មហន្តរាយខ្យល់កន្ត្រាក់វាយប្រហារ២ថ្ងៃជាប់​គ្នា


ខេត្តបាត់ដំបង ៖ ​យ៉ាងហោចណាស់ លំនៅឋាន​ប្រជាពលរដ្ឋប្រមាណជាង២០ខ្នង នៅក្នុងស្រុកចំនួន៣ បានរងការវាយប្រហារដោយខ្យល់កន្រ្តាក់នារដូវប្រាំង នៅក្នុងរយៈពេល២ថ្ងៃជាប់ៗគ្នាចុងក្រោយ នៃ​សប្ដាហ៍នេះ តែមិនមានសេចក្ដីរាយការណ៍អំពីមហន្តរាយផលដំណាំ ឬគ្រោះថ្នាក់ដល់មនុស្សទេ​ ។

នេះបើតាមរបាយការណ៍បឋមរបស់សមត្ថកិច្ច ដែលកោះសន្តិភាពទទួលបានជាបន្តបន្ទាប់នៅថ្ងៃទី២៦ មីនា ២០២០ ​។ យោងតាមសេចក្ដីរាយការណ៍បានឲ្យដឹងថា នៅស្រុកគាស់ក្រឡ ខ្យល់កន្រ្តាក់ ដែល​លាយ​ឡំ​ងភ្លៀងធ្លាក់ខ្លះៗផង បានវាយប្រហារ នៅវេលាម៉ោង៦ល្ងាចថ្ងៃទី២៤ ​មីនា ទៅលើភូមិគោករកា ឃុំដូន​បារ ដែលបណ្ដាលឲ្យរបើកដំបូលផ្ទះប្រជាពលរដ្ឋអស់ចំនួន០២ខ្នង ។

មន្រ្តីមូលដ្ឋានបាននិយាយថា ខ្យល់កន្រ្តាក់បានវាយប្រហារខ្លាំង តែក្នុងរយៈពេលខ្លី​ រីឯភ្លៀងក៏មិន​បង្អោរ​យូរដែរ។ ប៉ុន្តែគ្រោះធម្មជាតិនេះ គ្រាន់តែបំផ្លាញដំបូលផ្ទះ០២ខ្នង តែមិនបង្កគ្រោះថ្នាក់ដល់មនុស្ស ឬ ប៉ះ​ពាល់ផលដំណាំទេ ។ ដោយឡែក នៅឯស្រុកភ្នំព្រឹក ជាប់ព្រំដែនថៃ ឯណោះវិញ សមត្ថកិច្ចរាយការណ៍ថា ខ្យល់កន្រ្តាក់នារដូវប្រាំង ដែលបានកើតឡើងយ៉ាងគំហុកស្រឌៀងគ្នានិងស្រុកគាស់ក្រឡដែរ បានចាប់​ផ្ដើមឡើងនៅវេលាម៉ោង៦និង២០នាទីល្ងាចថ្ងៃទី២៥ មីនា ។ ខ្យល់កន្រ្តាក់ ដែលមានលាយ​ឡំនិងភ្លៀង​ដោយកន្លែងខ្លះៗផង បានវាយប្រហារយ៉ាងសាហាវគួឲ្យខ្លាច​ដែលប៉ះទង្កិចទៅលើលំនៅឋាន​របស់​ពល​រដ្ឋតែមួយភូមិប៉ុណ្ណោះ គឺភូមិបុស្សស្អំ ឃុំបួរ ។

សេចក្ដីរយការណ៍បានឲ្យដឹងថា គ្រោះធម្មជាតិនារដូវប្រាំងត្រឹមមួយប៉ព្រិចភ្នែកនេះ​បានបំផ្លាញ​លំនៅឋាន​ពលរដ្ឋអស់ចំនួន១៣ខ្នង ក្នុងនោះខូចខាតទាំងស្រុងចំនួន០២ខ្នង ក្រៅពីនេះរបើកដំបូល ។​ ស្រប​ពេល​ដែលព្យុះកំពុងវាយប្រហារលំនៅឋានពលរដ្ឋនៅក្នុងស្រុកភ្នំព្រឹក ជាប់ព្រំដែនប្រទេសថៃ ស្រាប់តែ​នៅ​ក្នុងស្រុកថ្មគោល ឯណេះវិញក៏ត្រូវបានមន្រ្តីផ្ដល់ព័ត៌មានបឋមមកដែរថា ខ្យល់កន្រ្តាក់បានវាយ​ប្រហារ​ទៅលើលំនៅឋានពលរដ្ឋ នៅក្នុងភូមិមួយចំនួន ក្នុងឃុំអន្លង់រុន បណ្ដាលឲ្យខូចខាត ផ្ទះសម្បែង​អស់យ៉ាង​តិចចំនួន០៩ខ្នង នៅវេលាម៉ោង៧និង២០នាទីយប់ថ្ងៃដដែលនេះ (២៥ ០៣ ២០)។ លំនៅឋាន​ដែលរង​ផលប៉ះពាល់ទាំង០៩ខ្នងនោះ ស្ទើរទាំងអស់​របើក​ដំបូល ។

ប្រជាពលរដ្ឋនៅឃុំអន្លង់រុន បានបញ្ជាក់ប្រាប់កោះសន្តិភាពតាមទូរស័ព្ទថា ភ្លៀងបានធ្លាក់ខ្លាំងដោយ​កន្លែង តែក្នុងរយៈពេលខ្លី ប៉ុន្តែអ្វីដែលបង្កឲ្យមានការភ័យខ្លាចបំផុត គឺផ្គររន្ទះ និង ខ្យល់កន្រ្តាក់។ នេះ​ជា​ការ​ចាប់ផ្ដើមដំបូង នៃគ្រោះធម្មជាតិនារដូវប្រាំង ឬ ដើមរដូវវស្សាក្នុងឆ្នាំនេះ ដែលគេមើលឃើញថា ហាក់បង្ហាញពីភាពសាហាវបំផុត តែមិនមានសេចក្ដីរាយការណ៍អំពីគ្រោះថ្នាក់មនុស្សឬខូចខាតផលដំណាំ​ទេ ។

ប៉ុន្តែយ៉ាងណាក្ដី ពាក់ព័ន្ធនឹងគ្រោះមហន្តរាយដោយខ្យល់កន្រ្តាក់ខាងលើនេះ បើតាមមន្រ្តីរដ្ឋបាលខេត្ត បានប្រាប់ថា អាជ្ញាធរខេត្ត បានណែនាំដល់មន្រ្តីនៅតាមបណ្ដាស្រុកនីមួយៗ ឲ្យចុះត្រូតពិនិត្យនិងវាយ​តំលៃជាក់ស្ដែងដល់ទីតាំងកើតហេតុនៅតាមបណ្ដាស្រុក ដែលរងគ្រោះ និងធ្វើរបាយការណ៏ជូនថ្នាក់ដឹកនាំ ដើម្បីរៀបចំស្នើរសុំជំនួយបឋមពីសាខាកាកបាតក្រហមខេត្ត ជួយដល់គ្រួសារជនរងគ្រោះ​ទាំងអស់នោះ​ហើយ៕

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

១០:៤៧ | ក្នុងស្រុក

មិត្ត​ហ្វូ​ន កំពុង​អនុវត្តន៍​រក្សា​គម្លាត​ឆ្ងាយ​ពី​​គ្នា​ដោយ​លើកទឹកចិត្ត​ឱ្យ​អតិថិជន​របស់​ខ្លួន​ប្រើប្រាស់​សេវាកម្ម​ឌី​ជី​ថ​ល ក្នុង​​ពេល​កំពុង​ផ្ទុះ​កូ​វី​ដ​១៩

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ