជាមិនសមស្របទាល់តែសោះ ពេលដែលពិភពលោកទាំងមូល ជួបការលំបាកខ្លាំង មកពីការឆ្លងរាលដាលនៃវីរុស។ នេះជាការលើកឡើងរបស់អគ្គសេនាធិការដ្ឋានកងទ័ពកូរ៉េខាងត្បូង ក្នុងសេចក្ដីប្រកាសមួយដែលបញ្ជាក់ថា មីស៊ីលទាំងនោះហាក់ដូចជាមីស៊ីលបាលីស្ទិក។
ក្រសួងការពារប្រទេសជប៉ុនក៏និយាយដែរថា មីស៊ីលដែលបាញ់សាកទាំងនេះ ហាក់ជាមីស៊ីលបាលីស្ទិក ដែលមិនធ្លាក់ក្នុងដែនទឹកជប៉ុនឬតំបន់សមុទ្រដាច់មុខជប៉ុនឡើយ។
កូរ៉េខាងជើងជាប្រទេសកម្រមួយនៃពិភពលោកដែលមិនប្រកាស ពីមានអ្នកឆ្លងវីរុសក្នុងដែនដីខ្លួន ក៏ទោះបីកូរ៉េខាងត្បូងកំពុងជួបប្រទះការឆ្លងរាលដាលដ៏ខ្លាំងមួយក្ដី៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ