បញ្ហាថ្នក់ខ្មៅក្រោមភ្នែកជាបញ្ហាសម្រស់ទូទៅបំផុតមួយដែលនារីភាគច្រើនតែងជួបប្រទះ។ ស្នាមដក់ខ្មៅក្រោមភ្នែកអាចបណ្ដាលមកពីមូលហេតុផ្សេងៗជាច្រើនរួមបញ្ចូលទាំង ការគេងមិនគ្រប់ ភាពហត់នឿយ ការទទួលទានកាហ្វេអ៊ីន ភាពតានតឹងក្នុងអារម្មណ៍ឬស្ត្រេស និងបញ្ហាផ្លូវដង្ហើម។ ទោះជាយ៉ាងណាបញ្ហានេះមិនពិបាកនឹងដោះស្រាយឡើយ ខាងក្រោមវេបសាយសុខភាព Health.com.kh…
បញ្ហាថ្នក់ខ្មៅក្រោមភ្នែកជាបញ្ហាសម្រស់ទូទៅបំផុតមួយដែលនារីភាគច្រើនតែងជួបប្រទះ។ ស្នាមដក់ខ្មៅក្រោមភ្នែកអាចបណ្ដាលមកពីមូលហេតុផ្សេងៗជាច្រើនរួមបញ្ចូលទាំង ការគេងមិនគ្រប់ ភាពហត់នឿយ ការទទួលទានកាហ្វេអ៊ីន ភាពតានតឹងក្នុងអារម្មណ៍ឬស្ត្រេស និងបញ្ហាផ្លូវដង្ហើម។
ទោះជាយ៉ាងណាបញ្ហានេះមិនពិបាកនឹងដោះស្រាយឡើយ ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗដោះស្រាយបញ្ហាស្នាមដក់ខ្មៅក្រោមភ្នែកយ៉ាងឆាប់រហ័ស ៖
១. ដាក់កន្សែងសើមត្រជាក់ក្នុងទូរទឹកកកមួយយប់។ នៅពេលអ្នកក្រោកឡើងនៅពេលព្រឹក ចូរស្អំភ្នែកនឹងកន្សែងត្រជាក់សម្រាប់រយៈពេល ៥ នាទី ឬច្រើនជាងនេះ។ វិធីនេះអាចជួយកាត់បន្ថយការហើមក្នុងភ្នែកគួរឱ្យកត់សម្គាល់។
២. ការដាក់កញ្ចប់តែតូចៗស្អំលើភ្នែកក៏មានប្រសិទ្ធភាពខ្ពស់បំផុតដើម្បីបំបាត់ស្នាមដក់ខ្មៅក្រោមផងដែរ។ អ្វីដែលអ្នកត្រូវធ្វើ គឺគ្រាន់តែប្រើប្រាស់កញ្ចប់តែតូចៗដែលឆុងហើយដាក់ក្នុងទូរទឹកកកសម្រាប់រយៈពេលកន្លះម៉ោង ឬច្រើនជាងនេះ។ បន្ទាប់មកយកកញ្ចប់តែមកស្អំលើភ្នែកសម្រាប់រយៈពេល ២០ នាទី
សឹមយកចេញហើយលាងសម្អាតមុខរបស់អ្នកជាការស្រេច។
៣. អ្នកក៏អាចប្រើប្រាស់បន្ទះត្រសក់ត្រជាក់ៗបំបាត់បញ្ហាស្នាមដក់ខ្មៅក្រោមភ្នែកនិងរក្សាសំណើមស្បែកផងដែរ។
៤. ការម៉ាស្សាក្រោមរង្វង់ភ្នែកជាមួយជែលប្រទាលកន្ទុយក្រពើនឹងបន្ថយស្នាមខ្មៅក្រោមភ្នែក ព្រមទាំងបំបាត់ហើមនិងស្នាមជ្រីវជ្រួញទៀតផង។
៥. វិធីដ៏ងាយស្រួលបំផុតមួយទៀតដើម្បីបំបាត់ស្នាមថ្នក់ខ្មៅក្រោមភ្នែកនោះ គឺការគេងឱ្យបានគ្រប់គ្រាន់ចន្លោះពី ៧ ទៅ ៨ ម៉ោងក្នុងមួយយប់។
៦. ការលាបម៉ាស្សាប្រេងដូងក្រោមភ្នែករាល់យប់និងទុកចោលសម្រាប់រយៈពេល ៣០ នាទីសឹមលាងសម្អាតចេញជាមួយទឹកក្ដៅឧណ្ហៗក៏អាចកម្ចាត់ស្នាមរង្វង់ខ្មៅនិងថ្នក់ក្រោមភ្នែកបានផងដែរ។
៧. កម្រិត ឬបញ្ឈប់ការជក់បារីនិងទទួលទានគ្រឿងស្រវឹង។ ក្រៅពីការជក់បារីហើយនោះ ការទទួលទានជាតិកាហ្វេអ៊ីននិងគ្រឿងស្រវឹងក៏បង្កបញ្ហាស្នាមដក់ខ្មៅក្រោមភ្នែកផងដែរ។ ដូច្នេះដើម្បីជាការប្រសើរ ចូរកាត់បន្ថយការទទួលទានអាហារភេសជ្ជៈដែលមានផ្ទុកជាតិកាហ្វេអ៊ីននិងជាតិអាល់កុល។
៨. ទទួលទានទឹកឱ្យបានច្រើនគ្រប់គ្រាន់។ ការរក្សាសំណើម ឬជាតិទឹកគ្រប់គ្រាន់ក្នុងរាងកាយ គឺចាំបាច់ណាស់ដើម្បីទប់ស្កាត់បញ្ហាស្នាមខ្មៅក្រោមភ្នែក ថ្នក់ក្រោមភ្នែក និងស្នាមជ្រីវជ្រួញ (ប្រភពពី៖ Health.com.kh)៕ (កែសម្រួលដោយ ៖ បុប្ផា)
ចែករំលែកព័តមាននេះ