បច្ចុប្បន្ននេះ ជំងឺ COVID-19 នៅប្រទេសចិន ហាក់កំពុងវិលត្រឡប់មករកភាពប្រក្រតីវិញ ប៉ុន្តែមានការផ្ទុះឡើងនៅតាមប្រទេសផ្សេងទៀតនៅលើពិភពលោក ពិសេសរីករាលដាលខ្លាំងទៅប្រទេសប៉ែកអឺរ៉ុប សម្រាប់ប្រទេសនៅក្នុងអាស៊ានវិញ ក៏កំពុងប្រឈមខ្លាំងជាមួយការឆ្លងវីរុសនេះដូចគ្នា លើកលែងតែ២ប្រទេសប៉ុណ្ណោះ…
បច្ចុប្បន្ននេះ ជំងឺ COVID-19 នៅប្រទេសចិន ហាក់កំពុងវិលត្រឡប់មករកភាពប្រក្រតីវិញ ប៉ុន្តែមានការផ្ទុះឡើងនៅតាមប្រទេសផ្សេងទៀតនៅលើពិភពលោក ពិសេសរីករាលដាលខ្លាំងទៅប្រទេសប៉ែកអឺរ៉ុប សម្រាប់ប្រទេសនៅក្នុងអាស៊ានវិញ ក៏កំពុងប្រឈមខ្លាំងជាមួយការឆ្លងវីរុសនេះដូចគ្នា លើកលែងតែ២ប្រទេសប៉ុណ្ណោះ មិនមានវត្តមានវីរុស COVID-19 នោះទេ ។
ក្នុងចំណោម១០ប្រទេសនៅអាស៊ាន ប្រទេសម៉ាឡេស៊ី មានអ្នកឆ្លងខ្ពស់លំដាប់ទី១ បន្ទាប់មកគឺ ប្រទេសថៃ លំដាប់ទី២ ។ បើរាប់ពីក្រោមមកវិញ ប្រទេសឡាវ និងប្រទេសភូមាវិញ គ្មានករណីឆ្លង COVID-19 សូម្បីតែម្នាក់ ។
ដោយឡែក អង្គការសុខភាពពិភពលោក WHO ក៏បានអំពាវនាវដល់បណ្តាប្រទេសក្នុងតំបន់អាស៊ាន ឲ្យមានសកម្មភាពកាន់តែខ្លាំងក្លាបំផុត ក្នុងការចូលរួមប្រយុទ្ធប្រឆាំងនឹងការរីករាលដាលនៃវីរុសកូវីដ១៩នេះ ។
គិតត្រឹមម៉ោង៤រសៀលថ្ងៃទី២៣ មីនា ២០២០នេះ បណ្តាប្រទេសអាស៊ីអាគ្នេយ៍ ដែលមានអ្នកឆ្លង COVID-19 ច្រើនជាងគេ នោះគឺ ៖
ទី១- ម៉ាឡេស៊ី Malaysia ៖ ឆ្លង ១.៣០៦ ករណី ស្លាប់១១នាក់
ទី២- ថៃ Thailand ៖ ឆ្លង ៧២១ ករណី ស្លាប់០១នាក់
ទី៣- ឥណ្ឌូណេស៊ី Indonesia ៖ ឆ្លង ៥៧៩ ករណី ស្លាប់៤៩នាក់
ទី៤- ហ្វីលីពីន Philippines ៖ ឆ្លង ៤៦២ ករណី ស្លាប់៣៣នាក់
ទី៥- សិង្ហបុរី Singapore ៖ ឆ្លង ៤៥៥ ករណី ស្លាប់២នាក់
ទី៦- វៀតណាម Vietnam ៖ ឆ្លង ១២១ ករណី មិនមានស្លាប់
ទី៧- ប្រ៊ុយណេ Brunei ៖ ឆ្លង ៨៨ មិនមានស្លាប់
ទី៨- កម្ពុជា Cambodia ៖ ឆ្លង ៨៦ ករណី មិនមានស្លាប់
ទី៩- មីយ៉ាន់ម៉ា Myanmar ៖ គ្មាន
និងទី១០- ឡាវ Lao ៖ គ្មាន ៕
ចែករំលែកព័តមាននេះ