ពេលនេះចាប់សត្វឥន្ទ្រី​បាន​វិញ​ហើយ ក្រោយ​​ហើរចេញពីទ្រនំព្រឹកមិញ​


រាជធានីភ្នំពេញ ៖ ​តាមសេចក្តីរាយការណ៍បឋមបាន​ឱ្យ​ដឹង​ថា គិតមកត្រឹមវេលាម៉ោង​​វេលា​​៤​និង​​១២​រសៀលថ្ងៃទី​​​១១ កុម្ភៈ ​ឆ្នាំ​២០២០ សត្វឥន្ទ្រីមួយក្បាល​របស់លោក​អធិការ​នគរបាល​ខណ្ឌ​​សែនសុខ​ដែល​ហើរចេញពីទ្រនំ​​កាលពីព្រឹកមិញ ​គឺ​ចាប់បានវិញហើយ ខណៈ​សត្វឥន្ទ្រី​មួយក្បាល​នោះហើរ​ទៅ​​ទុំលើដំបូលផ្ទះ​របស់​ប្រជា​ពលរដ្ឋ​ស្ថិតនៅ​ខាងលិច​អធិការដ្ឋាននគរបាល​ខណ្ឌ​សែនសុខ ហើយ​ត្រូវបានកម្លាំង​នគរបាលឡើងទៅចាប់បានវិញ​ ។ គួររំលឹកថា សត្វ​ឥន្ទ្រី​១​ក្បាល​ហើរ​ចេញពី​ទ្រនំ​អធិការដ្ឋាន​នគរបាល​ខណ្ឌ​សែន​សុខ (​មាន​វី​ដេ​អូ​)

តាមសេចក្តីរាយការណ៍បានបន្ត​ថា ពេលនេះ​សត្វឥន្ទ្រីមួយក្បាលខាងលើត្រូវ​បានកាត់ស្លាប​រួច​​យកមកលែង​ក្នុង​អធិការ​ដ្ឋាននគរបាលខណ្ឌសែនសុខវិញ​ហើយ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)

ព្រឹត្តិការណ៍សង្គម

Sponsored News

ការស្ទង់មតិគេហទំព័រថ្មី




សូម​អរគុណ