រាជធានីភ្នំពេញ ៖ មន្ត្រីក្រសួងអប់រំ យុវជន និងកីឡាបានឲ្យដឹងនៅថ្ងៃទី១៧ សីហា ២០១៤ នេះថា ក្រសួងអប់រំ យុវជន និងកីឡា បានប្រជុំកំណត់យកថ្ងៃទី១៣-១៥តុលា ២០១៤ខាងមុខ ដើម្បីរៀបចំការប្រលងលើកទី២ សម្រាប់បេក្ខជនដែលប្រលងធ្លាក់លើកទី១ក្នុងការប្រឡងសញ្ញបត្រមធ្យសិក្សាទុតិយភូមិ កាលពីថ្ងៃទី៤-៥ សីហា២០១៤។
រាជធានីភ្នំពេញ ៖ មន្ត្រីក្រសួងអប់រំ យុវជន និងកីឡាបានឲ្យដឹងនៅថ្ងៃទី១៧ សីហា ២០១៤ នេះថា ក្រសួងអប់រំ យុវជន និងកីឡា បានប្រជុំកំណត់យកថ្ងៃទី១៣-១៥តុលា ២០១៤ខាងមុខ ដើម្បីរៀបចំការប្រលងលើកទី២ សម្រាប់បេក្ខជនដែលប្រលងធ្លាក់លើកទី១ក្នុងការប្រឡងសញ្ញបត្រមធ្យសិក្សាទុតិយភូមិ កាលពីថ្ងៃទី៤-៥ សីហា២០១៤។
បន្ទាប់ពីកិច្ចប្រជុំមួយត្រូវបានធ្វើឡើងកាលពីសប្តាហ៍មុន ក្រសួងអប់រំ បានស្នើការកំណត់ថ្ងៃប្រលងនោះទៅកាន់ប្រមុខរាជរដ្ឋាភិបាលដើម្បីសម្រេចរួចហើយ តែនីតិវិធី និងដំណើរការប្រលង គឺធ្វើដូចការប្រលងលើកទី១ ដោយរឹតបន្តឹងវិន័យ ហើយក្រសួងអប់រំនឹងបន្តសហការជាមួយអង្គភាពប្រឆាំងអំពើពុករលួយដដែល។
បើទោះអ្នកនាំពាក្យក្រសួងអប់រំ លោក រស់ សាលីន កោះសន្តិភាពមិនអាចទាក់ទងបានដើម្បីសុំការពន្យល់ពីបញ្ហាលើក៏ដោយ តែរហូតដល់ពេលនេះមន្ត្រីក្រសួងអប់រំបាននិយាយថា គេមិនទាន់ដឹងពីលទ្ធផលនៃការប្រលងសញ្ញាបត្រមធ្យមសិក្សាទុតិយភូមិ កាលពីថ្ងៃទី៤-៥ សីហា នៅឡើយទេ ខណៈពេលដែលដំណើរការកំណែលើសន្លឹកកិច្ចដែលជាចម្លើយរបស់បេក្ខជនប្រលងជាង៩ម៉ឺននាក់ បានបញ្ចប់កាលពីសប្តាហ៍មុន ហើយដំណើរការបូកពិន្ទុ បានចាប់ផ្តើមកាលពីថ្ងៃសៅរ៍ ទី១៦ សីហាដែរ។ ប៉ុន្តែមានបេក្ខជនប្រលងខ្លះ ក៏បានធ្វើត្រូវច្រើន ហើយដូចជាមុខវិជ្ជាគណិតវិទ្យា គឺគេអាចទទួលបានពិន្ទុរហូតដល់១២៤លើពិន្ទុសរុប១២៥៕
មន្ត្រីក្រសួងអប់រំបានលើកឡើងថា ដំណើរការបូកសរុបពិន្ទុបេក្ខជនប្រលង ត្រូវបានធ្វើឡើងតាមប្រព័ន្ធកុំព្យួទ័រ ធ្វើនៅនាយកដ្ឋានមធ្យមសិក្សារបស់ក្រសួងអប់រំ ដោយមានការចូលរួមឃ្លាំមើល និងសង្កេតការណ៍ពីភ្នាក់ងារអង្គភាពប្រឆាំងអំពើពុករលួយ ដោយមានបំពាក់កាមេរ៉ាសុវត្ថិភាពផងដែរ។ ការបូកសរុបពិន្ទុគ្រោងនឹងបញ្ចប់នៅថ្ងៃទី២៥ ឬថ្ងៃទី២៦ សីហា។ ប៉ុន្តែតាមគម្រោងដំណើរការបូកសរុបពិន្ទុនោះអាចចប់មុនថ្ងៃកំណត់។
ការប្រកាសលទ្ធផលផ្លូវការនៃការប្រលងសញ្ញាបត្រមធ្យមសិក្សាទុតិយភូមិឆ្នាំនេះ នឹងធ្វើឡើងនៅថ្ងៃទី២៩ សីហា នៅតាមមណ្ឌលនានាសម្រាប់នៅភ្នំពេញ និងខេត្តកណ្តាល និងថ្ងៃទី៣០ សីហា សម្រាប់នៅតាមបណ្តាខេត្តទូទាំងប្រទេស។
បន្ទាប់ពីប្រកាសលទ្ធផលជាផ្លូវការរួច ក្រសួងអប់រំ បានតម្រូវឲ្យមន្ទីរអប់រំតាមខេត្ត-រាជធានី ចាត់ចែងឲ្យមានវគ្គបំប៉នដល់សិស្សត្រៀមប្រលងលើកទី២ ធ្វើនៅតាមវិទ្យាល័យទូទាំងប្រទេស។ វគ្គបំប៉នទាំងនោះ នឹងធ្វើឡើងដោយឥតគិតថ្លៃ ដើម្បីបន្ថែមលើចំណេះដឹងរបស់បេក្ខជន រួមមាន បង្ហាត់បង្ហាញពីរបៀបរបបនៃការប្រលង រូបមន្តគ្រឹះ និងវិធីសាស្ត្រក្នុងការបកស្រាយសំណួរជាដើម។ ស្របពេលជាមួយគ្នានេះដែរក្រសួងអប់រំបានប្រកាសពីលទ្ធផលប្រឡងសញ្ញាបត្រមធ្យមសិក្សាទុតិយភូមិចាប់តាំងពីឆ្នាំ១៩៨០ដល់ឆ្នាំ២០១៣ ផងដែរ ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ