បើក​លឿន​ត្រង់​ចំណុច​ផ្លូវ​កោង ក្រឡាប់​ខ្លួនឯង


ខេត្ត​ប៉ៃលិន ៖ បុរស​ជា​ជាង​ជួសជុល​រថយន្ត​ម្នាក់​បាន​បើកបរ​រថយន្ត​មួយ​គ្រឿង​មាន​ដឹក​មនុស្ស​ពេញ​ក្នុង​ល្បឿន​លឿន លុះ​មក​ដល់​ចំណុច​ផ្លូវ​កោង​មិន​បន្ថយល្បឿន ក៏​ជ្រុល​ចង្កូត​ធ្លាក់​ចូល​ប្រឡាយ​អត់​ទឹក ក្រឡាប់​ជា​ច្រើន​ត្រឡប់ បណ្ដាល​ឱ្យ​ខូចខាត​រថយន្ដ​យ៉ាងដំណំ ចំណែក​មនុស្ស​រង​របួសស្រាល​៣​នាក់ និង​របួសធ្ងន់​២​នាក់ ។

ហេតុការណ៍​ខាងលើ​នេះ​បាន​កើតឡើង​កាលពី​វេលា​មោង​៦​ព្រឹក​ថ្ងៃ​ទី​១១ ខែមីនា ឆ្នាំ​២០២០ នៅ​ត្រង់​ចំណុច​ក្បែរ​វត្ដ​ភ្នំ​ដំបង ស្ថិត​ក្នុងភូមិ​ភ្នំ​ដំបង សង្កាត់​អូរ​តា​វ៉ៅ ក្រុងប៉ៃលិន ខេត្ដ​ប៉ៃលិន ។

រថយន្ត​មួយ​គ្រឿង​ខាងលើ​ម៉ាក​កាម​រី​គូទ​ហើម ពណ៌​ស្លែ ពាក់​ស្លាក​លេខ ២A-០៩៦២ បើកបរ​ដោយ​ឈ្មោះ សា​មឿ​ន សា​នេ ភេទ​ប្រុស អាយុ​២៩​ឆ្នាំ មុខរបរ​ជាង​ជួសជុល​រថយន្ត ទីលំនៅ​បច្ចុប្បន្ន​ភូមិ​កន្សៃ​បន្ទាយ ឃុំ​មោង ស្រុក​មោងឫស្សី ខេត្តបាត់ដំបង រង​របួសស្រាល​។

ចំណែក​អ្នក​រួម​ដំណើរ​ទាំង​៤​នាក់ ក្នុង​នោះ​១-​ឈ្មោះ វណ្ណ សែ ភេទ​ប្រុស អាយុ​៣៦​ឆ្នាំ មុខរបរ​កសិករ ទីលំនៅ​បច្ចុប្បន្ន​ភូមិ​អូរ​ប្រើស សង្កាត់​អូរ​តា​វ៉ៅ ក្រុងប៉ៃលិន ខេត្ត​ប៉ៃលិន រង​របួសធ្ងន់ ២-​ឈ្មោះ ស៊ុន គឹ​ម​សៀន ភេទ​ប្រុស អាយុ​១៧​ឆ្នាំ មុខរបរ​កសិករ ទីលំនៅ​បច្ចុប្បន្ន​ភូមិ​អូរ​ប្រើស សង្កាត់​អូរ​តា​វ៉ៅ ក្រុងប៉ៃលិន ខេត្ត​ប៉ៃលិន រង​របួសស្រាល ៣-​ឈ្មោះ សែ រម​នា ភេទ​ស្រី អាយុ​៣​ឆ្នាំ ទីលំនៅ​បច្ចុប្បន្ន​ភូមិ​អូរ​ប្រើស សង្កាត់​អូរ​តា​វ៉ៅ ក្រុងប៉ៃលិន ខេត្ត​ប៉ៃលិន រង​របួសធ្ងន់ និង​៤-​ឈ្មោះ ហុង គឹ​ម​ហួ​ន ភេទ​ប្រុស អាយុ​២២​ឆ្នាំ មុខរបរ កសិករ ទីលំនៅ​បច្ចុប្បន្ន​ខេត្ដបន្ទាយមានជ័យ រង​របួសស្រាល​។ ជន​រង​គ្រោះ​ដែល​រង​របួសធ្ងន់​ស្រាល​ត្រូវ​បាន​គេ​បញ្ជូន​ទៅ​សង្គ្រោះ​នៅ​មន្ទីរពេទ្យ​ខេត្តបាត់ដំបង ។

ក្រោយ​ពេល​កើតហេតុ ជំនាញ​ផ្នែក​សណ្ដាប់ធ្នាប់​ចរាចរណ៍​ក្រុងប៉ៃលិន​កំពុង​សាកសួរ​អ្នកបើកបរ និង​ត្រួតពិនិត្យ​ប័ណ្ណបើកបរ និង​ឯកសារ​ពាក់ព័ន្ធ​រថយន្ដ ដោយ​សង្ស័យ​ថា​អត់​ប័ណ្ណបើកបរ ៕ (​កែសម្រួល​ដោយ ៖ ធីតា​)

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ