រាជធានីភ្នំពេញ ៖ សម្ដេចតេជោ នាយករដ្ឋមន្ត្រីជាប្រធានគណបក្សប្រជាជនកម្ពុជាបានបញ្ជាក់ទៅកាន់អ្នកមួយចំនួនថា បើចង់ឈ្នះបក្សកាន់អំណាចចិត្តពីសមាជិកបក្សសិន កុំចេះតែនិយាយទាំងមិនដឹងអ្វី ។ ក្នុងពិធីបិទសន្និបាតត្រួតពិនិត្យការងារ ឆ្នាំ២០១៩ និងលើកទិញដៅការងារ…
រាជធានីភ្នំពេញ ៖ សម្ដេចតេជោ នាយករដ្ឋមន្ត្រីជាប្រធានគណបក្សប្រជាជនកម្ពុជាបានបញ្ជាក់ទៅកាន់អ្នកមួយចំនួនថា បើចង់ឈ្នះបក្សកាន់អំណាចចិត្តពីសមាជិកបក្សសិន កុំចេះតែនិយាយទាំងមិនដឹងអ្វី ។ ក្នុងពិធីបិទសន្និបាតត្រួតពិនិត្យការងារ ឆ្នាំ២០១៩ និងលើកទិញដៅការងារ ឆ្នាំ២០២០ របស់ក្រសួងមហាផ្ទៃ នារសៀលថ្ងៃទី២០ ខែកុម្ភៈនេះ ។
សម្ដេចតេជោ ហ៊ុន សែន នាយរដ្ឋមន្ដ្រីនៃកម្ពុជាបានថ្លែងថា មានអ្នកខ្លះលើកឡើងថា សម្ដេចក្រឡាហោម ស ខេង កំពុងទះកំភ្លៀង សម្ដេចតេជោ ជុំវិញបញ្ហារឿងពាក់ម៉ាស់ ដូច្នេះសម្ដេចតេជោ បញ្ជាក់ថា ពួកអ្នកឯងមិនទាន់ស្គាល់ទឹកចិត្តគណបក្សប្រជាជនកម្ពុជាទេ គឺសាមគ្គីភាព ដើម្បីយ៉ាងឲ្យប្រជាជនរស់នៅយ៉ាងស្រួល ។ សម្ដេចតេជោ ហ៊ុន សែន បានបញ្ជាក់ថា ៖«រហូតដល់ម៉ោងនេះមានពលរដ្ឋណាម្នាក់ឆ្លងអត់សោះ រួចនាំគ្នាភ័យខ្លាចម៉ាស់ឡើងថ្លៃ យើងចែក១លានម៉ាស់នៅប៉ោយប៉ែត រហូតដល់ខ្វះម៉ាស់ ។ ហើយអ្នកណាពាក់ម៉ាស់ក៏ពាក់ទៅ ដើម្បីការពារជំងឺផ្សេងៗ» ។
សម្ដេចបន្ដថា «រួចហើយវាយកសំឡេងរបស់ ខេង ឯងត្រូវគេយកទៅចាក់សំឡេង ខេង ឯងណែនាំនៅក្នុងបន្ទប់ក្រសួងនេះប្រជុំផ្ទៃក្នុងរបស់ក្រសួងវាយកសំឡេង ខេង ឯងទៅចាក់ថា ស ខេង កំពុងទះ កំភ្លៀង ហ៊ុន សែន ។ ហ៊ុន សែន ថា កុំឲ្យភ័យខ្លាច ស ខេង សូមផ្ដាំទៅវិញថា បើពួកអស់លោកឯង មិនទាន់ស្គាល់ទឹកចិត្តរបស់គណបក្សប្រជាជនទេទៅរៀនតាមទៅ» ។ សម្ដេចបន្ដថា នាពេលកន្លងមក សម្ដេចមិនបានហាមឃាត់ពលរដ្ឋ មន្ដ្រីរាជការ មិនឲ្យប្រុងប្រយ័ត្នទៅលើបញ្ហាសុខភាពនោះទេ ។ សម្ដេចប្រើពាក្យថា ប្រើម៉ាស់នៅពេលចាំបាច់ ។
សម្ដេចបានណែនាំឲ្យប្រជាពលរដ្ឋខ្មែរយកចិត្តទុកដាក់ចាំផ្ដើមពីមនុស្សម្នាក់ និងគ្រួសារនីមួយៗ តើនេះជាវិធីការពារប្រជាជនទេឬ ? ដូច្នេះពួកអ្នកឯងត្រូវយល់អំពីបញ្ហាទាំងនេះ ។ ជាងនេះទៅទៀត សម្ដេចបន្ថែមថា បញ្ហាជំងឺវីរុសកូរូណា មិនទាន់ត្រូវបានបញ្ចប់ឡើយ ។ សម្ដេចរំលឹកថា អ្នកលើនាវាដែលចូលចតនៅកម្ពុជានាពេលថ្មី គ្មានជំងឺវីរុសកូរូណាទេ ។
ជាមួយគ្នានោះ សម្ដេចអរគុណ ថៃ បានធ្វើការអះអាងថា គ្មានអ្នកជំងឺកូរូណាទេ ក្រោយពួកគេចាក់ចេញពីកម្ពុជាទៅថៃ ដើម្បីតជើងហោះហើរ ។ ហើយសម្ដេចក៏សូមអរគុណមិត្តភក្តិទាំងអស់បានចូលរួមសហការជាមួយអង្គការពិភពលោក ៕
ចែករំលែកព័តមាននេះ