វៀតណាម ៖ ដោយមិនអាចដោះស្រាយជាមួយនឹងការបាត់បង់ភរិយាជាទីស្រឡាញ់របស់គាត់ បុរសជនជាតិវៀតណាមម្នាក់ បានជីកយកបំណែកសាកសពរបស់នាង ដាក់ក្នុងរូបចម្លាក់ធ្វើពីម្នាងសិលា ហើយបានដេកនៅលើគ្រែជាមួយចម្លាក់តុក្កតានោះអស់រយៈពេល១៦ឆ្នាំមកហើយ។ កាលពីឆ្នាំ២០០៩ រឿងរ៉ាវដ៏ចម្លែករបស់លោក Le…
វៀតណាម ៖ ដោយមិនអាចដោះស្រាយជាមួយនឹងការបាត់បង់ភរិយាជាទីស្រឡាញ់របស់គាត់ បុរសជនជាតិវៀតណាមម្នាក់ បានជីកយកបំណែកសាកសពរបស់នាង ដាក់ក្នុងរូបចម្លាក់ធ្វើពីម្នាងសិលា ហើយបានដេកនៅលើគ្រែជាមួយចម្លាក់តុក្កតានោះអស់រយៈពេល១៦ឆ្នាំមកហើយ។
កាលពីឆ្នាំ២០០៩ រឿងរ៉ាវដ៏ចម្លែករបស់លោក Le Van ត្រូវបានគ្រប់គ្នាដឹង ហើយមានការភ្ញាក់ផ្អើលយ៉ាងខ្លាំង ។ គ្មាននរណាម្នាក់ធ្លាប់ជឿថា មានមនុស្សយកបំណែកសាកសពក្នុងផ្នូររបស់ប្រពន្ធខ្លួនទៅដាក់ឱបនៅផ្ទះអុីចឹងនោះទេ ។ តែនេះគឺជាអ្វីដែលលោក Le Van បានធ្វើអស់រយៈពេល១៦ឆ្នាំមកហើយ។ បើទោះបីជាបងប្អូនសាច់ញាតិ មានការជំទាស់ខ្លាំងយ៉ាងណាក៏ដោយ ក៏លោកមិនមានគម្រោងនឹងឈប់ដែរ។
លោក Van និងភរិយា បានរៀបការជាមួយគ្នានៅឆ្នាំ១៩៧៥។ ពួកគេមិនដែលស្គាល់គ្នាពីមុនមកទេ តែម្តាយឪពុកចាប់ផ្សំផ្គុំតាំងពីនៅក្មេងៗ។ អារម្មណ៍ស្នេហាក៏បានដុះឡើង ក្រោយពេលរៀបការបានមួយរយៈ។ ពួកគេមានកូន៧នាក់ និង រស់នៅក្នុងជីវភាពតានតាំង តែមានសុភមង្គលរហូតមកដល់ឆ្នាំ២០០៣ ។ នៅពេលនោះ លោក Van ដែលកំពុងតែធ្វើការនៅឆ្ងាយពីផ្ទះ ត្រូវបានគេប្រាប់ថា ប្រពន្ធរបស់គាត់បានស្លាប់ហើយ។ គាត់បានស្ទុះស្ទាត្រឡប់មកផ្ទះ ហើយអាចឃើញមុខប្រពន្ធបានត្រឹមតែបន្តិចមុនពេលគេយកទៅបញ្ចុះ។
ដំបូងឡើយ លោក Van បានចំណាយពេលទាំងយប់ទាំងថ្ងៃ នៅឯទីបញ្ចុះសពដោយដេកលើផ្នូរប្រពន្ធ ប៉ុន្តែបន្ទាប់ពីពីរបីខែគាត់ចាប់ផ្តើមព្រួយបារម្ភអំពីអាកាសធាតុមិនល្អ។ នៅយប់មួយ គាត់បានជីករកបំណែកនៃសាកសពដាក់ក្នុងកាបូប មុនពេលគាត់ធ្វើជារូបតុក្កតាធ្វើពីម្នាងសិលា។ គាត់បានយកកម្ទេចនោះទៅដាក់នៅក្នុងរូបតុក្កតា ហើយយកទៅដាក់នៅលើគ្រែ ដើម្បីដេកឱបរាល់ថ្ងៃរាល់យប់។ គាត់បានធ្វើបែបនេះអស់រយៈពេល១៦ឆ្នាំមកហើយ។
ក្រោយពេលកូនៗដឹង ពួកគេបានប្រាប់ឪពុកឱ្យយកម្តាយទៅដាក់នៅក្នុងផ្នូរវិញ ដើម្បីឱ្យគាត់បានស្ងប់។ តែឪពុកមិនព្រមនោះទេ។ ក្រោយមកទៀត អ្នកជិតខាងបានដឹងរឿងនេះ ក៏រាយការណ៍ប្រាប់អាជ្ញាធរ និង ប្តឹងពីបទចម្លងជម្ងឺ។ តែលោក Van នៅតែមិនព្រមធ្វើតាមទាល់តែសោះ។ គាត់សំអាតរូបតុក្កតានោះ រាល់ថ្ងៃហើយផ្លាស់សម្លៀកបំពាក់ឱ្យជាប្រចាំ ដូចពេលដែលប្រពន្ធរបស់គាត់នៅរស់អុីចឹង ៕
ចែករំលែកព័តមាននេះ