ប្រធានាធិបតីអាមេរិក, ប្រធានាធិបតីហ្វីលីពីន និងប្រធានាធិបតីប្រេស៊ីលបានធ្វើតេស្តស្វែងរកមេរោគកូវីដ១៩ បន្ទាប់ពីពួកគេបាននៅជិតមនុស្សដែលមានឆ្លងមេរោគកូវីដ១៩។
ប៉ុន្តែសំណាងល្អ តេស្តបានបង្ហាញថា លោកត្រាំ ប្រធានាធិបតីអាមេរិក, លោកឌូទែតេ ប្រធានាធិបតីហ្វីលីពីន និងលោកហ្សែ បុលសូណារ៉ូ ប្រធានាធិបតីប្រេស៊ីល ត្រូវបានរកឃើញថាមិនមានឆ្លងមេរោគកូវីដ ១៩នេះទេ។
លោកត្រាំ បានប្រកាសពីការធ្វើតេសនេះកាលពីថ្ងៃសៅរ៍ នៅពេលដែលលោកប្រកាសដាក់ប្រទេសអាមេរិកអោយស្ថិតនៅក្នុងស្ថានភាពអាសន្ន។ នៅថ្ងៃនេះ គ្រូពេទ្យសេតវិមាននិយាយថាលោកមិនមានផ្ទុកមេរោគនេះទេ។
ចំណែកលោកឌូទែតេ ប្រធានាធិបតីហ្វីលីពីននិងមន្ត្រីរបស់គាត់បានធ្វើតេស្តកាលពីថ្ងៃសុក្រ បន្ទាប់ពីបាននៅជិតមនុស្សម្នាក់ដែលផ្ទុកមេរោគនេះ។
រីឯលោកប្រធានាធិបតីប្រេស៊ីលបានធ្វើតេស្តរកមេរោគកូវីដ១៩ដោយសារតែលេខាផ្នែកទំនាក់ទំនងរបស់គាត់បានឆ្លងមេរោគនេះ៕ (កែសម្រួលដោយ ៖ ធីតា)
ចែករំលែកព័តមាននេះ