ខោអាវ​នឹង​ឡើងថ្លៃ​ខណៈ​ប្រទេស​មួយ​ចំនួន​ទទួល​វត្ថុធាតុដើម​ពី​ចិន​បាន​បិទ​រោងចក្រ​ខ្លះ​ហើយ


រាជធានី​ភ្នំពេញ ៖ សម្តេច​តេ​ជោ ហ៊ុន សែន នាយក​រដ្ឋមន្ត្រី​បាន​ឲ្យ​ដឹង​ថា ប្រទេស​មួយ​ចំនួន​បាន​បិទ​រោងចក្រ​ខ្លះ​រួច​ហើយ ដោយសារ​ខ្វះ​វត្ថុធាតុដើម​នាំ​ចូល​ពី​ប្រទេស​ចិន ដែល​ចំណុច​នេះ​នឹង​ធ្វើ​ឲ្យ​ខោអាវ​ឡើងថ្លៃ​នៅ​ពេល​ខាង​មុខ​នេះ ។ សម្តេច​តេ​ជោ ហ៊ុន សែន នាយក​រដ្ឋមន្ត្រី​បាន​បញ្ជាក់​ថា ក្នុង​គរុ​សិស្ស គរុ​និស្សិត បញ្ចប់​ការ​សិក្សា​ឆ្នាំ​២០១៨-២០១៩ ជិត​២​ពាន់​នាក់ នា​ព្រឹក​ថ្ងៃ​ទី​១៨ ខែកុម្ភៈ​នេះ នៅ​វិទ្យាស្ថាន​ជាតិ​អប់រំ យ៉ាង​ដូច្នេះ​ថា ៖«​សេដ្ឋកិច្ច​កម្ពុជា​នឹង​ប៉ះពាល់​ខ្លះ​ហើយ ហើយ​មិនមែន​តែ​កម្ពុជា​ទេ នៅ​មាន​អាស៊ី អ៊ឺ​រ៉ុ​ប ក៏​ប៉ះពាល់​ដែរ​ឲ្យ​តែ​នាំ​ចូល​វត្ថុធាតុដើម​ពី​ប្រទេស​ចិន​» ។

សម្តេច​បន្ត​ថា ប្រទេស​ខ្លះ​បាន​កំពុង​តែ​បិទទ្វារ​ខ្លះ​ហើយ ដោយសារ​គ្មាន​វត្ថុធាតុដើម​មក​ផលិត ព្រោះថា​ប្រទេស​ទាំងនោះ​បាន​បិទ​ជើងហោះហើរ ការ​ដឹកនាំ​ចូល​តាម​ផ្លូវគោក និង​ផ្លូវទឹក ។ ប៉ុន្តែ​កម្ពុជា​មិន​បាន​បិទ​នោះ​ទេ ហើយ​កម្ពុជា​ឆ្លៀត​បាន​ទិញ​វត្ថុធាតុដើម​ដូច​ជា ក្រណាត់​បាន​នាំ​ចូល​តាំងពី​ថ្ងៃ​បុណ្យចូលឆ្នាំ​ចិន​ខ្លះ​ដែរ ។ ជាមួយ​គ្នា​នោះ​ដែរ សម្តេច​ក៏​បាន​អះអាង​ការ​សម្រេច​ដក​ការ​អនុគ្រោះ​ពន្ធ​របស់​សហភាព​អឺរ៉ុប​មក​កម្ពុជា​នោះ មិន​បាន​ប៉ះពាល់​ដល់​ការ​បិទទ្វារ​រោងចក្រ​នៅ​កម្ពុជា​នោះ​ទេ ។ ប៉ុន្តែ​អ្វី​ដែល​ប៉ះពាល់​ខ្លះ​នោះ​មិន​ថា កម្ពុជា​នោះ​ទេ ប្រទេស​នៅ​លើ​ពី​ភព​លោក គឺ​ជំងឺ​កូ​រ៉ូ​ណា​ថ្មី ដែល​ពិភពលោក​បាន​ព្រួយបារម្ភ ។

សម្តេច​ក៏​បាន​លើក​ឡើង​ទៀត​ថា បើ​គេ​ដក​អនុគ្រោះ​ពន្ធ​កម្ពុជា​នឹង​បង់​ព័ន្ធ​ជូន​គេ ។ តែ​ទីផ្សារ​កម្ពុជា​នៅ​សហភាព​អឺរ៉ុប​នៅ​តែ​បើក​សម្រាប់​កម្ពុជា​ដដែល ។ យ៉ាងណា​ក្តី​សម្តេច​បាន​ប្រកាស​ជំហរ​ថា មិន​ធ្វើការ​ឆ្លើយ​តប​នឹង​ការ​សម្រេច​អនុគ្រោះ​ពន្ធ​នេះ​ព្រោះថា កម្ពុជា​ត្រៀម​បង់ពន្ធ​ជូន​គេ​រួច​ហើយ ដោយ​ចំណាយ​ជាង​១០០​លាន​ដុល្លា​ក្នុង​មួយ​ឆ្នាំ ៕

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ