ជារៀងរាល់ឆ្នាំ ប្រជាពលរដ្ឋយើងគ្រប់រូបក្នុងទូទាំងប្រទេស រួមទាំងបងប្អូនប្រជាពលរដ្ឋកម្ពុជាដែលរស់នៅប្រទេសក្រៅផង តែងតែប្រារព្ធពិធីបុណ្យចូលឆ្នាំថ្មី ជាប្រពៃណីជាតិរបស់ខ្លួន ក្នុងមនោសញ្ចេតនាសប្បាយរីករាយប្រកបដោយសាមគ្គីភាព និងកតញ្ញូតាធម៌ដ៏ជ្រាលជ្រៅក្រៃលែង។ ឆ្នាំនេះពិធីបុណ្យចូលឆ្នាំថ្មី ឆ្នាំថោះ ត្រីស័ក ព.ស២៥៥៥ ឆ្នាំ២០១១ តាមដំណើរសង្ក្រាន្តបញ្ជាក់ថា មានទេពធីតាមួយព្រះអង្គជាមគ្គនាយិកាព្រះនាម កិរិណីទេវី ជាបុត្រីទី៥ នៃកបិលមហាព្រហ្ម គង់នៅធាតុម្មហារាជិកាមកទទួលវេនបន្តពីទេវតាឆ្នាំចាស់ ទ្រង់អម្ពរបៃតង សៀតផ្កាមណ្ឌា គ្រឿងប្រដាប់មរកត ភក្សាហារ សណ្តែក ល្ង ព្រះហស្តស្តាំទ្រង់កង្វេរ ព្រះហស្តឆ្វេងទ្រង់ធ្នូ ទ្រង់គង់លើគជសារ (ដំរី) ជាពាហនៈ។
- កម្មវិធីបុណ្យមាន៣ថ្ងៃ ដូចតទៅ
ថ្ងៃព្រសហ្បតិ៍ ១១កើត ខែចេត្រ ត្រូវនឹងថ្ងៃទី១៤ ខែមេសា គ.ស២០១១ ជាថ្ងៃចូលឆ្នាំថ្មី វេលាម៉ោង១៣និង១២នាទីរសៀល ។
ថ្ងៃសុក្រ ១២កើត ខែចេត្រ ត្រូវនឹងថ្ងៃទី១៥ ខែមេសា គ.ស២០១១ ជាវារៈវនប័ត។
ថ្ងៃសៅរ៍ ១៣កើត ខែចេត្រ ត្រូវនឹងថ្ងៃទី១៦ ខែមេសា ឆ្នាំ២០១១ ជាវារៈឡើងស័ក គម្រប់ជាសង្ក្រាន្ត៣ថ្ងៃ ដោយបរិបូរណ៍ និងចូលឆ្នាំថោះ ត្រីស័ក តរៀងទៅ។
ដើម្បីបង្កភាពសប្បាយរីករាយ និងរក្សាប្រពៃណីទំនៀមទម្លាប់របស់ជាតិឱ្យបានគង់វង្ស និងភាពរុងរឿងនោះ គណៈកម្មាធិការជាតិរៀបចំបុណ្យជាតិ-អន្តរជាតិ ដាក់ចេញនូវផែនការណែនាំចុះថ្ងៃទី៣០ មីនា ៖
១-គ្រប់ក្រសួង រដ្ឋលេខាធិការដ្ឋាន ស្ថាប័ន អង្គភាព រាជធានីភ្នំពេញ-ខេត្ត ទីប្រជុំជន វត្តអារាម សាលារៀន រោងចក្រ សហគ្រាស នឹងគ្រប់គេហដ្ឋាន ត្រូវរៀបចំសម្អាត តុបតែងលម្អ រំលេចរចនាដោយមានបដាពាក្យស្លោក ទង់ជាតិ ទង់ជ្វាលា និងរៀបចំគ្រឿងសក្ការបូជា មានផ្កាភ្ញី ទៀនធូបជាដើម ថ្វាយព្រះរតនត្រ័យ និងរៀបចំពលីកាដ៏សមរម្យ មាននំចំណី ផ្លែឈើជាដើម ទទួលទេវតាឆ្នាំថ្មី ព្រមទាំងត្រូវតុបតែងលម្អដោយភ្លើងពណ៌អគ្គិសនី និងនៅតាមជនបទ ចាត់តាំងឱ្យមានការដុតគោម ប្រទីបជ្វាលា ឱ្យបានភ្លឺព្រោងព្រាតនាពេលយប់រយៈពេល៣ថ្ងៃ ក្នុងឱកាសនៃការចូលឆ្នាំថ្មីប្រពៃណីជាតិ។
២-ក្រសួងមហាផ្ទៃ និងក្រសួងការពារជាតិ ត្រូវបានផែនការណែនាំជាក់ស្តែងដង់អង្គភាពក្រោមឱវាទរាជធានីភ្នំពេញ-ខេត្ត បង្កើនកិច្ចការពារថែរក្សាធានាសន្តិសុខ របៀបរៀបរយសណ្តាប់ធ្នាប់សង្គម បង្កភាពសប្បាយរីករាយធានាសុវត្ថិភាពជូនមហាជន ប្រជាជន មុន ក្រោយ និងក្នុងពេលប្រារព្ធពិធីបុណ្យប្រពៃណីជាតិនេះ និងនៅមានចំណុចជាច្រើនទៀត…៕
ចែករំលែកព័តមាននេះ