កម្លាំងអាវុធហត្ថ៣០នាក់ និងឡាន៤គ្រឿង ចេញទៅជួយជញ្ជូនពលករខ្មែរ

ថ្ងៃទី ២៤ ខែ មីនា ឆ្នាំ ២០២០

ម៉ោង ១៣:៤៩

ខេត្តបន្ទាយមានជ័យ ៖ ដោយមានការស្នើសុំពីអាជ្ញាធរខេត្តនោះ លោកឧត្តមសេនីយ៍ត្រីបោន ប៊ិន មេបញ្ជាការកងរាជអាវុធហត្ថខេត្ត បានចាត់តាំងកម្លាំងអាវុធហត្ថចំនួន៣០នាក់ និងរថយន្ត៤គ្រឿងជួយដឹកជញ្ជូនពលរដ្ឋដែលវិលត្រឡប់មកពីប្រទេសថៃ តាមច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ កាលពី
រសៀលថ្ងៃទី២៣ មីនា ឆ្នាំ២០២០ និងចូលរួមការពាររក្សាសន្តិសុខសណ្តាប់ធ្នាប់ផងដែរ ។ នេះបើយោងតាមផេកបញ្ជាការកងរាជអាវុធហត្ថខេត្តបន្ទាយមានជ័យ ។

(បន្ទាយមានជ័យ)៖ លោកនាយឧត្តមសេនីយ៍ សៅ សុខា អគ្គបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស បានដាក់ចេញនូវទិសស្លោក "ជួយគិត ជួយធ្វើ រួមគ្នាទទួលខុសត្រូវ"។ នៅរសៀលថ្ងៃចន្ទ ១៥រោច ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៣ ខែមីនា ឆ្នាំ២០២០ ដោយមានការស្នើសុំពីអាជ្ញាធរខេត្ត លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ បានចាត់តាំងកម្លាំងអាវុធហត្ថចំនួន៣០នាក់ រថយន្ត០៤គ្រឿង ជួយដឹកជញ្ជូនពលរដ្ដ្ឋដែលវិលត្រឡប់មកពីប្រទេសថៃ តាមច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ និងចូលរួមការពារ រក្សាសន្តិសុខសណ្តាប់ធ្នាប់ផងដែរ។
បានបង្ហោះដោយ បញ្ជាការដ្ឋានកងរាជអាវុធហត្ថខេត្តបន្ទាយមានជ័យ នៅ ច័ន្ទ 23 មីនា 2020

ទន្ទឹមនោះ លោកនាយឧត្តមសេនីយ៍ សៅ សុខា អគ្គបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេសក៏បានដាក់ចេញនូវទិសស្លោក«ជួយគិត ជួយធ្វើ រួមគ្នាទទួលខុសត្រូវ»។

សូមបញ្ជាក់ថា ពលករខ្មែរប្រហែល៥០០នាក់ ដែលវិលត្រឡប់ពីតាមខេត្តក្រុងនានានៃប្រទេសថៃ បានជាប់គាំងលើទឹកដីថៃជិតផ្សាររុងក្លឿ ស្រុកអារញ្ញ ខេត្តស្រះកែវ កាលពីល្ងាចថ្ងៃទី២២ មីនា ព្រោះមិនអាចឆ្លងដែនបាន ដោយសារចំថ្ងៃបិទច្រកព្រំដែនទៅហើយ ។ ក្រោយពីទទួលបានព័ត៌មាននេះ ពីភាគីថៃ អា
ជ្ញាធរនិងសមត្ថកិច្ចកម្ពុជាខេត្តបន្ទាយមានជ័យ ដែលមានលោកអភិបាលខេត្ត លោកប្រធានមន្ទីរសុខាភិបាលខេត្ត លោក គាត ហ៊ុល អភិបាលក្រុងប៉ោយប៉ែត និងមន្ត្រីសមត្ថកិច្ចប្រចាំច្រកទ្វារអន្តរជាតិប៉ោយប៉ែត នៅថ្ងៃទី២៣ ខែមីនា បានឆ្លងទៅទឹកដថៃដើម្បីសួរសុខទុក្ខ និងនាំយកនំប៉័ងទៅចែកជូនពលករខ្មែរទាំងនេះ ដើម្បីសម្រួលដល់ការទទួលទានបណ្តោះអាសន្ន។

ក្រៅពីការសួរសុខទុក្ខនិងចែកនំប៉័ង មន្ត្រីអាជ្ញាធរនិងសមត្ថកិច្ចកម្ពុជា ក៏បានណែនាំអប់រំដល់ពលករខ្មែរទាំងអស់ឲ្យមានការប្រុងប្រយ័ត្នការពារខ្លួនឯង ពោលគឺពេលវិលត្រឡប់ទៅលំនៅឋានវិញ ត្រូវរស់នៅដាច់ដោយឡែកពីសមាជិកគ្រួសាររយៈពេល១៤ថ្ងៃ ដើម្បីតាមដានសុខភាព ។ ក្រុមពលករខ្មែរទាំងនេះនិយាយថា ពួកគេវិលមកពីតាមខេត្តភាគខាងលើនៃប្រទេសថៃតាំងពីថ្ងៃទី២២ ខែមីនា តែហួសពេលព្រោះមកដល់ជិតព្រំដែនគឺវេលាទៀបភ្លឺទៅហើយ ។ តាមភាគីថៃប្រាប់ថា ពលករខ្មែរដែលជាប់គាំងទាំងនេះមានប្រហែល៤០០ទៅ៥០០នាក់ ហើយនៅម៉ោងជាង១២ថ្ងៃត្រង់ថ្ងៃ២៣ ខែមីនានឹងអនុញ្ញាតឲ្យចូលមកកម្ពុជាតាមច្រកទ្វារអន្តរជាតិប៉ោយប៉ែត ។

លោក គាត ហ៊ុល អភិបាលក្រុងប៉ោយប៉ែតប្រាប់ថា ពលករទាំងអស់ពេលចូលដល់កម្ពុជា នឹងឲ្យមន្ត្រីជំនាញចត្តាឡីស័កពិនិត្យកម្តៅតាមដានសុខភាពពួកគេផងដែរ ។ ចំណែកអាជ្ញាធរខេត្ត បានត្រៀមទីតាំងសម្រាប់អ្នកដែលមន្ត្រីជំនាញពិនិត្យឃើញកម្តៅខ្លួនខុសធម្មតា ដើម្បីរក្សាទុកតាមដានសុខភាព ។ ប៉ុន្តែតាមព័ត៌មានចុងក្រោយដែលកោះសន្តិ ភាពបានទទួល គឺពលករដែលជាប់គាំងលើដីថៃកាលពីថ្ងៃទី២២ ខែមីនានោះមានជាង៨០០នាក់មិនមែន៥០០នាក់ទេ ។ ពលករទាំងនេះក្រោយឆ្លងព្រំដែនពីដីថៃ អាជ្ញាធរខេត្តបានដឹកទៅដាក់នៅទីតាំង២ផ្សេងគ្នា ដែលមួយនៅមណ្ឌលសំចតរបស់ក្រសួងសង្គមកិច្ចនិងអតីតយុទ្ធជនក្នុងភូមិប្រជាធម្ម សង្កាត់ផ្សារកណ្តាលចំនួន៨១៨នាក់ និងមួយទៀតនៅចំណុចស្ថានីយរថភ្លើងក្នុង
ភូមិប៉ោយប៉ែត សង្កាត់ប៉ោយប៉ែតជាង៤០០នាក់។

ក្រោយពីមន្ត្រីនិងគ្រូពេទ្យតាមដានសុខភាព បានរកឃើញពលករជាង២០នាក់នៅទីតាំងទាំង២ខាងលើមានកម្តៅខ្លួនលើសពីធម្មតា និងត្រូវបាននាំយករក្សាទុកដើម្បីតាមដានសុខភាពបន្តទៀតនៅមន្ទីរពេទ្យបង្អែកក្រុងប៉ោយប៉ែត ។អាជ្ញាធរអះអាងថា បើតាមប្រសាសន៍ថ្នាក់ដឹកនាំ ត្រូវរក្សាទុកពលករទាំងអស់ដាច់ដោយឡែកដើម្បីតាមដានសុខភាពរយៈពេល១៤ថ្ងៃ ប៉ុន្តែក៏អាចមានករណីលើកលែងដែរ ក្រោយពីសាកសួរដឹងអត្តសញ្ញាណនិងទីលំនៅ គឺអាជ្ញាធរអាចនឹងអនុញ្ញាតឲ្យពលករដែលមិនជាប់សង្ស័យវិលទៅស្រុកវិញរៀងៗខ្លួន ព្រមទាំងបញ្ជូនឯកសារឲ្យអាជ្ញាធរតាមស្រុករបស់ពលករទាំងនោះតាមដានដានបន្ត ។

ពាក់ព័ន្ធនឹងចំនួនពលករដែលវិលត្រឡប់ពីថៃដូចហែកឋិនកាលពីថ្ងៃទី២២ ខែមីនានោះកោះសន្តិភាពមិនអាចរកការបំភ្លឺលំអិត ដើម្បីទទួលបានទិន្នន័យពិតប្រាកដនោះទេ ដោយលោក សេ មករា ប្រធានសេនាធិការប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិប៉ោយប៉ែត មិនធ្វើអត្ថាធិប្បាយ និងត្រឹមតែប្រាប់ថាលោកជាប់រវល់ ។

ទោះជាយ៉ាងណា បើតាមប្រភពព័ត៌មានខ្លះថា ពលករខ្មែរដែលឆ្លងដែនពីដីថៃចូលមកកម្ពុជានៅថ្ងៃទី២២ ខែមីនា មានជាង២មុឺននាក់ ក្នុងនោះស្ត្រីជាង១មុឺននាក់ ដែលអ្នកប្រើប្រាស់លិខិតឆ្លងដែនមានជាង៣ពាន់នាក់ និងអ្នកប្រើប្រាស់ Border Pass មានជាង៧ពាន់នាក់ ។គួរបញ្ជាក់ថា ទ្វារធំលើស្ពានព្រំដែនមិត្ត ភាពកម្ពុជា-ថៃ ប៉ោយប៉ែត-ខ្លងលឹក ភាគីកម្ពុជា-ថៃបានបើកមួយចំហៀងដើម្បីឲ្យរថយន្តដឹកទំនិញពីថៃឆ្លងទៅមកដូចការព្រមព្រៀង ប៉ុន្តែយានយន្តកម្ពុជាមិនមានឆ្លងចូលទៅដីថៃទេ ។ សមត្ថកិច្ចប្រាប់ថា រថយន្តថៃអាចឆ្លងមកដឹកត្រីដែលឈ្មួញថៃទិញពីឈ្មួញខ្មែរដល់ដីខ្មែរបាន ៕