Roger Federer និងភរិយាឧបត្ថម្ភប្រាក់ដើម្បីប្រយុទ្ធប្រឆាំងវីរុសកូវីដ-១៩

ថ្ងៃទី ២៦ ខែ មីនា ឆ្នាំ ២០២០

ម៉ោង ០៩:៤៧

លោក Roger Federer និងភរិយាគឺនាង Mirka បានបរិច្ចាគថវិកាចំនួន១លានស្វីសហ្វ្រង់ (រូបិយប័ណ្ណស្វីស) សម្រាប់ក្រុមគ្រួសារដែលងាយរងគ្រោះបំផុតនៅក្នុងប្រទេសស្វីស ហើយបានអំពាវនាវឲ្យអ្នកដទៃទៀត ដើម្បីជួយគាំទ្រដល់យុទ្ធនាការប្រយុទ្ធប្រឆាំងនឹងវីរុស COVID-19 ។

ដោយសារតែវីរុសរាតត្បាតបានឆ្លងរាលដាលខ្លាំង ក្នុងនោះប្រទេសស្វីស បានដាក់បម្រាមលើព្រឹត្តិការណ៍ឯកជន និងសាធារណៈទាំងអស់ ហើយបានបិទអាជីវកម្មមិនសំខាន់ទាំងអស់យ៉ាងហោចណាស់ដល់ថ្ងៃទី ១៩ មេសា។

កីឡាករ Federer បានសរសេរនៅលើបណ្តាញសង្គម Instagram របស់ខ្លួនថា «ទាំងនេះគឺជាពេលវេលាដ៏លំបាកសម្រាប់មនុស្សគ្រប់គ្នា ហើយគ្មាននរណាម្នាក់ត្រូវបោះបង់ចោលឡើយ ។ ការចូលរួមចំណែករបស់យើងគ្រាន់តែជាការចាប់ផ្តើមប៉ុតែណ្ណោះ។ យើងសង្ឃឹមថាអ្នកផ្សេងទៀត អាចចូលរួមក្នុងការជួយដល់គ្រួសារដែលកំពុងខ្វះខាត។ យើងរួមគ្នាជំនះនូវវិបត្តិនេះ! សូមមានសុខភាពល្អទាំងអស់គ្នា!» ។

ម្ចាស់ជើងឯក Grand Slam ២០សម័យកាលរូបនេះ គឺជាកីឡាករចុងក្រោយបង្អស់ក្នុងវិស័យកីឡា Tennis ដើម្បីសន្យាប្រាក់ឧបត្ថម្ភដល់អ្នកដែលរងផលប៉ះពាល់ដោយវីរុសនេះ។

កាលពីសប្តាហ៍មុនកីឡាការិនី Simona Halep ដែលជាម្ចាស់ជើងឯក Wimbledon បានប្រកាសនៅលើហ្វេសប៊ុកថា នាងនឹងបរិច្ចាគប្រាក់ដើម្បីចំណាយសម្រាប់ឧបករណ៍វេជ្ជសាស្ត្រនៅក្នុងប្រទេសរ៉ូម៉ានី ដែលជាទឹកដីកំណើតរបស់នាង។

សូមបញ្ជាក់ថា ព្រឹត្តិការណ៍ប្រកួត Tennis អាជីពជាច្រើនបច្ចុប្បន្នត្រូវបានផ្អាករហូតដល់ថ្ងៃទី៧ ខែមិថុនា ដោយព្រឹត្តិការណ៍ធំ Wimbledon នឹងត្រូវធ្វើឡើងចាប់ពីថ្ងៃទី២៩ ខែមិថុនា រហូតដល់ថ្ងៃទី១២ ខែកក្កដា ៕ (ដកស្រង់ចេញពី BBC)

អត្រាប្តូរប្រាក់

អត្រាប្តូរប្រាក់ផ្សេងទៀត