បុគ្គលជាច្រើនរូបផ្តោតស្មារតី និងកម្លាំងរបស់ពួកគេក្នុងការរៀនព្រមទាំងពង្រឹងជំនាញរឹងរបស់ខ្លូនដើម្បីដើរបានកាន់តែឆ្ងាយក្នុងការងារ ។ ជាក់ស្តែង ជំនាញរឹងពិតជាសំខាន់ណាស់ ប៉ុន្តែក្រុមហ៊ុនកាន់តែច្រើនក្នុងពេលបច្ចុប្បន្ននេះក៏កំពុងតែរកមនុស្សដែលមានជំនាញទន់ដែរ ។ ក្នុងក្រុមហ៊ុនធំៗដូចជា Google ជាដើមឲ្យតម្លៃយ៉ាងខ្លាំងទៅលើជំនាញទន់ដូចជាជំនាញណែនាំអ្នកដទៃ…
បុគ្គលជាច្រើនរូបផ្តោតស្មារតី និងកម្លាំងរបស់ពួកគេក្នុងការរៀនព្រមទាំងពង្រឹងជំនាញរឹងរបស់ខ្លូនដើម្បីដើរបានកាន់តែឆ្ងាយក្នុងការងារ ។ ជាក់ស្តែង ជំនាញរឹងពិតជាសំខាន់ណាស់ ប៉ុន្តែក្រុមហ៊ុនកាន់តែច្រើនក្នុងពេលបច្ចុប្បន្ននេះក៏កំពុងតែរកមនុស្សដែលមានជំនាញទន់ដែរ ។
ក្នុងក្រុមហ៊ុនធំៗដូចជា Google ជាដើមឲ្យតម្លៃយ៉ាងខ្លាំងទៅលើជំនាញទន់ដូចជាជំនាញណែនាំអ្នកដទៃ ទំនាក់ទំនង និងជំនាញស្តាប់ជាដើម ។ ដូច្នេះប្រសិនបើអ្នកចង់ជោគជ័យក្នុងការងារ អ្នកគួរតែចាប់ផ្តើមរៀន ឬពង្រឹងជំនាញទន់ដូចខាងក្រោមនេះ៖
១. ភាពច្នៃប្រឌិត
ភាពច្នៃប្រឌិតស្ថិតក្នុងចំណោមជំនាញទន់ដែលក្រុមហ៊ុនកំពុងតែរក ហើយវាមិនត្រឹមតែសំខាន់សម្រាប់មនុស្សដែលធ្វើការផ្នែកច្នៃម៉ូដ ឬផ្នែកផ្សព្វផ្សាយទេ ។ ភាពច្នៃប្រឌិតពិតជាមានលក្ខណៈសំខាន់ក្នុងស្ទើរតែគ្រប់ផ្នែកក្នុងក្រុមហ៊ុនដូចជាធនធានមនុស្ស និងផ្នែកសេវាកម្មអតិថិជនជាដើម ព្រោះអ្នកដែលមានគំនិតច្នៃប្រឌិតជាមនុស្សដែលមានគំនិតថ្មីៗ និងដំណោះស្រាយថ្មីៗដែលអាចជួយដល់ស្ថាប័នកាងារបាន ។
២. ភាពឆ្លាតវៃក្នុងសង្គម
គ្រាន់តែឆ្លាតវៃក្នុងថ្នាក់ និងមានពិន្ទុខ្ពស់ គឺមិនគ្រប់គ្រាន់ក្នុងការធ្វើឲ្យអ្នកឈានមុខអ្នកដទៃនៅកន្លែងការងារឡើយ ។ ភាពឆ្លាតវៃក្នុងសង្គមក៏មានសារៈសំខាន់ដែរ ហើយវាទាក់ទងទៅនឹងសមត្ថភាពក្នុងការចុះសម្រុងជាមួយអ្នកដទៃ កសាងទំនាក់ទំនងល្អៗ និងឆ្លងកាត់ឧបសគ្គផ្សេងៗក្នុងសង្គមជាដើម ។
៣. ចំណេះដឹងផ្នែកឌីជីថល
អ្នកប្រហែលជាគិតថាគ្រាន់តែចេះប្រើ Microsoft Office គឺគ្រប់គ្រាន់ក្នុងការធ្វើឲ្យអ្នកជោគជ័យក្នុងការងារហើយ តែគំនិតនេះគឺខុសទាំងស្រុង ។ បច្ចុប្បន្ននេះ បច្ចេកវិទ្យាបានគ្រប់គ្រងកន្លែងការងារស្ទើរតែគ្រប់ទីកន្លែង ហើយបច្ចេកវិទ្យាថ្មីៗត្រូវបានបង្កើតឡើងស្ទើរតែគ្រប់នាទីថែមទៀត ។
ដោយហេតុដូចនេះទើបមនុស្សត្រូវការចំណេះដឹងផ្នែកឌីជីថលដែលរួមមានការប្រើប្រាស់បច្ចេកវិទ្យាព័ត៌មាននិងទំនាក់ទំនងដើម្បីរក វិភាគ និងបង្កើតព័ត៌មាន និងជំនាញបច្ចេកទេសផ្សេងៗជាដើម ៕ កែសម្រួលដោយ ៖ សុឃាក់
ចែករំលែកព័តមាននេះ