រាជធានីភ្នំពេញ ៖ ប្រមុខដឹកនាំរាជរដ្ឋាភិបាលកម្ពុជា សម្តេចតេជោ ហ៊ុន សែននាយករដ្ឋមន្ត្រីកម្ពុជា បានប្រកាសថា សម្តេចអាចនឹងពិចារណាក្នុងការអនុវត្តតាមមាត្រា ២២ នៃរដ្ឋ ធម្មនុញ្ញ ដើម្បីស្នើព្រះមហាក្សត្រដាក់ប្រទេសក្នុងគ្រាមានអាសន្ន បើសិនការអំពាវនាវនានារបស់សម្តេចក្នុងការទប់ស្កាត់នូវការរីករាយដាលនៃវីរុសកូវីដ ១៩ មិនត្រូវបានអនុវត្តនោះ ។
សម្តេចបានថ្លែងបើដល់កម្រិតមួយហើយ ត្រូវដាក់ប្រទេសក្នុងគ្រាមានអាសន្នហើយ ដូច្នេះតែពេលប្រទេស ដាក់ក្នុងគ្រាអាសន្នហើយ សិទ្ធិស៊ីវិលត្រូវកាត់ផ្តាច់ហើយ។ នេះជាវិធានការតឹងរឹង ដើម្បីការពារ កុំឲ្យប្រជាជនកម្ពុជា ឆ្លងជំងឺកូវីដ ហើយអ្នកវិភាគនានាសូមកុំវិភាគថាសម្តេចបំពាន់សិទ្ធប្រជាជន ព្រោះវិធានការណ៍ដាក់ប្រទេសក្នុងគ្រាអាសន្នគឺកំពុងអនុវត្តនៅច្រើនប្រទេសណាស់ ដូចជានៅចិន និងនៅថៃ ជាដើម ៕
ចែករំលែកព័តមាននេះ