រាជធានីភ្នំពេញ ៖ ចៅក្រមសាលាដំបូងរាជធានីភ្នំពេញ កាលពីថ្ងៃទី១៦ កញ្ញា បានសម្រេចប្រកាសសាលក្រមផ្តន្ទាទោសជនបរទេសប្រុសស្រី៣នាក់ និងស្ត្រីខ្មែរម្នាក់ ដាក់ពន្ធនាគារពី២២ឆ្នាំដល់មួយជីវិតពីបទដឹកជញ្ជូនថ្នាំញៀនកូកាអ៊ីនជាង២.៥ kg ។
រាជធានីភ្នំពេញ ៖ ចៅក្រមសាលាដំបូងរាជធានីភ្នំពេញ កាលពីថ្ងៃទី១៦ កញ្ញា បានសម្រេចប្រកាសសាលក្រមផ្តន្ទាទោសជនបរទេសប្រុសស្រី៣នាក់ និងស្ត្រីខ្មែរម្នាក់ ដាក់ពន្ធនាគារពី២២ឆ្នាំដល់មួយជីវិតពីបទដឹកជញ្ជូនថ្នាំញៀនកូកាអ៊ីនជាង២.៥គីឡូក្រាម ។
ជនសង្ស័យ១-ឈ្មោះ Macoy Mavill ភេទស្រី អាយុ៤២ឆ្នាំ ជនជាតិហ្វីលីពីន ដាក់ពន្ធនាគារអស់មួយជីវិត ២-ឈ្មោះម៉េង ស៊ីនួន ភេទស្រី ហៅចយ អាយុ៣០ឆ្នាំ ជនជាតិខ្មែរ ដាក់ពន្ធនាគារ២២ឆ្នាំ ៣-ឈ្មោះ Emmanual Thankgod ភេទប្រុស អាយុ៣១ឆ្នាំ ជនជាតិនីហ្សេរីយ៉ា ដាក់ពន្ធនាគារ២៧ឆ្នាំ និង៤-ឈ្មោះMichel Sunshine អាយុ៣១ឆ្នាំ ជនជាតិនីហ្សេរីយ៉ា ដាក់ពន្ធនាគារ៣០ឆ្នាំ និងពិន័យជាប្រាក់៤០លានរៀលម្នាក់ៗដាក់ចូលថវិការដ្ឋ។
គួររំលឹកថា កាលពីរសៀលថ្ងៃទី២ កញ្ញា សាលាដំបូងរាជធានីភ្នំពេញ បានបើកសវនាការជម្រះក្តីជនជាប់ចោទចំនួន៤នាក់ក្នុងនោះមានស្ត្រីខ្មែរម្នាក់ផង ដែលត្រូវបានចាប់ខ្លួននិងចោទប្រកាន់ពីបទ«ដឹកជញ្ជូននូវសារធាតុញៀនខុសច្បាប់» ជាង២,៥គីឡូក្រាមពីប្រទេសប្រេហ្សិលមកកម្ពុជា កាលពីខែកុម្ភៈ កន្លងទៅ។
ការជម្រះក្តីបានធ្វើឡើងដោយមានវត្តមានលោកហេង កេសរោ ចៅក្រមសាលាដំបូងរាជធានីភ្នំពេញ ចំពោះមុខជនជាប់ចោទ៤នាក់ និងមេធាវីការពារក្តីចំនួនពីរនាក់លោកមេធាវី សំ សុខគង់ និងលោកមេធាវី ផេង ហេង។ នៅក្នុងសវនាការលោកចៅក្រមបានថ្លែងថាឈ្មោះ Macoy Mavill ភេទស្រី អាយុ៤២ឆ្នាំ ជនជាតិហ្វីលីពីន ត្រូវបានកម្លាំងសមត្ថកិច្ចចាប់ខ្លួនកាលពីថ្ងៃទី១២ កុម្ភៈ ជាមួយនឹងវ៉ាលីសដែកមួយ បន្ទាប់ពីមានការសង្ស័យថា វ៉ាលីសនោះមានផ្ទុកថ្នាំញៀន។
ក្រោយពេលឆែកឆេរសមត្ថកិច្ចបានរកឃើញថ្នាំញៀនប្រភេទកូកាអ៊ីនទម្ងន់ជាង២,៥គីឡូក្រាមដែលនៅក្នុងវ៉ាលីសនោះ ដោយបង្កប់ក្នុងសម្ភារផ្សេងៗគ្នា ៕
ចែករំលែកព័តមាននេះ