ខេត្តតាកែវ ៖ ផ្ទះឈើប្រក់ស័ង្កសីដែលសង់នៅក្បែរៗគ្នា៣ខ្នងត្រូវភ្លើងឆេះហ្មត់ ទ្រព្យសម្បត្តិក៏មិនអាចប្រមូលយកចេញបាន ហើយករណីភ្លើងឆេះផ្ទះ មិនត្រូវបានរថយន្តពន្លត់អគ្គិភ័យចេញមកជួយអន្តរាគមន៍ពន្លត់ទាន់ឡើយ ព្រោះជារដូវធ្លាក់ខ្យល់ ។ ហេតុការណ៍នេះ កើតឡើងនៅវេលាម៉ោង៦និង៣០នាទីព្រឹក នៅព្រឹកថ្ងៃទី១១ កុម្ភៈ នៅភូមិចក សង្កាត់រកាក្នុង ក្រុងដូនកែវ ខេត្តតាកែវ។ នគរបាលក្រុងដូនកែវ ក៏បានធ្វើការអំពាវនាវដល់បងប្អូនប្រជាពលរដ្ឋទាំអស់ មុននឹងចេញក្រៅផ្ទះប្រកបរបររកទទួលទាន សូមពិនិត្យភ្លើងទៀន ភ្លើងធូប ភ្លើងចង្ក្រាន ពិសេសចរន្តអគ្គីសនីត្រូវបិទបារ៉ែតភ្លើង ខ្លាចក្រែងទុស្សេខ្សែភ្លើង បង្កជាអគ្គីភ័យដូចករណីខាងលើជាយថាហេតុ ។
លោកកប សុខុម អធិការងនគរបាលក្រុងដូនកែវបានអោយដឹងថា យើងប្រភពពីម្ចាស់ផ្ទះបានប្រាប់ថា បណ្តាលមកពីទុស្សេខ្សែចរន្តអគ្គិសនីក្នុងផ្ទះ ក៏ក្លាយភ្លើងឆាបឆេះរាលដាលតៗគ្នាអស់ផ្ទះ៣ខ្នងទាំងស្រុង តែម្តង ។ ចំពោះព័ត៌មានដែលថា រថយន្តពន្លត់មិនអាចជួយអន្តរាគមន៍សង្គ្រោះផ្ទះ៣ខ្នងនេះបានទាន់ គឺភ្លើងកើតឡើងលឿនរហ័សពេក ។ លោកអធិការរងបន្តថា ម្ចាស់ផ្ទះទី១-ឈ្មោះឆូវ វាត ភេទប្រុស មានប្រពន្ធឈ្មោះកែន សឿន មានផ្ទះឈើ៦ គុណ៥ម៉ែត្រ ។ ទី២-ឈ្មោះទូច សុង មានផ្ទះឈើ៥ គុណ៦ម្ចាស់ផ្ទះ និងទី៣-ឈ្មោះឈឹត ឧត្តម មានប្រពន្ធឈ្មោះទូច សាមឌី មានផ្ទះឈើ៥ គុណ៦ដូចគ្នា ។
ទោះបីជាបែបណាក៏ដោយ សមត្ថកិច្ចបានប្រើប្រាស់រថយន្តពន្លត់អគ្គិភ័យបាញ់ទឹកអស់៣រថយន្តដែរ ដើម្បីគ្រប់គ្រងហេតុការណ៍នេះ មិនឲ្យឆេះរាលដាលបន្តទៀត ។ ចំពោះទ្រព្យសម្បត្តិដែលខូចខាតសរុបមានម៉ូតូ២គ្រឿងនិងទ្រព្យសម្បត្តិមួយចំនួនផងដែរ ។
ចែករំលែកព័តមាននេះ