តាមធម្មតាមនុស្សគ្រប់រូបតែងសុបិនឃើញនេះ ឃើញនោះពេលកំពុងសម្រាន្តលង់លក់ក្នុងដំណេក ហើយសុបិនទាំងនោះជួនឆុតខ្លះ ជួនមិនឆុតខ្លះ ចំណែកសុបិនរបស់ព្រះពោធិសត្វវិញពិតជាឆុត ឬត្រឹមត្រូវមួយរយភាគរយដូចជាមហាសុបិនទាំង៥គឺ៖
សុបិនទី១ ព្រះអង្គទ្រង់ទតឃើញរូបព្រះអង្គផ្ទុំសន្ធឹងផ្ងារនៅលើផែនដី ដោយយកប្រឹថពីជាគ្រែ ។
សុបិនទី២ ព្រះអង្គទតឃើញមានផ្កាឈូកមួយទំហំប៉ុនកង់រទេះ ដុះចេញមកអំពីផ្ចិតរបស់ព្រះអង្គ លូតឡើងទៅទល់នឹងអាកាស ។
សុបិនទី៣ ព្រះអង្គទតឃើញ មានសត្វដង្គូវធំៗវៀរឡើងពីចុងព្រះបាទាដល់ក្បាលជង្គង់ ។
សុបិនទី៤ ព្រះអង្គទតឃើញមានសត្វបក្សាបក្សីបួនពួកមានពណ៌សម្បុរផ្សេងគ្នា ហើរមកក្រាបទៀបជិតបាទាព្រះអង្គ ។
សុបិនទី៥ ព្រះអង្គទតឃើញរូបព្រះអង្គយាងចង្ក្រមនៅលើភ្នំលាមកដ៏ធំមួយ តែលាមកនោះមិនប្រឡាក់ព្រះបាទាឡើយ ។
ពេលព្រះអង្គដឹងខ្លួនឡើងទ្រង់បានធ្វើសេចក្តីសន្និដ្ឋានថា មហាសុបិនទាំង៥នេះ ហាក់ដូចជាសេចក្តីប្រកាសមួយបញ្ជាក់ប្រាប់ថា អាត្មាអញនឹងត្រាស់ដឹងធម៌ប្រាកដ ។ សាន សារិន
ចែករំលែកព័តមាននេះ