រាជធានីភ្នំពេញ ៖ យោងតាមសេចក្តីប្រកាសព័ត៌មានរបស់ក្រសួងអប់រំយុវជននិងកីឡាបានឲ្យដឹងថា ការប្រឡងសញ្ញាបត្រមធ្យមសិក្សាទុតិយភូមិចំណេះទូទៅនិងបំពេញវិជ្ជាមានបេក្ខជនសរុបចំនួន២៣.១២៦នាក់បានប្រឡងជាប់សញ្ញាបត្រមធ្យមសិក្សាទុតិយភូមិសម្រាប់ឆ្នាំសិក្សា២០១៣ ២០១៤ ក្នុងចំណោមបេក្ខជនសរុបជាង៨ម៉ឺននាក់ ដែលបានចូលរួមប្រឡងវិញ្ញាសាសរសេរ នា
រាជធានីភ្នំពេញ ៖ យោងតាមសេចក្តីប្រកាសព័ត៌មានរបស់ក្រសួងអប់រំយុវជននិងកីឡាបានឲ្យដឹងថា ការប្រឡងសញ្ញាបត្រមធ្យមសិក្សាទុតិយភូមិចំណេះទូទៅនិងបំពេញវិជ្ជាមានបេក្ខជនសរុបចំនួន២៣.១២៦នាក់បានប្រឡងជាប់សញ្ញាបត្រមធ្យមសិក្សាទុតិយភូមិសម្រាប់ឆ្នាំសិក្សា២០១៣ ២០១៤ ក្នុងចំណោមបេក្ខជនសរុបជាង៨ម៉ឺននាក់ ដែលបានចូលរួមប្រឡងវិញ្ញាសាសរសេរ នាសម័យប្រឡងថ្ងៃទី៤-៥ ខែសីហា ឆ្នាំ២០១៤ នៅទូទាំងប្រទេស ។ ការប្រកាសលទ្ធផលបានប្រព្រឹត្តទៅកាលពីរសៀលថ្ងៃទី២៩ ខែសីហា ឆ្នាំ២០១៤នៅតាមមណ្ឌលនានាក្នុងរាជធានីភ្នំពេញ និងថ្ងៃទី៣០-៣១ ខែសីហា ឆ្នាំ២០១៣ នៅតាមបណ្តារាជធានី-ខេត្តទូទាំងប្រទេស ។
សេចក្តីប្រកាសព័ត៌មានដដែលបានបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិនាឆ្នាំសិក្សា២០១៣ -២០១៤នេះ មណ្ឌលប្រឡងនៅតាមរាជធានី ខេត្ត សរុបចំនួន១៣៤មណ្ឌល មានបន្ទប់ប្រឡងចំនួន៣.៦៤៣បន្ទប់ និងមានបេក្ខជនបានមកប្រឡងសរុបចំនួន៨៩.៩៣៧នាក់ ។ដំណើរការនៃការប្រឡងទាំងដំណើរការនៃវិញ្ញាសាសរសេរ កំណែ និងការបូកស្រង់ពិន្ទុ ដោយកុំព្យូទ័រប្រកបដោយជោគជ័យពុំមានឧប្បទ្ទវហេតុអ្វីគួរកត់សម្គាល់ឡើយ ។
យោងតាមការប្រកាសដែលបានបង្ហាញថា បេក្ខជនចំនួនជាង២មុឺននាក់ បានប្រឡងជាប់ (២៣.១២៦នាក់) ស្មើនឹង២៥,៧២% ក្នុងចំណោមជិត៩មុឺននាក់ (៨៩.៩៣៧នាក់) ។ ក្នុងចំណោមបេក្ខជនដែលប្រឡងជាប់ហើយទទួលបាននិទ្ទេស A មានចំនួន១១នាក់ ចំណែកនិទ្ទេស B មានចំនួន២៨០នាក់ ។
សម្រាប់បេក្ខជននៅរាជធានីភ្នំពេញដែលលទ្ធផលត្រូវបានប្រកាសនៅរសៀលថ្ងៃទី២៩ សីហា បានឱ្យដឹងថាបេក្ខជនបានជាប់៥.៥៧០នាក់ ក្នុងចំណោមបេក្ខជនសរុប (១៧.០៥៧នាក់) ក្នុងនោះនិទ្ទេស A ៣នាក់ និងនិទ្ទេស B ៦៨នាក់។ និទ្ទេស A ចំនួន៣នាក់ ជាយុវសិស្សដែលមកពីវិទ្យាល័យបាក់ទូក វិទ្យាល័យសន្ធរម៉ុក និងវិទ្យាល័យឫស្សីកែវ ។ ចំណែកនៅខេត្តកណ្តាលបេក្ខជនប្រឡងជាប់ចំនួន១.៨៤៨នាក់ ក្នុងចំណោម៩.៩៣០នាក់ និងនិទ្ទេសA មាន២នាក់ និទ្ទេសB មាន២១នាក់ ៕
ចែករំលែកព័តមាននេះ