ក្រោយពាក្យចចាមអារ៉ាម ពេលនេះបែកធ្លាយកីឡាករឆ្នើមម្នាក់ជាមួយក្មួយស្រីអតីតប្រពន្ធ
កីឡាករ Givanildo Vieira de Sousa (Hulk) ខ្សែប្រយុទ្ធឆ្នើមរបស់ក្លិបចិន Shanghai SIPG បានរៀបការជាមួយក្មួយស្រីរបស់អតីតប្រពន្ធរបស់គេ…
កីឡាករ Givanildo Vieira de Sousa (Hulk) ខ្សែប្រយុទ្ធឆ្នើមរបស់ក្លិបចិន Shanghai SIPG បានរៀបការជាមួយក្មួយស្រីរបស់អតីតប្រពន្ធរបស់គេ ក្រោយមានទំនាក់ទំនងជាមួយគ្នាត្រឹមរយៈពេល៣ខែ ។
ខ្សែប្រយុទ្ធសញ្ជាតិប្រេស៊ីល បានលែងលះជាមួយប្រពន្ធរបស់ខ្លួនគឺនាង Iran Angelo ដែលមានវ័យ ៣៣ឆ្នាំ កាលពីខែកក្កដា បន្ទាប់ពីរួមរស់ជាមួយគ្នាអស់រយៈពេល១២ឆ្នាំ ហើយនៅក្នុងខែធ្នូមានពាក្យចចាមអារ៉ាមថា រូបគេកំពុងមានទំនាក់ទំនងជាមួយក្មួយស្រីរបស់អតីតប្រពន្ធខ្លួនគឺនាង Camila Angelo ដែលមានវ័យ៣១ឆ្នាំ។
យោងតាមកាសែតអាហ្សង់ទីន Infobae បានរាយការណ៍ថា អ្នកទាំងពីរបានរៀបការជាមួយគ្នាកាលពីសប្តាហ៍មុន ហើយបានអះអាងថាភរិយាថ្មីរបស់គេ ត្រៀមទទួលទិដ្ឋាការស្នាក់នៅក្នុងប្រទេសចិន ជាទីកន្លែងដែល Hulk ប្រកបអាជីពនៅទីនោះ។
ជាក់ស្តែងការបង្ហោះនៅលើបណ្តាញសង្គម Instagram របស់ Hulk បានបញ្ជាក់ថាអ្នកទាំងពីរពិតជាបានរៀបការជាមួយគ្នាមែន ដោយមានពាក់ចិញ្ចៀនផងដែរ ៕ (ដកស្រង់ចេញពី SPORTbible)
ចែករំលែកព័តមាននេះ