ខេត្តស្វាយរៀង ៖ ក្នុងចំណោមជនជាតិចិនទាំង១៧៤នាក់ មាន២នាក់ជាបុរស ម្នាក់អាយុ២៦ឆ្នាំ និងម្នាក់ទៀតអាយុ៣២ឆ្នាំមានអាការៈក្តៅខ្លួន ហើយត្រូវខាងមន្ទីរពេទ្យបង្អែកខេត្តស្វាយរៀង បានយកសំណាកទៅពិនិត្យនៅវិទ្យាស្ថានប៉ាស្ទ័រកម្ពុជា ដោយទទួលបានលទ្ធផលតេស្តអវិជ្ជមានវីរុសកូវីដ-១៩ ។ នេះបើយោងតាមលិខិតប្រកាសរបស់ក្រសួងសុខាភិបាល នៅថ្ងៃទី២៨ មីនា ។
បច្ចុប្បន្ន បុរសទាំង២នាក់ខាងលើ ត្រូវបានអនុញ្ញាតឱ្យចេញពីមន្ទីរពេទ្យខេត្តស្វាយរៀងនៅថ្ងៃនេះ ។
យោងតាមការប្រកាសរបស់ក្រសួងសុខាភិបាលឱ្យដឹងទៀតថា នៅខេត្តស្វាយរៀង ករណីជនជាតិចិនចំនួន១៧៤នាក់ គឺធ្វើដំណើរតាមជើងហោះហើរមួួយមកពីហ្វីលីពីន កាលពីថ្ងៃទី២៤ មីនា ២០២០ ដើម្បីវិលត្រឡប់ទៅប្រទេសចិនវិញ តាមជើងហោះហើរមួយទៀត ដែលត្រូវបន្តនៅថ្ងៃទី២៧ មីនា ២០២០ គឺពួកគាត់ត្រូវបានធ្វើដំណើរមកសម្រាកនៅសណ្ឋាគារមួយនៅបាវិត ខេត្តស្វាយរៀង ។
សូមរំលឹកថា៖ ឃុំចិន១៧៤នាក់រយៈ១៤ថ្ងៃ នៅក្នុងសណ្ឋាគារក្រុងបាវិត
ចែករំលែកព័តមាននេះ