ខេត្តបាត់ដំបង ៖ ពិធីបុណ្យទន្លេលើកទី៦ លោក ថោង ខុន រដ្ឋមន្ត្រីក្រសួងទេសចរណ៍បានលើកទឹកចិត្តឱ្យប្រជាពលរដ្ឋជាអាជីវករចូលរួមលក់ដូរទំនិញចំណីអាហារ ផលិតផលសិប្បកម្មក្នុងខេត្ត ឱ្យបានច្រើន ដែលប្រការនេះ…
ខេត្តបាត់ដំបង ៖ ពិធីបុណ្យទន្លេលើកទី៦ លោក ថោង ខុន រដ្ឋមន្ត្រីក្រសួងទេសចរណ៍បានលើកទឹកចិត្ត
ឱ្យប្រជាពលរដ្ឋជាអាជីវករចូលរួមលក់ដូរទំនិញចំណីអាហារ ផលិតផលសិប្បកម្មក្នុងខេត្ត ឱ្យបានច្រើន ដែលប្រការនេះ អាជ្ញាធរមិនត្រូវមានការហាមឃាត់ចំពោះពួកគាត់នោះឡើយ ប៉ុន្តែក៏ត្រូវរៀចំឱ្យមានសណ្ដាប់ធ្លាប់ល្អក្នុងការលក់ដូររបស់ពួកគាត់ផងដែរ ។ លោកថែ្លងបែបនេះ នៅក្នុងកិច្ចប្រជុំត្រួតពិនិត្យការងារត្រៀមរៀបចំពិធីបុណ្យទន្លេលើកទី៦ នៅសាលាខេត្តបាត់ដំបង កាលពីរសៀលថ្ងៃទី១២ ខែមីនា ឆ្នាំ២០២០។
លោករដ្ឋមន្ត្រីក៏បានដាក់ទិសដៅគ្រប់មុខ ដែលត្រូវចូលរួមក្នុងការរៀបចំពិធីបុណ្យទន្លេនេះ ដើម្បីធ្វើ
យ៉ាងណាឱ្យព្រឹត្តិការណ៍ទេសចរណ៍នេះ ប្រព្រឹត្តទៅដោយរលូន ក្នុងនោះ មានការងារត្រៀមព្រឹត្តិការណ៍កីឡា ការសម្ដែងសិល្បៈ ការតាំងពិព័រណ៍ ការពង្រឹងផ្នែកសន្តិសុខ សណ្ដាប់ធ្លាប់សាធារណៈ និងសុវត្ថិ
ភាពសម្រាប់ការអញ្ជើញចូលរួមរបស់សម្ដេចតេជោ ហ៊ុន សែន សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ថ្នាក់ដឹកនាំ និងគណៈប្រតិភូនានា ។
លោករដ្ឋមន្ត្រីបានបញ្ជាក់ទៅកាន់ក្រុមការងាររៀបចំថា មិនត្រូវហាមឃាត់ប្រជាពលរដ្ឋដែលមកលក់ដូរទំនិញចំណីចំណុក ម្ហូបអាហារ ផលិតផលសិប្បកម្ម ដែលធ្វើបានក្នុងខេត្តនោះឡើយ ប៉ុន្តែក៏ត្រូវរៀបចំការលក់ដូររបស់ពួកគាត់ឱ្យមានសណ្ដាប់ធ្នាប់ត្រឹមត្រូវផងដែរ ។ លោកបានបន្តថា ការរៀបចំពិធីបុណ្យទន្លេ ឬពិធីបុណ្យសមុទ្រ គឺមិនត្រឹមតែចង់ឱ្យប្រជាពលរដ្ឋ និងភ្ញៀវទេសចរចូលរួមទស្សនាកម្សាន្តប៉ុណ្ណោះទេ តែក៏ចង់ឱ្យប្រជាពលរដ្ឋក្នុងខេត្តចូលរួមលក់ដូរផលិតផលរបស់ខ្លួនជាអាទិភាពផងដែរ។
ជាក់ស្តែង នៅរសៀលថ្ងៃទី១២ មីនា ឆ្នាំ២០២០ លោក ថោង ខុន រដ្ឋមន្ត្រីក្រសួងទេសចរណ៍ និងលោក ងួន រតនៈ អភិបាលនៃគណៈអភិបាលខេត្តបាត់ដំបង បានរៀបចំពិធីក្រុងពាលីសុំព្រះម៉ែគង្គារ ធរណី ម្ចាស់ទឹកម្ចាស់ដី ដើម្បីប្រារព្ធពិធីបុណ្យទន្លេ ដែលខេត្តបាត់ដំបងធ្វើជាម្ចាស់ផ្ទះ ឲ្យប្រព្រឹត្តទៅដោយរលូន និងទទួលបានជោគជ័យ លុះព្រឹកឡើងពិធីបុណ្យទន្លេលើកទី៦ នៅខេត្តបាត់ដំបង នឹងប្រារព្ធធ្វើឡើងចាប់ពីថ្ងៃទី១៣-១៥ ខែមីនា ឆ្នាំ២០២០ ក្រោមប្រធានបទ «ទន្លេនៃសន្តិ ទន្លេនៃវិបុលភាព» បានបើកកម្មវិធីជិះកង់កម្សាន្ត ២០គម អបអរសាទរថ្ងៃទីមួយ នៃពិធីដោយចាប់ចេញដំណើរពីមុខសាលាខេត្តបាត់ដំបង ឆ្ពោះទៅបញ្ចប់នៅរមណីយដ្ឋានភ្នំបាណន់ ។
ពិធីខាងលើ ស្ថិតក្រោមអធិបតីភាពលោក ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្ធិការជាតិអូឡពិកកម្ពជា រួមជាមួយលោក ងួន រតនៈ អភិបាលខេត្តបាត់ដំបង ជាអធិបតីក្នុងពិធីជិះកង់កម្សាន្តនេះ មានកីឡាករ កីឡាការិនី ចូលរួមប្រមាណ ៦០នាក់ ដោយពួកគាត់មានទឹកចិត្ត កម្លាំងចិត្ត និង
ក្តីសប្បាយរីករាយក្នុងការចូលរួមការជិះកង់នេះផង និងួសកសនាកម្សាន្តបុណ្យទន្លេ ០៣ថ្ងៃនេះផង។
លោក ងួន រតនៈ អភិបាលខេត្តបាត់ដំបង បានឱ្យដឹងថា ការរៀបចំតុបតែងលំអរ និងបានត្រៀមលក្ខណៈសម្បត្តិនានារួចហើយ ដើម្បីស្វាគមន៍ពិធិបុណ្យទន្លេនេះ ដោយបានបង្ហាញការរំពឹងថា ពិធិបុណ្យទន្លេនឹងបង្កើនសក្តានុពលបន្ថែមទៀត សម្រាប់វិស័យទេសចរណ៍ក្នុងខេត្តបាត់ដំបង ដែលជាខេត្តចំណាស់មួយ និងជាជង្រុកវប្បធម៌ដ៏យូរលង់ផងដែរនោះ ហើយសូមអំពាវនាវដល់ប្រជាពលរដ្ឋទីជិតឆ្ងាយចូលរួមលេងកម្សាន្តពិធីបុណ្យនៅចុងសប្តាហ៍នេះឱ្យបានកុះករ។
ក្នុងឱកាសនេះ លោកអភិបាលខេត្ត ក៏បានអះអាងផងដែរថា តម្លៃម្ហូបអាហារ និងតម្លៃបន្ទប់សណ្ឋាគារ
និងផ្ទះសំណាក់រក្សាក្នុងតម្លៃសមរម្យមិនមានការដំឡើងឱ្យថ្លៃហួសហេតុនោះឡើយ និងមានការប្រគំតន្ត្រី ព្រឹត្តិការណ៍កីឡា ស្តង់អាហារ និងស្តង់លក់ផលិតផលផ្សេងៗសរុបជាង៤០០ស្តង់។ ពិធីបុណ្យទន្លេឆ្នាំនេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នឹងអញ្ជើញចូលរួមនៅថ្ងៃទី១៤ដល់១៥ ខែមិនាឆ្នាំ២០២០នេះផងដែរ។
ចែករំលែកព័តមាននេះ