ដើម្បីគិតឃើញគំនិតល្អសម្រាប់អាជីវកម្មផ្ទាល់ខ្លួន អ្នកមិនចាំបាច់ត្រូវរៀនយកបរិញ្ញាប័ត្របួនឆ្នាំសិន ឬដើរជុំវិញពិភពលោកដើម្បីរកមើលគំនិតប្លែកៗទេ ។ គំនិតអាជីវកម្មភាគច្រើនកើតចេញពីបទពិសោធន៍ និងចំណាប់អារម្មណ៍មនុស្សប៉ុណ្ណោះដែលកាន់តែមានភាពចម្រុះ និងផ្លាស់ប្តូរជារៀងរាល់ថ្ងៃ ។ ប៉ុន្តែក្នុងសម័យកាលបច្ចុប្បន្ននេះ តើមានគំនិតគួរឲ្យចាប់អារម្មណ៍អ្វីខ្លះដែលអាចយកមកប្រែឲ្យក្លាយជាអាជីវកម្មមួយបាន?…
ដើម្បីគិតឃើញគំនិតល្អសម្រាប់អាជីវកម្មផ្ទាល់ខ្លួន អ្នកមិនចាំបាច់ត្រូវរៀនយកបរិញ្ញាប័ត្របួនឆ្នាំសិន ឬដើរជុំវិញពិភពលោកដើម្បីរកមើលគំនិតប្លែកៗទេ ។ គំនិតអាជីវកម្មភាគច្រើនកើតចេញពីបទពិសោធន៍ និងចំណាប់អារម្មណ៍មនុស្សប៉ុណ្ណោះដែលកាន់តែមានភាពចម្រុះ និងផ្លាស់ប្តូរជារៀងរាល់ថ្ងៃ ។ ប៉ុន្តែក្នុងសម័យកាលបច្ចុប្បន្ននេះ តើមានគំនិតគួរឲ្យចាប់អារម្មណ៍អ្វីខ្លះដែលអាចយកមកប្រែឲ្យក្លាយជាអាជីវកម្មមួយបាន?
១. ការជួលវេបសាយ
ពីមុន អ្នកបង្កើតវេបសាយមានការងារតែមួយទេ គឺបង្កើតវេបសាយហើយប្រគល់វាឲ្យទៅក្រុមហ៊ុនឬអាជីវកម្មជាការស្រេច ។ ប៉ុន្តែបច្ចុប្បន្ននេះមានអ្នកបង្កើតវេបសាយមួយចំនួនដែលបង្កើតវេបសាយទុកជួលឲ្យអតិថិជនទៅវិញ ។ អតិថិជនអាចជ្រើសរើសរូបរាងវេបសាយដែលពួកគេចូលចិត្តសម្រាប់អាជីវកម្មឬក្រុមហ៊ុនរបស់ខ្លួនរួចបង់ថ្លៃជួលជារៀងរាល់ខែ ។ អាជីវកម្មទាំងនេះមានផ្តល់ជាសេវាមើលថែវេបសាយឲ្យទៅអតិថិជន និងធ្វើការ Update ដើម្បីរក្សាភាពជឿនលឿននិងទាក់ទាញផងដែរ ។
២. ការបង្កើតកម្មវិធីទូរស័ព្ទសម្រាប់ការអប់រំ
ប្រជាជនក្នុងប្រទេសកម្ពុជាកាន់តែច្រើនជាពិសេសក្មេងៗ និងយុវវ័យកំពុងតែមានសមត្ថភាពក្នុងការទិញគ្រឿងអេឡិចត្រូណិចដូចជាស្មាតហ្វូន និង Laptop ដែលអនុញ្ញាតឲ្យពួកគេយកមកប្រើធ្វើកិច្ចការជាច្រើន ។ បូកផ្សំជាមួយនឹងអ៊ីនធើណែត ប្រជាជនកម្ពុជាអាចទាញអត្ថប្រយោជន៍ពីការរៀនសូត្រតាមប្រព័ន្ធអេឡិចត្រូណិច និងអ៊ីនធើណេតនេះយ៉ាងខ្លាំង ។
ប៉ុន្តែជាក់ស្តែងក្នុងប្រទេសកម្ពុជាយើង គឺមិនទាន់មានកម្មវិធីគ្រប់គ្រាន់ដើម្បីផ្តល់សេវាកម្មទាំងនេះទេ ។ ដោយហេតុដូចនេះ សម្រាប់អ្នកដែលមានសមត្ថភាពក្នុងការសរសេរកូដនិងបង្កើតកម្មវិធី វាអាចជាឱកាសល្អមួយក្នុងការប្រឡូកចូលក្នុងវិស័យថ្មីខាងលើ ។
៣. ការលក់អាហារតាមអ៊ីនធើណេត
កង្វក់បរិយាកាស និងការស្ទះចរាចរណ៍បានធ្វើឲ្យមនុស្សកាន់តែច្រើនក្នុងប្រទេសកម្ពុជាមានភាពខ្ចិលច្រអូសក្នុងការចេញពីផ្ទះ ឬការិយាល័យពេលដែលពួកគេចង់បរិភោគម្ហូបក្រៅផ្ទះ ។ ដោយហេតុដូចនេះ សម្រាប់អ្នកដែលមានទេព្យកោសល្យក្នុងផ្នែកចម្អិនអាហារនោះ អ្នកអាចចាប់យកឱកាសនិងផ្គត់ផ្គង់ឲ្យមនុស្សទាំងនេះបាន ។ ជាក់ស្តែង អាជីវកម្មក្នុងវិស័យនេះក៏កាន់តែមានភាពងាយស្រួលទៅដែរព្រោះអ្នកមិនចាំបាច់ដឹកជញ្ជូនដោយខ្លួនឯងដែរដោយអ្នកអាចប្រើសេវាដឹកជញ្ជូនដទៃដែលមានលើទីផ្សារស្រាប់ ៕ កែសម្រួលដោយ៖ សុឃាក់
ចែករំលែកព័តមាននេះ