មនុស្សជាច្រើនមិនទាន់បានគិតគូរនៅឡើយទេពីឥទ្ធិពលរបស់វីរុសកូវីដ-១៩ ទៅលើការរស់នៅប្រចាំថ្ងៃរបស់មនុស្ស ខណៈដែលប្រទេសកាន់តែច្រើនចាប់ផ្តើមធ្វើការបិទច្រកចេញចូល ដើម្បីការពារមិនឲ្យវីរុសខាងលើរាតត្បាតកាន់តែលឿនឡើង ។ កត្តាមួយដែលវីរុសថ្មីខាងលើអាចប៉ះពាល់លើ គឺការចាយវាយលុយរបស់មនុស្ស ជាពិសេសនៅពេលដែលអ្នកត្រូវធ្វើការនៅផ្ទះក្នុងកំឡុងពេលមួយរយៈថ្មីនេះសិន ។ ដូច្នេះ…
មនុស្សជាច្រើនមិនទាន់បានគិតគូរនៅឡើយទេពីឥទ្ធិពលរបស់វីរុសកូវីដ-១៩ ទៅលើការរស់នៅប្រចាំថ្ងៃរបស់មនុស្ស ខណៈដែលប្រទេសកាន់តែច្រើនចាប់ផ្តើមធ្វើការបិទច្រកចេញចូល ដើម្បីការពារមិនឲ្យវីរុសខាងលើរាតត្បាតកាន់តែលឿនឡើង ។
កត្តាមួយដែលវីរុសថ្មីខាងលើអាចប៉ះពាល់លើ គឺការចាយវាយលុយរបស់មនុស្ស ជាពិសេសនៅពេលដែលអ្នកត្រូវធ្វើការនៅផ្ទះក្នុងកំឡុងពេលមួយរយៈថ្មីនេះសិន ។ ដូច្នេះ តើមានកត្តាអ្វីដែលជួយកាត់បន្ថយភាពស្មុគស្មាញ ខណៈដែលមានការរាតត្បាតនៃជំងឺខាងលើនេះ?
១-ប្រើកម្មវិធីចាយលុយលើទូរស័ព្ទ
ក្រដាសលុយប្រៀបបានជារបស់មួយដែលផ្ទុកមេរោគច្រើនជាងគេដែលអ្នកតែងតែប៉ះជារៀងរាល់ថ្ងៃ និងថែមទាំងអាចបង្កើនភាគរយនៃការឆ្លងវីរុសខាងលើផងដែរ ។ ដូច្នេះ កម្មវិធីចាយវាយលើទូរស័ព្ទដៃជាច្រើនអាចជួយកាត់បន្ថយភាគរយនេះបាន និងការពារអ្នកពីវីរុសកូវីដ-១៩ ។
២-ប្រើកម្មវិធីកម្ម៉ង់ទំនិញតាមទូរស័ព្ទ
ជាក់ស្តែង អាជីវកម្មសំខាន់ៗដូចជាហាងលក់ទំនិញ និងឱសថស្ថាននឹងបន្តបើកដំណើរការដើម្បីផ្គត់ផ្គង់សម្ភារៈដល់ប្រជាជន ប៉ុន្តែបើអ្នកមិនចង់ចេញក្រៅផ្ទះ និងប្រឈមមុខនឹងមនុស្សដទៃទេនោះ អ្នកអាចប្រើកម្មវិធីទិញទំនិញតាមទូរស័ព្ទដៃជាច្រើនដែលអាចទិញម្ហូបអាហារ និងទំនិញប្រើប្រាស់ប្រចាំថ្ងៃ ព្រមទាំងដឹកជញ្ជូនដល់ផ្ទះអ្នកថែមទៀត ។
៣-វិនិយោគលើខ្លួនឯង
ពេលដែលអ្នកមានសមត្ថភាពផ្នែកហិរញ្ញវត្ថុគ្រប់គ្រាន់ វាមិនពិបាកទេក្នុងការរកអ្នកលក់ ឬអ្នកផ្តល់សេវាកម្មផ្សេងៗក្នុងការជួយដោះស្រាយបញ្ហារបស់អ្នកបាន ប៉ុន្តែក្នុងករណីដែលអ្នកចង់ទុកលុយសន្សំ
និងអ្នកមានពេលទំនេរច្រើននៅផ្ទះ អ្នកអាចរៀនធ្វើសម្ភារៈសំខាន់ៗដូចជាទឹកលាងដៃដោយខ្លួនឯងបានដោយងាយ ៕
ចែករំលែកព័តមាននេះ