រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់ថា កម្ពុជានឹងចុះត្រជាក់ដល់២២អង្សាសេ ចាប់ពីថ្ងៃទី១៨ ដល់ថ្ងៃទី២៤ ខែកុម្ភៈខាងមុខនេះ ។ យោងតាមសេចក្តីជូនដំណឹងរបស់ក្រសួងធនធានទឹក ស្តីពីស្ថានភាពធាតុអាកាស បានឲ្យដឹងថា តាមរយៈការតាមដានស្ថានភាពអាកាសធាតុជាប់ជាបន្ត សង្កេតឃើញថា ឥទ្ធិពលខ្សោយនៃជ្រលងសម្ភាធខ្ពស់គ្រប់ដណ្តប់លើកម្ពុជា ។
ក្រសួងបន្តថា ស្ថានភាពបែបនេះធ្វើឲ្យនៅតំបន់ជួរភ្នំដងរែក និងខ្ពង់រាបឦសាន មានសីតុណ្ហភាពអប្បបរមាមានពី២២-២៥ អង្សាសេ និងសីតុណ្ហភាពអតិបរមានមានចំនួន៣២-៣៤អង្សាសេ ។ តំបន់វាលទំនាប់កណ្តាល មានសីតុណ្ហភាពអប្បរមាមានពី២៤ ដល់២៦អង្សាសេ និងសីតុណ្ហភាពអតិបរមាមានពី៣៣ ដល់៣៥អង្សាសេ និងតំបន់មាត់សុមត្រមានសីតុណ្ហភាពអប្បរមា មានពី២៥ ដល់២៧អង្សាសេ និងសីតុណ្ហភាពអតិបរមាមានពី៣១ ដល់៣៣អង្សាសេ ហើយផ្នែកខ្លះនៃតំបន់មាត់សមុទ្រនឹងអាចមានភ្លៀងខ្សោយ ៕
ចែករំលែកព័តមាននេះ