ពលករ​ជាង​១០​នាក់​ជួប​គ្រោះ​លើ​ទឹកដី​ថៃ


ខេត្តបន្ទាយមានជ័យ ៖ កាលពី​ល្ងាច​ថ្ងៃ​ទី​១៨ កុម្ភៈ ឆ្នាំ​២០២០ ពលករ​ស្របច្បាប់​ចំនួន​១២​នាក់ ក្នុង​នោះ​ស្ត្រី​ជា​ពលករ​ម្នាក់​បាន​បាត់បង់​ជីវិត ចំណែក​១១​នាក់​ផ្សេង​ទៀត​បាន​រង​របួសធ្ងន់​ស្រាល ក្នុង​គ្រោះថ្នាក់​ចរាចរណ៍​រវាង​រថយន្ត​បុក​គូថ​រថយន្ត​ធំ​ដែល​ចត​តាម​ចិញ្ចើម​ផ្លូវ​លើ​ទឹកដី​ថៃ ក្នុង​ខេត្ត​ស៊ុ​ង​ខ្លា ។

ពលករ​រង​គ្រោះ​ទាំង​១២​នាក់​ខាងលើ​នេះ​គេ​មិន​ទាន់​ស្គាល់​អត្តសញ្ញាណ​នៅឡើយ​ទេ គ្រាន់តែ​ដឹង​ថា ពួក​គាត់​ជា​ពលករ​ស្របច្បាប់​ទើប​ចេញពី​កម្ពុជា​ឆ្លងកាត់​ស្រុក​អរញ្ញ​ខេត្ត​ស្រះ​កែវ ប្រទេស​ថៃ គ្រោង​ទៅ​ធ្វើការ​នៅ​រោងចក្រ​ម្ហូបអាហារ​សមុទ្រ​មួយ​ក្នុង​ខេត្ត​ស៊ុ​ង​ខ្លា​។

តាម​ប្រភព​ព័ត៌មាន​ពី​ទឹកដី​ថៃ​បានឱ្យ​ដឹង​ថា មុន​ពេល​កើតហេតុ ពលករ​ទាំង​១២​នាក់​ខាងលើ​បាន​ជិះ​ក្នុង​រថយន្ត​មួយ​គ្រឿង​ម៉ាក​រថ​ទូ ពាក់​ស្លាក​លេខ​ថៃ ផាត់​ថា​លុង​៣០-០៣២៦ លុះ​មក​ដល់​ចំណុច​កើតហេតុ​ខាងលើ ក៏​បុក​គូថ​រថយន្ត​ធំ​ដែល​អ្នកបើកបរ​ចត​តាម​ចិញ្ចើម​ផ្លូវ ដើម្បី​ដេក បណ្តាល​ឱ្យ​មាន​អ្នក​បាត់បង់​ជីវិត និង​រង​របួសធ្ងន់​ស្រាល​រដូករណែល ហើយ​ត្រូវ​អាជ្ញាធរ​និង​សមត្ថកិច្ច​ថៃ​ចុះ​អន្តរាគមន៍​ហៅ​រថយន្ត​សង្គ្រោះ​ក្នុង​ខេត្ត​ដឹក​យក​ទៅ​សង្គ្រោះ​នៅ​មន្ទីរពេទ្យ​ក្នុងស្រុក​ហាត​យ៉ៃ​និង​បាង​ខ្លា​ភ្លាម​ៗ​ផង​ដែរ ។

ជុំវិញ​ករណី​គ្រោះថ្នាក់​ចរាចរណ៍​ខាងលើ​នេះ មន្ត្រី​ការិយាល័យ​ទំនាក់ទំនង​ព្រំដែន​កម្ពុជា​-​ថៃ​ប្រចាំ​ច្រក​ទ្វារ​អន្តរជាតិ​ប៉ោយ​ប៉ែ​ត​ប្រាប់​តាម​ទូរស័ព្ទ​ថា មិន​ទាន់​ទទួល​បាន​ព័​ត៍​មាន​ខាងលើ​នៅឡើយ​ទេ ។ ម្យ៉ាងទៀត ខាង​លោក​អាច​ទទួល​បាន​តែ​ព័ត៌មាន​ដែល​កើតឡើង​តាម​ខេត្ត​ជាប់​ៗ​ព្រំដែន​តែ​ប៉ុណ្ណោះ ។ កោះសន្តិភាព​មិន​អាច​ទំនាក់ទំនង​សុំ​ការ​អត្ថាធិប្បាយ​ពី​មន្ត្រី​ស្ថាន​កុងស៊ុល​ខ្មែរ​ប្រចាំ​ស្រុក​អារញ្ញ ខេត្ត​ស្រះ​កែវ ឬ​ស្ថានទូត​កម្ពុជា​ប្រចាំ​ប្រទេស​ថៃ​បាន​ទេ ព្រោះ​មិន​ស្គាល់​លេខ​ទូរស័ព្ទ​៕ (​កែសម្រួល​ដោយ ៖ ធីតា​)

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០២:៤៧ | ក្នុងស្រុក

ក្រុមហ៊ុន LION CORPORATION (THAILAND) LTD និង​ក្រុមហ៊ុន TSNR Distribution Co., Ltd បរិច្ចាគ​ថវិកា​ចំនួន ៤០.០០០.០០០ រៀល និង​ជែល​លាងដៃ ជូន​មន្ទីរពេទ្យ គន្ធ​បុប្ផា និង​មន្ទីរពេទ្យ​មិត្តភាព ខ្មែរ​-​សូ​វៀត

១០:៤៧ | ក្នុងស្រុក

មិត្ត​ហ្វូ​ន កំពុង​អនុវត្តន៍​រក្សា​គម្លាត​ឆ្ងាយ​ពី​​គ្នា​ដោយ​លើកទឹកចិត្ត​ឱ្យ​អតិថិជន​របស់​ខ្លួន​ប្រើប្រាស់​សេវាកម្ម​ឌី​ជី​ថ​ល ក្នុង​​ពេល​កំពុង​ផ្ទុះ​កូ​វី​ដ​១៩

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

ការស្ទង់មតិគេហទំព័រថ្មី




សូម​អរគុណ